الحب قبل الزواج

كلام شيخ محمد حسان صح جدا وما فيش اي اعتراض خااااااااااالص عليه

بس حكاية الحب دي مش بايدينا وكمان ان شاء الله الحب بيكون نهايته بإذن الله الجواز

و فيه حب نقي طاهر وده بيتوقف على اخلاق الشخصين

و غالبية كلام الشيخ محمد حسان كان للمتزوجة اللي بتحب على زوجها

وده اصلا مش محتاج اي كلام

ده شئ مفروغ منه

وشكرا يا محمد ع الفيديو الجميل ده والتذكرة

تمام وكلامك صح لكن انما الاعمال بالنيات
وبعدين فى ناس بتعمل ذنوب ومعاصى كتيــــــــر
اوى اكبر واعظم من كدة لكن الناس بتشوف اللى هى عاوزاه وبس

اكيد طبعا كلام الشيخ محمد صح جدا
وللأسف فى بعض الشباب بيستغلوا الحب استغلال خاطئ
الحب ده مشاعر جميلة ربنا وضعها فينا بس مينفعش اننا نستغلها بالطريقة اللى بنشوفها
وبتكون اسهل كلمة ممكن احد الطرفين يضحك بيها على الطرف الأخر باسم الحب
وربنا وضع لنا اطار لكى تحتفظ به هذه المشاعر بسموها
والاطار ده يحفظ كرامة الطرفين
والاطار ده بيكون فى اطار شرع الله
وغير كده مينفعش

اسمحولى انى اقول ان فيه ناس بتعجب ببعضها وبيبقى غرضها الجواز واعتقد ان الاعجاب مفيش منه اى حاجة
وفيه ناس تانية غير كده بتاخد الموضوع اسلوب حياة دول بقى الغلط والحرام كمان
لكن الحب الطاهر محدش يقدر يتكلم عليه وكان كمان موجود ايام الصحابة ومسمعتش ان حد فيهم قال عليه حرام

ياريت يكون كلامى واضح

والله انا شايف ان كلامك كلكم صح
وفعلا للأسف فى ناس كتير بتاخد الحب واجهه علشان يستغلو الطرف الاخر
وربنا يهدى
شكرا يا محمد