يا رجل، كبر مخك .. هكذا يتابع مبارك أحوال مصر

أكتر حاجة حارقة دمي في الفيديو ده
ان نوابنا بيصقفو مش عارف علي ايه

[center]

يا نهار ابيض

بيقولهم : " انا هقعد افر كل حاجة في البلد , يا راجل كبر دماغ "

وهما بيضحكوا ويصفقوا

وعجبى !!!!!!!!!!!!


والله ع راي محمد صبحي لما قال ان " الشعب المصري احسن شعب يتختم على قفاه ويصقف "

انا مش بدافع لكن كلامه صح
هو معقولة شخص واحد يتابع كل حاجة
فى البلد؟؟ امال ايه وضيفة الوزرا والمحافظين ورؤساء الأحياء؟؟

لا ياعلي ماهو بيقولك بنفسه أنا متابع كل حاجة
وعارف كل اللي بيحصل في البلد
بس كبر دماغك
هو ده الصح فعلا !!!!!!!!!!!!!!!!!!!!!!!!!!!!!!!!!!!

هو متابع اللى ينفع يتابعه
لكن الريس يعنى مش هيروح يحل ويعاين ازمة العيش
او أزمة الغاز او البطالة والكلام ده

الريس هو المسئول عن كل حاجه فى البلد
وهو اللى هيتسأل قدام ربنا على كل حاجه

ده النواب اللي المفروض منتخبين (المفروض بس هما تقريبا دلوقتي تفصيل علي مقاس الحكومة) بيقولو اضربو علي المتظاهرين نار منتظرين من القائد العظيم يقول ايه
ده كدة كويس قوي انه بيكبر والمعتقلات شغالة والشرطة قايمة بواجبها علي اكمل وجه لخدمة الحكوم مش الشعب

فعلا

الريس هيتسأل عن كل ده ادام ربنا وهيتسأل عن الرجالة اللي تحت ايده ومش بيقموا بشغلهم

لان هو الراعي والمفروض مسؤول عن رعيته

لا طبعا يا بشمهندس علي
الرئيس هو المسؤل عن كل حااااااااااااااجه
افتكر كمان انه لو مش قادر يفر كل حاجه في البلد
يبقي يسيبها للي يقدر يعمل كده
وبعدين النواب دول زي الناس اللي معاهم معاهم عليهم عليهم
يعني من الاخر الحكايه كلها بايظه

يا جماعة من الاخر
رحم اله امرء عرف قدر نفسه
الراجل قال اللى عنده وبردو بيكسب
والناس بتنتخبه والشعب عاوزه

هو حد يقدر يتكلم عن سياده الريس

ههههههه
افتكر كان فى فرصه ساعة ايمن نور بس ساعتها نتيجه الانتخابات جات مخيبه للأمال
اكتر من ستين فى الميه صوتو لحسنى
يعنى فعلا فى ناس بتحبه
وشايفين انه الافضل
ده مش رأيى بس دى حقيقه لازم مش ننساها
ومعتقدش ان فى رئيس ايا كان هو مين برادعى زويل شيخ ازهر اى كائن
هيقدر يتابع كل حاجه بنفسه الكلام ده كان ايام الخلفاء الراشدين ودول زمنهم انتهى

معلش انا بختلف معاك يانشوان انت وعلي في حاجة بسيطة قوي

هو بيكسب بس مافتكرش ان الناس بتنتخبه وهي دي قمة السلبية بتاعتنا

انا بس عايز اسأل سؤال بس نتيجة استفتاءات تعديل الدستور طلعت 99%وحاجة من 10 وقالو تقريبا 20 مليون صوتو وانا مش عايز اقسم بالله ان اللي صوت أصلا مايكملش خمسهم حتي وكدة الاستفتاء باطل من الأساس وفي الأخر اتعدل الدستور ودلوقتي بقت المظاهرات شغالة حركة 6 ابريل وحركات تانية علشان المواد دي تتعدل تاني طيب احنا كنا فين من الاول ولا لازم نشوف العواقب وقانون الطوارئ وبعدين نتحرك

بقولك بس ببساطة اللي يزور في استفتاء وانتخابات مجلس شعب مش صعب ان نتيجته تبقي 60% ده كدة كويس قوي انه ماخلهاش 90% علشان الشكل بس

حلو الكلام
ممكن بقى ترجع بالذاكره شويه لقبل البرادعى
معتقدش ان اصلا كان فى حد بيتكلم عن تغيير مبارك
وكمان ناس كتير كانت بتقول انه زى ما بوظ حاجات برده ليه مزايا
المشكله اننا بنعلق نفسنا باوهام
زمان كنا بنقول مبارك احسن من غيره "صدام مثلا "
والنهارده بنقول البرادعن هو الحل
والاتنين
اوهاااااااااااااااااااااااااااااااااااااااااااااااااااااااااااااااام

يانشوان ماكنش بيقول كدة الا الناس الغلابة اللي علي نياتهم علي الاخر
كلام اللي نعرفه احسن .......... والامثلة دي
علي فكرة كنت متابع جدا انتخابات مجلس الشعب علي الاقل والدي كان بيساند واحد معين وحضرت التزوير بنفسي وفي انتخاباته قليل جدا اللي راح الانتخابات اصلا واحنا عندنا اللجنة قعدت فترة طويلة ماتدخلش حد

انا هقولك المثل الافضل هنا
ضرب الاعور علي عينه .............وباقيته طبعا
فمش هنبقي اسوأ من دلوقت وانا معاك اننا ماكناش بنتكلم مش بنأيد حسني ولا حاجة لما جه البرادعي ادانا امل شوية ان احنا ممكن نعمل حاجة واتعملت حركة التغيير وحركات تانية وبدات سلبيتنا تقل شوية

بس ازاي يصقفو كدة