مبارك ينصح بوتين بعدم التخلي عن السلطة

ياعم بوتين اعقل**** ها تسيب السلطة ليه
ما انا ربع قرن قاعد**** حصل لي بس ايه
دا الكرسي يا ابني جنة**** للي بيقعد عليه
تبقي البلد ف ايدك **** مفتوحة ولا البوفيه
تغرف وتملا جيبك*** وجيوب ولاد الايه
وتخدم اصدقائك**** في أميركا والاليزيه
*****
اطلب من بوش فترة **** وها يخسر يعني أيه
دا كريم وايده فرطة**** بس انت اضحك عليه
قل له ان الفودكا ملكه**** والكافيار والفيليه
قل له ان الغاز بتاعه**** ما تعزش شيء عليه
قل له أنا قاعد بحسك**** ومصيرك بين أيديه
ابعت نظيف بتاعك**** فهمه ها يقول له ايه
يقول له بوتين عاوز**** الى يطبطب عليه
*****
لو شايفه فاتح بقه**** على حد م الجيران
اعمل نفسك مطنش**** خليه ياخد الامان
وبعدين اعمل منظر**** يعني تطلع بيان
دي أمور أنا مجربها****وبأعملها من زمان
تبقي انت واحد منا**** وتنضم للخلان
*****
ياخسارة دا انت نونو**** لسا في سن الشباب
ليه تترمل في عزك**** وتسيبها للكلاب
لو فيه عندك عيال**** يبقالها الف باب
دا السلطة البعد عنها**** بدون الموت عذاب
ها تبقى ايامك صعبة**** وتشوف النوم سراب
أنا ناوي اخدها دايركت
من الكرسي للتراب
*****
بس انت اديني رنة**** وانا ابعت لك سرور
ترزي لكن معلم**** أيده تتلف في حرير
دا حجة في المغالطة**** ومكلمة في الزور
يعمل من الحق باطل**** ويسمي الضلمة نور
في سهرة واحدة منه**** ها يظبط الامور
لو كان دستوركو عاصي**** يحلبه لو حتى تور

احم احم

طيب يا اتش

امسح رقم موبايلي واحذف اميلي لو سمحت

ياد انت متراقب من زمان وكذا واحد بيسألنى عنك
بس باذن الله المرة الجاية هعترف بصراحة
هههههههههههههه

انا اعترفت خلاص
هههههههههههههههههههه
جامده تنين

ياعمي ييجو بس هما انا مستنيهم
اكيد هروح اقعد عند اصحابي لحد مايمشو
انا اصحابي كلهم رجاااااااااااااالة
ههههههههههههههههه

طبعا عندك شك في كده ؟!

لا طبعااااااااااااااااااااااااااااااااااااااااااااااااااااا
ههههههههههههههههههههههههههه