حوار بين العقل والقلب

العقل:مالك يا قلب صوتك عالى ليه ؟ونبضاتك مالها سريعة كدة ليه؟
القلب :اصلها وحشتنى قوى
العقل :هى مين دى ؟
القلب :حبيبتى
العقل:باستهزاء -حبيبتك؟؟؟؟؟؟؟اللى قالت لازم نبعد شويه علشان المشاكل تتحل وبعدين مش انت وافقت اننا نبعد
القلب :ماكنتش اعرف انها هاتوحشنى كدة
العقل:بس هو اللى قالت لازم نبعد
القلب: بحبها
العقل :ماينفعش نشحت حبها
القلب :محتاج لها
العقل :عارف بس لازم تجمد شويه
القلب :ازى اجمد على حسيت معاها باحلى مشاعر علمتنى الرقة وادتنى الحنان
الغقل :هى لو بتحبنى هاتكلمنى
القلب:كلمها انت
العقل :ازى وهى اللى سابتنى
القلب:بس انا محتاج اسمع صوتها وحشتنى
العقل :وكرمتى ؟؟؟؟
القلب:وحبى ليها؟؟؟؟؟؟
العقل :ماينفعش اكلمها
القلب: كلمها بس وسيب الباقى عليا انا هاتصرف
العقل :انت كل مرة بتتصرف وبتيجى على حساب كرمتى
القلب : الحب مافيهوش كرامة
العقل :لا فيه كرامه
القلب: ازاى
العقل :مافيش حب من غير كرامة واللى بيحب لازم يحافظ على كرامة اللى بيحبه
القلب :بس هى بتحبك
العقل :لو كانت بتحبنى ماكنتش سابتنى
القلب :بس الظروف ضغطت عليها
الغقل :وقلبها قدرت تسكته لحددلوقتى ؟
القلب :بحبها
العقل :عارف
القلب :نفسى اروحلها وفحضنى اضمها
الغقل :عارف
القلب :تقدر تتخيلها مع حد تانى
العقل :ده انا اموت بس برضو هادعيلها ربنا يوفقها
القلب: دافع عنها وعن حبك ليها حارب علشانها
العقل: ازاى ؟وهى مش واقفة جانبى - حبها كان بيدينى القوة
القلب :حبك جوك مش معاها
العقل :بس روحى معاها
القلب: نفسى اقولها وحشتينى اوى
العقل :حاول تنساها
القلب :مش قادر استحمل مش قادر اعيش من غيرها
الغقل :حاول تانى حاول تنساها
القلب :ازى وهى كانت كل حاجة حلوة وكل كلمة حب بتفكرنى بيها
العقل بتاثر)ومين سمعك
القلب :بحبها
العقل :وانا كمان
القلب :بموت فيها
العقل :وانا كمان
القلب: هانكلمها
العقل :هات التيليفون

يعنى فى الخر القلب نفذ اللى هو عايزه وغلب العقل
مع ان فى الواقع العقل هو اللى بيغلب القلب

مين قال ان الواقع ان العقل يغلب القلب
من وجهة نظرى ان الحب الصادق هو اللى تنطبق عليه القصة دى

بكره تشوف ان العقل هو اللى بيغلب القلب
انا كلامى ده مش من فراغ

والله انا رأيى
ان على الشخص وعلى حسب الحب نفسه ان كان حب بجد ولا نزوه والسلام
هو ده اللى بيحدد مين اللى يبنفذ كلام مين سواء القلب او العقل
موضوع جميل
بس مش متفق مع النهايه
لان للاسف العقل كان صح فى كلامه
مينفعش تشحت الحب
اصلا الحب فى رأيى مالوش لازمه الا لو كان ليه صدى عند الطرف الاخر

نهاية غير متوقعة خصوصا ان ده مش بيحصل فى الواقع
لان اى انسان بيتجرح لازم يحافظ على كرامته لابعد الحدود

بس فى الاخر الموضوع جميل ورائع

يا جماعة زى ما فى ناس معترفة بالحب وناس لا
بردو فى ناس بتقدم العقل عن القلب والعكس
وانا من رايى ان القلب يكون جنب العقل او ممكن
القلب يسبق لكن لما يكون فى مفترق طرق لازم
نحكم العقل اولا

والله ومن غير زعل انا متفق مع على بس لان فالمواقف دى المفرض ان القلب هو اللى يسبق بس ده مش معناه اننا ننلغى العقل


وشكرا لمروركم الرائع