يعني ايه كوكا كولا زيرو ؟؟

السلام عليكم ورحمه الله وبركاته
يعني أية كوكا زيرو!!

يعنى يقولك إن من أهم انجازات عصر ما بعد الثورة هى مجانية التعليم.....
و أى أسرة فى مصر بتبيع اللى وراها و اللى قدامها علشان الدروس الخصوصية!!!!

يعنى يعملوا مؤتمر سنوى لأنجازات الحكومة ......و الناس كلها عارفة إن مؤسسة رسالة هى اللى فاتحة بيوت غالبية الشعب!!!!

يعنى باباك يسافر و يتغرب و يوفر شقة لولاده من فلوسه محدش دفع له فيها حاجة و يجى يوم يتفرض عليها ضريبة عقارية.!!!!!!!!

يعنى تبقى واثق أيام اختيار الدولة المضيفة لكأس العالم 2010 ان مصر هتاخدها هتاخدها
لأنعدام الامن فى جنوب أفريقيا و عدم و جود بنية تحتية فى المغرب
و فجأة تاخد صفر كبييير من الفيفا!!!

يعنى يبقى عندك ثلث أثار العالم فى مدينة واحدة وهى الأقصر و تلاقى دولة زى تونس عدد السائحين فيها أكتر من عندك!!!

يعني تترشح في الانتخابات عن فئة (العمال) وتنجح فتعيش عيشة (الملوك)!!!.

يعنى إنك تمنع التدخين جوه القطر علشان تحافظ علي أرواح الناس ويروح القطر بكل اللي فيه لابس في قطر تاني !!!!.

يعني قناة (بي بي سي ) فيها مذيعات محجبات ... وبلد الازهر تمنع حجاب المذيعات)!!!!!!!!!!!

يعني قطرين يدخلوا في بعض واللي يتحاسب الكومسري وفي حادث آخر البقرة الي كانت واقفة على القضبان!!!

يعنى تروح مستشفى حكومى وتجيب كل حاجة على حسابك(قطن وشاش وأدوية ) ناقص كمان دكاترة وممرضين
ووزير المالية وزوجة وزير الصحة بيتعالجوا بالملايين على نفقة الدولة!!!

يعني تبقي عندك بحرين و نيل قناة السويس و11 بحيره وبتستورد السمك من بره !!!!

يعني يكون عندنا مجلس قومى للمرأة و أعلى معدلات طلاق فى الوطن العربى!!!!

يعني بيصرفوا ملايين الجنيهات على المهرجانات و المؤتمرات كل سنة
و أول ما يحصل كارثة - كالزلزال او السيول - يقولك اتبرع للضحايا!!!!!

يعنى تيجى تشترى شقه فى إسكان محدودى الدخل تحسبها تلاقيها واقفه عليك بسعر السوبر لوكس!!!!

يعنى لما يعطوا لطفل عمرة 11 سنة وحافظ القرآن الكريم وأحاديث الرسول بالكامل ومعاة إجازات فى القرآن الكريم مكافآه 100 جنية
وياخد لاعبى المنتخب مليون جنية لكل جون وتاخد هيفا وهبى 60 الف دولار فى الساعة !!!!
!!!!!

يعني نعمل قانون مرور جديد..... و ضحايا حوادث الطرق سنويا أعلى من نسبة اللى ماتوا فى حرب اكتوبر!!!!

عذرا للاطالة
واللي عنده اضافة يتفضل

منقووووول

وهى دى الحياة مع اتش المطلوب لدى امن الدولة قريبا

ههههههههههههههههه

تمام اوي يا اتش

هو ده سر الانتعاش

انا كده انا سبرايت

شكرااااااااااااااا
بس ماحدش عنده اضافة ولا ايه
هههههههههههه

لا انا عندى
يعنى تقعد تتشات مع اتش عالنت ويطلع امن الدوله بيشوفو ميتك
ههههههههههههههههه

هههههههههههههه

ههههههههههههههههههههه
جااااااااااااااااااااامد يانشوان
ونعم الاضافة

هههههههههههههههههههههههه