عايز تموت أزاى!!!!!!

شوية نصائح إنما إيه لسة طالعة من الفرن مع إنى مش عايز حد فيكم يجربها يا أحلى الأعضاء
يلا نشوفها مع بعض
1-عايز تموت شهيد : ياتركب طيارة يا تركب عبارة

2-عايز تموت من الجوع :يا تشترى شقة يا تشترى عربية بالقسط

3-عايز تموت من الحسرة : يا تتفرج على الفاترينات فى ستى ستارز يا تروح تزور مارينا

4-عايز تموت من الغيظ : يا تتفرج على القناة السادسة أو السابعة أو الثامنة أو النشرة الجوية

5-عايز تموت من الزهق : يا تستنى الإشارة تفتح فى الجيزة يا تستنى دورك فى طابور التأمين الصحى

6-عايز تموت من الهبل : يا تدخل على النت والشات يا تسمع نجوم إف إم

7-عايز تموت مرعوب : يا تستنى نتيجة الثانوية العامة يا تستنى نتيجة التحاليل عند الدكتور

8-عايز تموت مشهور : يا تتجوز رقاصة يا تسرق بنك

9-عايز تموت مليونير : يا تعمل فيديو كليب يا تلعب كورة

10-عايز تموت منكد: يا ترشح نفسك فى الإنتخابات يا تدخل إتفاقية الجات

11-عايز تموت فى حالك: أعمل نفسك مش واخد بالك
أتمنى تعجبكوا يا أحلى أعضاء