جدو في الأهلي رسميا مقابل 7 مليون جنيه وإعارة العجيزي وعلي للاتحاد

جدو سيرتدي القميص الأحمر طوال الموسم
القادم
















أعلن النادي الأهلي رسميا ضم محمد ناجي "جدو" مهاجم الاتحاد السكندري
مقابل 7 مليون جنيه بالإضافة لإعارة لاعبيه أحمد علي وهاني العجيزي للاتحاد
لمدة عام.
وقال عدلي القيعي مدير التسويق في تصريحات للصحفيين عقب انتهاء اجتماع
لجنة الكرة الخميس "انهينا
رسميا مع مسئولي الاتحاد الاتفاق على انتقال جدو للاهلي مقابل 7 مليون جنيه
وإعارة علي والعجيزي لزعيم الثغر".
وأعرب القيعي عن سعادته بضم جدو للأهلي، وصفاً إياها بالصفقة الكبيرة
للاعب وللنادي.
ونجح جدو في الفوز بلقب هداف بطولة أمم إفريقيا 2010 بأنجولا برصيد خمسة
أهداف في أول مشاركة دولية رسمية له مع المنتخب الوطني.
من ناحية أخرى، أكد القيعي ان المفاوضات على ضم المعتصم سالم مازالت
جارية مع الاسماعيلي، في الوقت الذي أكد فيه مسئولي النادي الساحلي رفضهم
ترك اللاعب للنادي الأهلي.

صفقة كويسة جدا بصراحة وبكدة عوض فعلا غياب متعب ونزول مستوى ابوتريكة ده لو جدو هيفضل مستواه عالى

الكوره دلوقتى بقت اقتصاد وعرض وطلب وفلوس
واللى معاه يجيب لاعيبه واللى معوش ميلزموش
فى اوروبا نفس النظام اى لاعب حلو بيروح الفرق الكبيره زى فى اسبانيا مفيش غير الريال وبرشلونه والمانيا مفيهاش غير بايرن ميونخ

والاهلى السنه دى مجبش حد غير جدو وجمال حمزه (الزمالك هو اللى سابه ببلاش) وشويه لاعيبه شباب
انما الزمالك السنه دى جاب مين :
عاشور الادهم
ابوكونيه
عماد محمد لاعب عراقى جامد جدا
ووجيه عبدالعظيم
ولسه فى ناس تانيه جايه فى الطريق ومع بقاء عمرو زكى وشيكابالا
يبقى الاهلى هو الاقل مش الزمالك

هي كويسة جدا
بس عادي برضه مش متحمس ليها قوي بصراحة نفسي امير سعيود هو اللي يلعب مكان متعب
واد ملووووووووووش حل بس ياخد فرصته وحرام ان جدو يكون من الناس اللي تاجي تقعد علي الدكة

انا فرحااااااااااااااااااااااااااااان جدااااااااااااااااااااا اني هشوف جدو بيلعب في الاهلي


وجدو مين ده يا اتش اللي يقعد ع الدكة ! ( يقعدوا 7 مليون ع الدكة !!!!!!!! )

طبعا هيكون جدو هو الخيار الاول

وان شاء الله هيكون هداف الاهلي والدوري والكاس و الدورة الرمضانية و دوري المدارس و..... كله كله


ههههههههههههه

أنا بقولك عايز امير سعيود يلعب ومعني كدة ان جدو هيقعد ده اللي انا عايزه والله اعلم باللي هيحصل
وطبعا جدو جااااااااااااامد بس انا مقتنع بسعيود جدا

الاهلى عنده 16 صانع العاب ههههههههه
وكان عايز يجيب كمان وليد سليمان

princess of white hearts كتب:

ده استعباط لما كل لاعب كويس يروح الاهلى و يسيب النادى بتاعه
كده مش هايبقى فى منافسة بين النوادى و هيبقى فى ملل فى الكورة المصرية لان الاهلى هو اللى هيبقى البريمو و الناس هيحلها احباط من الموضوع ده
ودى مش غيرة ولا حاجة بس انا اتعصبت لانه ده استعباط بجد

حاليا دلوقتى مفيش حد بيبيع غير الاتحاد والاسماعيلى والمصرى
الاندية الجماهيرية يعنى ... علشان مش معاهم فلوس ولا سيولة
لكن حتى الاندية اللى مش بتنافس ما بقتش تبيع زى انبى وبتروجيت
والحرس والانتاج الحربى وطلائع الجيش كل ده بقى يشترى بس

جدو جدو قشطة