يوميات رايقة وجوانى

تذكير بمساهمة فاتح الموضوع :

السلام عليكم ورحمة الله وبركاته
دى اول مشاركة ليا فى القسم ده
وحبيت اجيب قصة يا رب تعجبكم

الحلقه الاول
الحادثة
الاسماء غريبه شويه بس الابطال هو اللى فرضو الاسماء دى نتعرف على الابطال الانسه رايقه بنت كول ومتخرجه من احدى الجامعات الخاصه بتحب الخروج والفسح والاجازات اما سبب الاسم انه اسم جدتها الاستاذ جوانى شاب من الجزائر الجوانى كلاسيك جدا صريح متخرج من كليه الحقوق جامعه اسيوط وبيشتغل محامى وعايش فى مصر مع الحاجه ام جوانى واخواته
الست رايقه متعوده كل يوم تخرج تروح النادى او تعمل شوبنج مع اصحابها وفى يوم وهى خارجه بعربيتها وسايقه وكلها انسجام مع شريط تامر حسنى الجديد عدى من قدام العربيه قطه صغننه رايقه فرملت فجاه طاااااااااخ دى العربيه اللى وراها نزلت بسرعه كانت القطه جريت بس اللى كان وراها الاستاذ جوانى وراح شاخط فيها وقال : هو انت معندكيش نظر خالص يامودام ؟
رايقه : سو سورى بس كان فى كات عدت وانا كنت هعمل حادثه
جوانى فاتح بقه : ايه ؟
رايقه : بس الحمد الله هى بخير
جوانى : بس انا مشفتيش اى حد معدى قدام العربيه
رايقه بعصبيه : بقولك الكات عديت من قدامى وكنت هدوسها
جوانى بنفاذ صبر : ياستى انا مش فاهم منك حاجه هو مين اللى داس على مين
رايقه : اتس اوك
جوانى : كمان بتغلطى فيه انا الحج عليه انا بكلمك بالذوق
رايقه : انت عايز ايه ادفعلك تمن العربيه
جوانى بشهامه : انا مجبليش العوض يامودام
رايقه : انسه بليز
جوانى : ياحول ولا قوه الا بالله اتكلى على الله يامدام
رايقه تركب عربيتها وتمشى سايبه جوانى بنص عربيته مكسرة ومش عارف يعمل ايه .
جوانى : هو انا اصطبحت بوش مين النهارده مفيش غيره عم مرزوق البواب وشه دائما مش بيخيب الحمد الله انى لسه عايش قعد جوانى يدور حوالين العربيه على اى سبب للحادثه وفى الاخر قال صحيح حريم مجنونه مفيش اى خواجه ولا اجنبى متعور اومال مين كات ده ؟؟؟؟
جوانى روح البيت لقى الحاجه قاعده وبتقوله
الحاجه : جوانى ياولدى لازم تتجوز ؟
جوانى : هو انا قولت لا بس انتى عارف ياامى انت البنات اليومين دول حالهم مائل
الحاجه : عندى ليكى عروسه مال وجمال بكره نروح نشوفها
جوانى فى عقله : هو انا قاعد على قلبك يشكرا فحت ردمجه وبعدين كل العرائس اللى تبعك الصلاحيه بتاعتهم انتهيت من زمان بس طاعه الام واجبه حاضر يشكرا فحت ردمجه
رجع جوانى منش غله تانى يوم ولبس البدله الحكلى اللى بيتفائل بيها ( عمره ماراح يخطب عروسه بيها والموضوع فلح ) وعلبه الشيكولاته من نفس المحل واخد الحاجه ام جوانى واتجاه الى بيت العروسه ....................... نكمل الحلقه الجايه

اكيد يا عبدو اللى بينا كبير
مش دى اغنية برضو

بعد إذن أمندا أنا عندى الجزء الأخير لو تحبى إنى أنزله
لو كده ردى عليا بالموافقة
وأنا هنزله فورا

شكرا على ردودكم
واسفة على التأخير
وشكرا يا رورو
معلش شفت الرد متأخر وانا وانتى واحد
بس ان هنزله باذن الله

الحلقة الأخيرة

يادبلة الخطوبة (2)

جوتنى الدينا مكنتيش سايعاه من الفرح خلاص كلها ايام وتبقى رايقه حب عمره خطتبيته ومستقبلا مراته يابووووووووووووووى على الحب ياجدعان . جوانى حدد ميعاد مع الحجه ام جوانى علشان يشترو الشبكة .

جوانى : صباح الخير ياست الكل

ام جوانى : يسعد صباحك ياولدى

جوانى : النهاردة ياامى هنروح نشترى شبكة رايقة وطبعا انتى لازم تكونى معايا

ام جوانى : انا عيونى ليك ياولدى ده انت الغالى يانور عينى

جوانى : تعيشى ياحجه يارب ، خلاص بعد العشاء هننزل

ام جوانى : مش وخرى كده ياولدى ده لسه هننزل الصاغه

جوانى : صاغه ايه بس ياحجه ماهو كله واحد انا ورايقة شوفنا محل حلو اوى وهيعجبك

ام جوانى بعدم تصديق : وانت بقا اللى اخترت المحل ولا العروسة

جوانى : العروسه طبعا ياامى مش هى اللى هتلبس

ام جوانى فى صمت : من اولها كده هتمشيك وراها يارخسارة الرجالة

جوانى : مالك ياحجه ؟

ام جوانى : سلامتك ياولدى ، مبروووك عليك

مرو اليوم وقبل ما النهار يعدى اتصل جوانى برايقة ياكد عليها الميعاد

جوانى : ازيك ياقمر حياتى

رايقة : الحمد الله ياجوجى

جوانى : انا بتصل ااكد عليكى ميعادنا النهارده

رايقة : طبعا ياحبيبي هكون فى المكان فى الميعاد اللى اتفقنا عليه

جوانى : وحشتنى اوى يارايقة

رايقة : I miss you too

جوانى : جاضر هجبلك اللى نفسك فيه

رايقة : هههههههههههههههههههههههههه سو كيوت ياجوجى

جوانى : رايقة ممكن طلب علشان نفسيتى بس

رايقة : ؟

جوانى : تكلمى معايا كلام افهمه

رايقة :هههههههههههههههههههههههههههه اوك

جوانى : ربنا مايحرمنى من قلبك الحنين ياجميل انت ؟

جوانى فى الميعاد المحدد راح لوالدته وسالها

جوانى : ها ياحاجه جاهزة

ام جوانى : بس مش عارفه خالتك واولادها اتاخرو ليه ؟

جوانى باستغراب : هو انت عازمه حد على العشا ولا ايه ياحاجه

ام جوانى : لا يابنى بس برضه نبقلى عزوه كده واحنا بنشترى الحاجه

جوانى : عزوه ايه ياحجه هو انا رايح اشترى حته ارض

ام جوانى : اومال عايزنا نروح بزونا كده وبعدين خالتك ام ايمن بتفهم فى الدهب حلو قوى وهتساعدنا كتير

جوانى هو هيعيط : بس اصل ياحجه

جوانى : هى من اولها هتعصيك على اهلك ياولدى

جوانى بفزع : ابدا والله ياامى

شويه وجت الست ام ايمن وهى بتزغط من باب العمارة

ام ايمن : الف مبروك ياولدى يارب يكملك على خير

ايمن : مبروك يابن خالتى

ياسمين اخت ايمن : مبروك يابن خالتى والله فرحانين بيك اوى

ريهام اخت ايمن : مبروك مبروك

ام ايمن : يلا بينا ياحجه ام جوانى زمان باقى الناس وصلو من بدرى على المحل

جوانى الكلمه عدت جنب ودنه : هو مين تانى اللى جالى ياخالة

ام ايمن : مش كتير عمك ابو ايمن وكمان عمك عوضين وملااته وعمك حسين ومراته وبنت اسكت يابنى مش بنه حامل ماشاء هو شهر واحد جواز

جوانى خالته فتحته نشرة اخبار العياله ولازم تسكت بقا

جوانى : مبروك ياخالتى يلا بينا

جوانى طول الطريق بيفكر فى الجيش اللى معاه ليه ده كله دول هيقفلو حى مش محل والحل ياجوانى هو انت كده كل موضوع فيه عفريت يارب استر وهو سارح فى افكاره موبيله رن

جوانى : ايوه يارايقة

رايقة : مش عارفه ياجوجى المحل قدامه زحمه كتير اوى هو فى مظاهرات فى البلد ولا ايه

جوانى : لا ياحبيتى دول اعمامى جاين يبركو على الشبكة

رايقة باستغراب : كل ده ياجوجى الناس كتير اوى

جوانى : انا 10 دقائق واكون عندك استرب يارب

وصل جوانى للمكان وفعلا اقل كلمه تتقال انها مظاهرة جوانى وقف وسط الناس وقال

جوانى : ياجماعه انا بشركم على موقفكم ده بس المحل مش هسيع كل العدد ده فممكن بس مجموعه تتدخل والباقى يستنى

مجموعه من 6 ستات + والدته جوانى دخلو مع جوانى المحل وابتدى الكلام

ام ايمن : بص يااخويا احنا عايزين احلى حاجه لعروستنا البدر دى

الصايغ : طبعا يامدام ، وهى والاستاذ مختارين حاجات شيك

ام ايمن : وماله نشوف

الصايغ عرض اللى اختارته رايقة وجوانى على العيله الكريمه اللى قرر يغيرو شويه حاجات

ام جوانى : ايه ياعروسه الغواشات دول خفاف اوى هات عيار 21 اللى عندك

جوانى : ومالهم دول ياامى ماتهم حلوين وعجبين العروسه

ام جوانى بصيت لجوانى بص

جوانى : اللى تشوفيه ياحجه

رايقة عندها حالة من الذهول ومش عارفه فى ايه وليه كل الناس دى ففضلت انها تتفرج

ام جوانى : خدى ياعروسه قيسى دول كده

رايقة بنظره مفهاش اى ايحاء برفض او قبول اخدت الحاجه ولبستها فى ايدها

ام جوانى : ايه رايك بقا ياحلوه ؟

رايقة : حلوين ياطنط

جوانى : لو مش عجبك قولى ياريقة

رايقة بنظرة نارية : حبوين وفى سرها جيبلى جيش التتار وامك تخوف بلد وبعدين تقولى رايك

ام جوانى : تسلمى ياغاليه وعلشان انتى مكسفتيش ايدى عايزاكى تنقى اللى نفسك فيه هديه منى

رايقة اتكسفت شويه : وبعدين نقت خاتم

وام ايمن : نقى بقا هديه خالتك ليكى

وكل واحده من الستات طلبت نفس الطلب

وجوانى دفع فى شبكته هو 15000 جنيه وهدايا من العائلة 10000 جنية وعديت المظاهرة من غير اى خسائر باستثناء المكالمه دى

رايقة : جوانى ممكن افهم ايه لازمه مظاهرة الشبكة دى

جوانى : ياحبيبتتى انا والله اتفاجت زيك كده

رايقة : انا كنت حاسه من اول ما شوفت الناس فى الشارع انها مظاهرة لقلب نظام الحكم من شبكة

جوانى : معاليش ياحبيتى انا مقدريتش ازعل الحاجه منى وانا هحاول منكرريش القصه دى تانى

رايقة : ومين ام ايمن دى كمان الست دى متفصليش

جوانى : هههههههههه دى معاكى حق فيها دى خالتى والله ست طيبه جدا هتحبيها اوى لما تعرفيها اهم حاجه عروستى متكنيش زعلانه
رايقه بدلع : مش كنا جبنا السوليتر بدل كل الدهب ده

جوانى : مكنيش ينفع خالص فى وجود امى الناس عندى عندهم الشبكه يعنى دهب صريح وكتير عوايدنا كده

رايقة : عموما مرسى كتير ياجوجى

جوانى ابتدى يستعد ليوم الخطوبه ويعد قائمة المدعوين مع الحج والحاجه

جوانى : ناويه تعزمى مين ياحجه

ام جوانى : ياعيب الشوم طبعا كل اهلنا وحبايبنا اللى جم معانا الشبكة وكمان باقى العيله

جوانى بتردد : ياحجه انتى كده بتتكلمى فى 300 فر فيما فوق ودى مجرد خطوبه يعنى بالعقل

ام جوانى : يعنى عايز تروح الناس تقول انك مقطوع من سجرة

جوانى : ياامى افهمنينى الشبكه على العروسه وانا مش عايز اكلف الناس والفرح ساعتها اعزمنى البلد كلها

ام جوانى بعدم اقتناع : اللى تشوفه ياولدى

جوانى : وانمت ياحج

ابو جوانى : لو مش عايز تاخد ابوك كمان بلاش

جوانى : هو انا اقدر ياحج انت الخير والبركه اصل انات مشفتيش يوم شراء الدهب ايه اللى حصل كان فاضل شويه ونظلع فى الجرايد بان فى مظاهرة بتطلب باسقاط الحكومه يريضك ده ياحج

ابو جوانى بص لام جوانى : دى اخره اللى يعتمد على الحريم

جوانى ظبط المعازيم على اد العدد وربنا يستر من المفاجات واتصل بايهاب يعزمه ويساله على بدله الخطوبه

جوانى : ايهاب صديقى

ايهاب : ابو جوانى ازيك يغالى

جوانى : قصدك فى خدمة

ايهاب اامرنى ياغالى

جوانى : عايزه اشترى بدله شيك كده للخطوبة وقصدك تيجى معايا

ايهاب : ليه كده هو انا عملت فيك حاجه

جوانى : ياايهاب ميبقاش قلبك اسود وصدقنى مش هضيقك خالص ومش هتسمع صوتى

ايهاب : ان كان كده ماشى قابلينى فى المهندسين

جوانى : ماشى كلامك ياسيدى

جوانى نزل من البيت علشان يقابل ايهاب ووصل على المحل اللى ايهاب وصفه ولقى ايهاب مستنيه ودخلو على المحل

ايهاب : بص يامعلم هندور على بطله كحلى او فرانى وخالى الاسود للفرح

جوانى : موافق طيب

ايهاب : انت تدور هنا انا هناك

جوانى قعد يقلب فى البدل وهو خايف من ايهاب وجت تحت ايده بدله فرانى زى ما قاله ايهاب واخدها وهو خايف وراح لايهاب

جوانى : ايه رايك

ايهاب : هى حلوه بس لو هتعمل خطوبتك فى الاسكيمو دى صوف ياجوانى

جوانى : ما انا هعرف منين مش مكتوب عليها شتوى

ايهاب : رجع البدله مكانها وتعال قيس دى

ايهاب اختار بدله سوده مخططه شيك جدا

جوانى : مش انت قولت بلاش اسود

ايهاب : ماهو دى مش اسود وهتكون حلوة عليك

جوانى : حاضر

جوانى دخل يقيس البدله وفعلا كانت شيك جدا وفاضل بقا يختارو القميص والكرافت

جوانى : تفتكر ايه القميص اللى يشمى معاه

ايهاب : روح دور على قميص يعجبك كده وهاته اشوفه

جوانى وقف قدام القمصان محتار ولقى اللى يخلصه من تريقه ايهاب قميص ابيض

جوانى : ايه رايك

ايهاب : ايه يابنى فيلم الابيض والاسود اللى انت عايز تعمله ده مينفعيش ياسيدى زوقه قديم

بص انا جبتلك قميص سماوى وكرافت فى لبنى هيبقى تحفه عليك

جوانى : طالما انت شايف كده اوك بس البنطلون طويل شويه

ايهاب : بص ياسيدى هنعدى على الترزى هو يظبطه اوك

ايهاب اخد جوانى وطلعو على الترزى وظبطو البنطلون وروح جوانى على البيت والساعه 10 بالليل قرر يبعت البدله تتكوى تانى عند المكوجى زيادة توكيد بما ان الخطوبه بكرة جه صبى المكوجى وجوانى اكد عليه مياخريش المكواه دى عوايده ونام جوانى

وصحى من النوم وهو مبسوط جدا وعمال يغنى

جوانى : النهاردة فرحى ياجدعان عايز كله يبقى تمام

ام جوانى : اتصل ياولدى بالمكوجى علشان مجابش المكوه واحنا دخلنا على الضهر

جوانى : لسه بدرى ياحجه انا ماكد عليه متخفيش

ام جوانى : طيب ياولدى

الساعه بقيت 3 العصر والمكوجى مظهريش وجوانى بيتصل بيه وتليفون المحل مبيرديش جوانى ابتدى يقلق وقال يستنى كمان ساعه يمكن يظهر

الساعه عديت 4 قرر جوانى يوصل للمكوجى ويشوفه اتخطف ولا ايه

جوانى راح المحل لاقاه مقفول ومفيش اى علامه على سبب انه قافل المحل رجع جوانى على البيت وهو مش عارف يقول ايه للعائله المكوجى قفل على الهدوم
كلها وهرب ؟

ام جوانى : عملت ايه ياولدى ؟

جوانى فى صدمة : المكوجى قفل على كل الهدوم والبدله ياامى ؟

ام جوانى : يعنى ايه قفل على المكواه ؟

جوانى : يعنى المحل مقفول ومحديش عارف ليه يكنيش اتخطف وهيطلبو فدية

ام جوانى : ده وقته هزار ياولدى فاضل ساعتين على الفرح وتقولى خطفوه وفدية

جوانى : اعمل ايه ياامى مش احسن ما اتشل

ام جوانى : بعد الشر عنك ياولدى

الساعه بقيت 6 وبرده المكوجى مظهريش وقرر جوانى ينزل مرة تانيه يمكن ؟

جوانى لقى المكوجى فاتح : يافرج الله اخير وجرى على المحل انت فين ياعم قافل ليه من الصبح سيبت مفاصلى

المكوجى : انا اسف والله يااستاذ الحاجه عندى بعافيه شويه والله اللى خلانى فتحت الشغل بتاعك يابيه وانا خلاصته وكنت هبعت الوله ليك حالا

جوانى : وانا وفرت عليك

جوانى اخد الحاجه ويادوب خارج من باب المحل الكهربا قطعت فى المنطقة كلها والشارع ضلمة كحل يادوب كمان خطوتين ومطر فى شهر فبراير ايه اليوم العجيب ده جوانى الحمد الله المكوجى كان جنب البيت وطلع على البيت وابتدى يلبس فى الضلمة وخلص لبس ولسه هينزل من البيت النور جه

ام جوانى : ايه ياولدى ده

جوانى : فى ايه ياحجه

ام جوانى : انت لبس بنطلون البيجاما على جيت البدله وكمان جزمك فرده بنى والتانيه سوادء

جوانى : يادى العطله معاليش ياامى ما النور كان مقطوع وانا مش بنور فى الضلمه يعنى

جوانى ضبط نفسه ونزل على تحت على العربيه ودور العربيه العربيه مش راضيه تدور خالص والمطر نازل

جوانى : ابوس الكاوتش بتاعك تدورى بلاش عطله انا اصلا متاخر ودور تانى درات العربيه بعد صراع نص ساعه

ووصل جوانى والعيله اللى الفيله اللى تم نقل الحفلة الى داخل الفيلا بسبب سوء الأحوال الجوية والحضور كان برده محدود والليله عديت على خير وجوانى
خطب رايقة والف مبروك للعروسين ..............................

» يوميات شاب مصرى روش طحن