يوميات رايقة وجوانى

تذكير بمساهمة فاتح الموضوع :

السلام عليكم ورحمة الله وبركاته
دى اول مشاركة ليا فى القسم ده
وحبيت اجيب قصة يا رب تعجبكم

الحلقه الاول
الحادثة
الاسماء غريبه شويه بس الابطال هو اللى فرضو الاسماء دى نتعرف على الابطال الانسه رايقه بنت كول ومتخرجه من احدى الجامعات الخاصه بتحب الخروج والفسح والاجازات اما سبب الاسم انه اسم جدتها الاستاذ جوانى شاب من الجزائر الجوانى كلاسيك جدا صريح متخرج من كليه الحقوق جامعه اسيوط وبيشتغل محامى وعايش فى مصر مع الحاجه ام جوانى واخواته
الست رايقه متعوده كل يوم تخرج تروح النادى او تعمل شوبنج مع اصحابها وفى يوم وهى خارجه بعربيتها وسايقه وكلها انسجام مع شريط تامر حسنى الجديد عدى من قدام العربيه قطه صغننه رايقه فرملت فجاه طاااااااااخ دى العربيه اللى وراها نزلت بسرعه كانت القطه جريت بس اللى كان وراها الاستاذ جوانى وراح شاخط فيها وقال : هو انت معندكيش نظر خالص يامودام ؟
رايقه : سو سورى بس كان فى كات عدت وانا كنت هعمل حادثه
جوانى فاتح بقه : ايه ؟
رايقه : بس الحمد الله هى بخير
جوانى : بس انا مشفتيش اى حد معدى قدام العربيه
رايقه بعصبيه : بقولك الكات عديت من قدامى وكنت هدوسها
جوانى بنفاذ صبر : ياستى انا مش فاهم منك حاجه هو مين اللى داس على مين
رايقه : اتس اوك
جوانى : كمان بتغلطى فيه انا الحج عليه انا بكلمك بالذوق
رايقه : انت عايز ايه ادفعلك تمن العربيه
جوانى بشهامه : انا مجبليش العوض يامودام
رايقه : انسه بليز
جوانى : ياحول ولا قوه الا بالله اتكلى على الله يامدام
رايقه تركب عربيتها وتمشى سايبه جوانى بنص عربيته مكسرة ومش عارف يعمل ايه .
جوانى : هو انا اصطبحت بوش مين النهارده مفيش غيره عم مرزوق البواب وشه دائما مش بيخيب الحمد الله انى لسه عايش قعد جوانى يدور حوالين العربيه على اى سبب للحادثه وفى الاخر قال صحيح حريم مجنونه مفيش اى خواجه ولا اجنبى متعور اومال مين كات ده ؟؟؟؟
جوانى روح البيت لقى الحاجه قاعده وبتقوله
الحاجه : جوانى ياولدى لازم تتجوز ؟
جوانى : هو انا قولت لا بس انتى عارف ياامى انت البنات اليومين دول حالهم مائل
الحاجه : عندى ليكى عروسه مال وجمال بكره نروح نشوفها
جوانى فى عقله : هو انا قاعد على قلبك يشكرا فحت ردمجه وبعدين كل العرائس اللى تبعك الصلاحيه بتاعتهم انتهيت من زمان بس طاعه الام واجبه حاضر يشكرا فحت ردمجه
رجع جوانى منش غله تانى يوم ولبس البدله الحكلى اللى بيتفائل بيها ( عمره ماراح يخطب عروسه بيها والموضوع فلح ) وعلبه الشيكولاته من نفس المحل واخد الحاجه ام جوانى واتجاه الى بيت العروسه ....................... نكمل الحلقه الجايه

يا ريت كل يوم حلقه عشان الواحد ميستناش

تسلم ايدك يا اماندا
بس بجد حلقه تحفه
مستنيين الباقي

شكرا على الردود الأروع على الإطلاق

الحلقة الخامسة عشرة يوميات رايقة وجوانى - صفحة 4 Mood4

قعدة أتفاق يوميات رايقة وجوانى - صفحة 4 Mood25

جوانى كان هطير من الفرحه بعد ماقابل عادل بيه ابو رايقه لان كمان وافق عليه من غير شروط وكمان رحب بزيارة اهل جوانى وكان لازم جوانى يقعد مع الحج صميدة ويفتح معاه الموضوع وربنا يستر من المفاجات .

جوانى أختار يوم كده وبعد صلاة المغرب دخل على والدة

جوانى : تقبل الله ياحج

ابو جوانى : منا ومنكم ان شاء الله يابنى

جوانى : كنت عايز ااقولك موضوع كده

ابو جوانى : اتفضل يابنى انا سمعك

جوانى : فى بنت كويسه اوى واهلها ناس محترمين جدا وهتجعبك اوى ياحج

ابو جوانى : وهتخلى ابوك يشوفها ولا اهلها ناس ناس العروسه اللى فاتت

جوانى : طبعا هتشوفها والله هتعجبك اوى

ابو جوانى بعدم تصديق : هنشوف هنشوف

جوانى : الميعاد مع اهلها يوم الجمعه الجاية

ابو جوانى : يادوب نلحق نبعت نجيب الزيارة بتاعتهم من البلد

جوانى باستغراب : زيارة ايه ؟

ابو جوانى : انت مش بتقول اهلها ناس كبرات واحنا لازم نشرفك

جوانى بعدم فهم : برده زيارة ايه

ابو جوانى : شويه فطير على زلعه جبنه قديمه والذى منه

جوانى : ياحج مينفعيش دول ناس بتوع مصر مينفيش الكلام ده عندهم

ابو جوانى بغضب : من اولها بتعصى امر ابوك عليه الطلاق لناخد المش والفطير

جوانى هو خلاص هيعيط : اوامرك ياحج

جوانى خرج من عند الحج وهو عمال يفكر فى منظره وهو شايل زلعه المش وسبت الفطير وعمال يفكر ازاى يخلى ابوه يصرف نظر عن الموضوع ده وهما عمال يفكر قرر يسبها زى ما تيجى

جوانى والعائله اجتمعو يوم الجمعه وظبطو حالهم وطبعا زلعه المش وكام سبت كده من خيرات الصعيد نزلو على العربيه قبل اى حد من البيت وجوانى ظبط البدلة الجديدة ونزلو على العربيه وابتدو رحلة الذهاب

جوانى : العروسه هتعجبك اوى ياحج

ابو جوانى : انا واثق فى زوقك ياولدى وكمان امك بتقول عليها مليحه اوى

جوانى : دلوقتى تشوف ياحج وتعرف ان ولدك عرف يختار

وصلوا الفيلا وعند باب الفيلا مكنيش فى حد لا البواب بس البوابه كانت مفتوحة

ابو جوانى : ماتنزل ياولدى تشوف حد يفتح الباب خلينى ندخل بالعربيه

جوانى : متخلينا هنا شويه والبواب جاى

ابو جوانى : ياولدى ما تنزل ولا انا انزل انا كده هنتأخر على الناس

جوانى نزل من العربيه وهو مرعوب طبعا هو محكاش لحد من اهله موضوع الكلب وهيبقى شكله وحش جدا لو الكلب طلع يجري وراه واهله بيفرجو ربنا يسوقك ياعم عويس ده البواب لسه هيمد ايده على الباب

البواب : يالف اهلا وسهلا يابيه معليش انا كنت جواه الجنينه بربط هادى

جوانى اخد نفسه وابتسم

جوانى : الله يخليك

البواب : اتفضل يابيه

جوانى رجع على العربيه ودخل الفيلا وركن العربيه عن الباب

ابو جوانى : هم ياولدى نزل الزيارة من العربيه

جوانى : هو انا هشيل لوحدى ولا ايه

ابو جوانى : طبعا ياولدى انت عايز العروسه تقول خرع

جوانى شال الزيارة على قلبه شافه من بعيد عم عويس البواب جه جرى

عم عويس : عنك يابيه

جوانى بفرح : الله يخليك

ابو جوانى بعضب : جوانى

جوانى بحزن : ياحج انا هشيل شويه وهو شويه بلاش منظرى يبقى عامل زى الجمل وانا داخل عند الناس

ابو جوانى : انا الحق عليه اللى عايز اعملك قيمة بين نسيبك

جوانى : هى القيمه دة لازم بقضمت وسط

سكت ابو جوانى معلقيش بعد كلمه ابنه ودخل الفيلا وكان فى استقبلهم عادل ابو رايقة

عادل : الف اهلا وسهلا

ابو جوانى : مرحب بيك

عادل : ليه التعب ده بس ده انتم كفايا تشرفيكم لينا هنا

ابو جوانى : ده الواجب ، هو احنا مش هنشوف العروسه ولا ايه

فى اللحظه دخلت الشغاله تقدم العصير

ابو جوانى : ماشاء الله اهلا بست البنات

جوانى فى باله : ياسيدى مش هى دى وبعدين وبعدين هى دى تيجى ايه فى رايقتى اقوله ازاى بس يوقف قصيدة المدح احسن البنت تصدق : مش هى ياحج ده الشغاله

ابو جوانى بكسوف : وماله يابنى حصل خير

وظهرت رايقة فى فستان ازرق زى اميرات الافلام وقامت ام جوانى تسلم على العروسة ؟

ام جوانى بالاحضان : ازيك ياعروسه والله بدر منور تعالى اقعدى جنبى

ابو جوانى : استنى ياحجه لما العروسة تسلم عليه

رايقة راحت لابو جوانى وسلمت عليه اللى عجبه جدا جمالها وبص لجوانى بصة تقدير

ابو جوانى : زوق حلو اوى ياولدى

عادل : متشكرين ياحج نتكلم فى المهم

ابو جوانى : بص ياحج عادل ولدنا جوانى هو الحيله مالناش غيره فى الدنيا كلها

جوانى ( فى صمت ) : ياحج انجز مش لازم شجرة العيله دى

ابو جوانى : وعلشان كده انا اشتراليته شقه مليحه اوى جنبا علشان برده يبقى قريبا مننا وظروفه وامكانياته هو قالى انه حكى ليك عليها واحنا يشرفنا اننا نطلب الست رايقة لابننا جوانى

عادل : انا ليه الشرف ياحج فى النسب ده بس كان ليه طلب عندك ياحج واملى انه متكسفنيش

ابو جوانى : اامر ياابو رايقة

جوانى فى صمت : ايه ياحج ابو رايقه دى هو انت قاعد على القهوة اعمل بس عدى الليله دى على خير يارب

عادل : زى ما جوانى ابنك الوحيد رايقه بنتى الوحيده وكان املى انهم يتجوزو هنا ويعيشو معايا زى ما انت شايف البيت كبير اوى عليه

ابو جوانى : ياحج ابو رايقه ميصحيش دى اصول ازاى العريس يقعد عند اهل مراته هو لا سمح الله مش قادر يفتح بيته تبقى عيبه فى حقه اوى واحنا صعايدة
جوانى وهو بيص لابوه باعجاب : اهو كده الكلام ياحج

عادل بحزن : كان مجرد طلب ياحج وطبعا انتم وراحتكم

ابو جوانى : متزعليش يابو رايقه اهم برده هيزروك كتير

وسكت الناس شويه وفجاة اتكلم ابو جوانى

ابو جوانى : ايه احنا مش هنقرأ الفاتحه وعروستنا تقدم الشربات

عادل : طبعا نقرا الفاتحه وقومى يابنتى هاتى انتى الشربات

رجعت رايقه ومعاها صنيه الشربات ولسه بتقدم لام جوانى اخدت منها الشربات ورقعت زغروطه رايقه اتخضيت وارتبكيت والشربات ادلق على جوانى وابوه
جوانى : حصل خير ياجماعه فداكى

ابو جوانى : ايه يابنتى ده مش تأخدى بالك

رايقه مبقتيش عارفه تضحك على منظر جوانى وهو كله شربات هو وابوه ولا على الاحراج قدامهم

عادل : اتفضلو ياجماعه فى الحمام والهدوم نص ساعه وتتنضف انا اسف جدا

جوانى : ياعمى ولا يهمك المهم نكمل كلامنا وبعدين نبقى ننضف الهدوم

ابو جوانى : قوم ننضف الهدوم بدل ما النمل ياكلنا

قام جوانى وابوه وعادل جبلهم بيجامات من عنده أولا ابو رايقه جسمه قليل جدا فكان جوانى فى الحمام الصغير لبس البيجاما وبص فى المرايا البنطلون قصير جدا يادوب تحت الركبه بشويه اما الجاكت مدخليش فيه اصلا جوانى ضحك على نفسه جدا وقالى لنفسه فى المرايا

جوانى : ايه ياعم جوانى لازم كده كل مقابله مع رايقه يكون فى فيلم انا تعبتلك بس سيبك المهم ان ابوها وافق واهو الشربات احسن لو كان شاى او قهوه كانت هتحرقك قضى اخف من قضى برده

اما بقى ابو جوانى فكان حاله اسوا من ابنه كتيرررررررررررررررر لا البنطلون ولا الجاكت دخلة فيه اصلا وكان متضايق جدا .

ابو جوانى : كده برده ياجوانى عجبك قله القيمه اللى ابوك فيها بس معاليش العروسه تستاهل برده

جوانى : معليش ياحج حقك عليه

ابو جوانى : عجبك شكل ابوك اللى عامل زى اللى طالب معونه الشتاء

عديت دقائق والهدوم اتنضفت وجت وابو جوانى وجوانى خرجو للناس تانى وابتدى الكلام

عادل : انا بعتذر مرة تانيه عن الموقف

ابو جوانى : ولا يهمك ياحج نكمل كلامنا

عادل : احنا مش هنختلف على حاجه ياحج وجوانى راجل وانا عايز اللى يصون بنتى ويحافظ عليها

ابو جوانى : بص الاصول اصول ياحج

عادل : الشبكه هديه من العريس وهو اللى يقدرها

ابو جوانى : ماشى كلامك

عادل : بالنسبه للفرش اللى يقدر عليه يجيبه والباقى عليه

ابوجوانى عنينه احمرت : جوانى يقدر على الجوازة كلها ويجهز بيته احسن جهازعادل بخوف : ياحج انا مقصدتيش وعلى العموم شوف انت عايز ايه واحنا تحت امرك

ابو جوانى : ولدى يجيب اوضه النوم واوضه المسافرين

رايقة باندفاع : هما مين اللى مسافرين

جوانى بسرعه : اوضه الانتريه يارايقة
رايقة : طيب

عادل : انا معنديش مانع على بركه الله

جوانى : تحب ننزل امتى نشترى الشبكة

عادل : خد عروستك وانزلو اى وقت ده موضوع بتاعكم وحفله الخطوبه هتكون هنا فى الفيلا اول خميس فى الشهر علشان هيكون عيد ميلاد رايقة
جوانى بص لرايقة بحبك وبعنيه قالها

جوانى : كل سنه وانتى طيبه ياحبيتى وعقبال مليون سنه مبروووووك ياحب العمر

رايقه قريت فى عيون جوانى الكلام واتكسفت ووشها احمر اوى : بحبك ياجوجى

نشوفكم الحلقة الأخيرة ان شاء الله

هايل جميييييييييييييل ويا رب يطل توقعى ن الحلقة الاخيرة صح

عايزين بقى نعرف النهايه

دى اللى مستنيها بفارغ الصبر
هههههههههههههههههههههههه

شكرا على ردودكم
مستنية بقية الردود
بس الاخيرة هتكون على حلقتين باذن الله

جاااااااامده ومستنيين الاخيرتين

تسلم ايدك يا اماندا

نشوف نهاية القصة بقا
مستنييييييييييين

الحلقة الأخيرة

يادبلة الخطوبة(1)

جوانى أتفق مع رايقته انها تعدى عليها فى المكتب بعد الضهر علشان ينزلو يتفرجو على الشبكه قبل ما ينزلو مع والدتة علشان يشتروها وجوانى كان فرحان ومش مصدق نفسه معقوله خلاص هيخطب حب عمره بعد اسبوع بس وكمان عيد ميلادها يااااااااااااااه جوانى وصل المكتب الصبح وطبعا كان فى انتظارة ايهاب صحبة بابتسامه عريضه

ايهاب : ايه اقول مبروك ولا ايه ؟

جوانى : لا قول ومتخليش فى نفسك حاجه

ايهاب : الف مبروك ياعريس وربنا يسعدك

جوانى : ربنا يخليك

وحكى جوانى تفاصيل اليوم لايهاب وقاله ان رايقه جايه النهارده علشان ينزلو يجيبو الشبكة
تررررررررررررررررن تررررررررررررررررن جرس تليفون مكتب جوانى

جوانى : الو ايوه يااستاذ حالا

ايهاب : ايه مين ؟

جوانى : ده الاستاذ عايزنى

جوانى رجع من مكتب الاستاذ وهو متضايق شويه

ايهاب : مالك ياعمنا

جوانى : الاستاذ بعتنى مشوار اجيب ورق من موكل فى مدينه نصر مشوار وانت عارف رايقة جايه

ايهاب : مطب بجد . بس ولا يهمك انا هستناها وهسليها لحد ما جنابك ترجع ايه رايك

جوانى : والله انا مش عارف اودى جمايلك دى فين بس ؟

ونزل جوانى ومفيش ساعة ودخلت بنت امورة جدا وريحه البرفان بتاعها عايزة اغاثة من جمعيه حقوق الرجل

ايهاب : يالف اهلا وسهلا

البنت : اهلا بيك . هو الاستاذ جوانى موجود

ايهاب : لا الاستاذ جوانى نزل مشوار

البنت وهى بتقوم وزعلانه : طيب هبقى اعدى عليه وقت تانى

ايهاب : هو مش هيتاخر وهو عارف انك جاية وقالى استناكى واتكلم معاكى

البنت : عارف انى جاية ولا حاسس ؟

ايهاب : انا اتشرفت بيكى جدا والله جوانى بيحكى عنك كتير جدا وعن ادبك واخلاقك وجمالك

البنت بستغراب : ده انا يعنى ؟

ايهاب بحماس زايد : طبعا ده من يوم الحادثة وهو اعجابه وحبه ليكى بيزيد ومتعرفيش كان حالته ايه علشان مكنيش عارف يوصلك ويكلمك

البنت : معقوله

ايهاب : طبعا ، انا صاحبة عارف كل الموضوع صدقينى ده بيحبك اوى

وفى اللحظه دى دخل جوانى المكتب

جوانى : السلام عليكم

ايهاب : عليكم السلام ادينى قاعد معاها اهو

جوانى : انتى هنا ليه ؟

البنت : جايه علشانك اصل انا .............

ايهاب اخد جوانى وخرج بره الاوضه

ايهاب : ايه المعامله دى للبنت

جوانى : دى مش هى

ايهاب بصدمه : اومال مين دى

جوانى : دى بقا شر الطريق بعيد عنك اسمها بسنت غالى بنت لازقه شوفتها مرة واحده عمله زى العفريت كل ما التفت ورايا القيها

ايهاب : بص انا شكلى عكيت على الاخر

جوانى : قولى انت قولتلها ايه ابوس ايديك رايقة فى الطريق

ايهاب حكى باختصار اللى حصل مع بسنت من ساعه ما جت لحد ما جوانى دخل وجوانى كان هيغمى عليه

جوانى : ابوس ايدك ياايهاب خلصنى من البت دى

ايهاب : حاضر

جوانى : انا هروح اسلم الورق ده للاستاذ وارجع تكون هى مشيت

ايهاب دخل الاوضة ولقى بسنت قاعده وعلى وشها غضب واضح جدا وعمله زى مدفع الفطار شويه ويفرقع فى وشه

بسنت : هو ليه بيعاملنى بالقسوة مع ان من كلامك انه معجب بيه من يوم الحادثة

ايهاب بتوتر : واضح ان فى سوء تفاهم انا السبب فيه

بسنت بغضب : يعنى ايه ؟

ايهاب : انا كنت فكرك الانسه رايقه خطبيته بس

بسنت : علشان كده لما شافنى وشه بقع

ايهاب : طبعا . خايف على مشاعر خطبيته اللى هى على وصول دلوقتى

بسنت : على العموم انا همشى دلوقتى بس بلغه انى ضميرى وجعنى جدا وعايزه بس اصلح عربيته اللى انا كسرتها سلام

جوانى رجع المكتب كانت بسنت مشيت وقال الايهاب

جوانى : انا اتصلت برايقه خوفت لصحبتك دى تلزق هنا وهنزل اقبلها هى قالت اى حاجه .

ايهاب : قالت انها بس عايز تعوضك عن الحادثة

مش وقته انا هتاأخر سلام دلوقتى هتصل بيك بالليل

نزل جوانى بسرعة وهو بيفتح عربية

بسنت : انت فاكر انك هتخلص منى بسهوله كده

جوانى اتنفض والمفاتيح وقعت من ايديه

جوانى : بسم الله الرحمن الرحيم ايه انتى بتطلعى منين

بسنت : من اى حته تكون انت موجود فيها

ياأنسه بسنت حضرتك عارفة انى خاطب رايقة وكمان بحبها يبقى عايزة منى ايه بقا

بسنت : افهم من كلامك انك مش عايزنا نكون اصحاب

جوانى : لا انا رايقة كل دنيتى

بسنت بمكر : خليك فاكر انى لما بعوز اى حاجه باخدها مهما كان التمن وهنتقابل تانى اكيد بس مين هيدور على التانى مش عرفه باى

مشيت بسنت وسابت جوانى واقف وهو مش مستريح خالص للجملة الأخيرة بس قرر يفكر فيها بعدين معاده مع البدر دلوقتى بسرعه ياجوانى

وصل جوانى على مكان الجوهراجى اللى وصفته رايقه ولقى رايقه مستياه هناك

جوانى : اتاجرت عليكى ياقلبى

رايقه بحجل : انا استناك العمر كله

جوانى : يابووووووووووووووى انا سفه لو كنت اتاخرت عليكى

رايقه بصت لجوانى بحنيه وهزت راسها ومردتيش

جوانى : قولى ياقمر عايز شبكتك ايه

رايقة : انا بقول خاتم سوليتر ودبله لازوردى

جوانى : ودول دهب ولا ايه مش واخد بالى

رايقه بابتسامه : ايوه ياجوجى . لازوردى دى ماركه دهب بس حلوه اوى

جوانى : ماركه ايه هو انا هشترى تلاجه كله دهب ياعمرى

الجوهراجى : دى تشكيله سوليتر هتجبك اوى ياانسه

رايقه بصت على السوليتر باعجاب واختارت واحد ووريته لجوانى

رايقه : ايه رايك فى ده ياجوجى

جوانى : حلو ياقمر بس هتاخدى ده بس نقى اللى يعجبك ميهمكيش الفلوس

رايقة : ده كفايا اوى ياجوجى استنى بس نعرف تمنه كام . من فضلك ده كام ؟

الجوهراجى : ده تمنه 30000 جنية

جوانى بلع ريقة بالعافيه وبصوت مخنوق : ليه ؟

الجوهراجى : ده فيه فص .......................

جوانى : فص ايه بس وكلام فارغ ايه اشترى بس خاتم 30000 جنيه

رايقه حست ان الموقف هيتصعد : خلاص ياحبيبي انا هاخد الدهب اللى انت عايزه على زوقك

جوانى :بفرح مكتومه : بجد ياحبيبي والله لو عجبك عادى اجبهولك

رايقه بابتسامه حنينه : انا خلاص هاخد اللى انت هتجيبه

جوانى : خلاص نيجى بالليل بكرة والحاجه هتنقى ليكى احسن واغلى حاجه

رايقة بزعل : انا عايزاك انت اللى تختار ودلوقتى

جوانى : حاضر يارايقة

جوانى : هاتلنا ياسيدى جوز غوايش حلوين ينفعو ليد القمر اللى معايا وكمان سلسله وحلق كمان وهتلها الدبله الزبادى اللى هى قالت عليها

طبعا رايقه ميته على روحها من الضحك من زبادى دى

رايقة : لازوردى ياحبيببي

جوانى : يعنى غلطه فى البطاقه كلها اسامى وبعدين اهو الزبادى مفهوم عن التانيه دى

الجواهرجى : جاب تشكيله حلوه ورايقة نقت كل اللى هى عايزاه وخرجو من المحل على وعد بلقاء تانى يوم علشان

يشترو ويروحو ويستعدو للحفله ................................. يتتبع

تماااااااااااااااااااااااااااااااااااااااام
ومنتظرين النهاية السعيدة

شكرا على مرورك

كدة بقا الحلقة الجاية هى الاخيرة؟

ان شاء الله الجزء التانى من الحلقة الاخيرة

فى انتظار النهايه !!!!!!!!!!!!!

اية فين باقى الحلقات

ان شاء الله هنزلها
بس صاحبة القصة لسة مكتبتهاش

صاحبة القصة؟
هى القصة دى مش من على النت

علاء الدين كتب:: صاحبة القصة؟
هى القصة دى مش من على النت

من على النت يا علاء
بس اللى بتكتب القصه لسه منزلتهاش على النت

خلاص يا عم كونان بتستنتج انتا

مش استنتاج دى حاجه بالعقل
مش انت اللى بتسال؟؟؟؟
سبحان الله

حصل خير

اكيد طبعا حصل الخير
اللى بينى وبين علاء اكبر من كده

» يوميات شاب مصرى روش طحن