كرسى الاعتراف

تذكير بمساهمة فاتح الموضوع :

الموضوع اسمه كرسى الاعترااف



ايه فكره الموضوع ..


فكره الموضوع ان كل فتره هيكون فى ضيف على كرسى الاعترااف .



وباقى الاعضاء كل واحد فيهم يساله كل الاسئله اللى كانو يتمنو او يحبو يعرفو اجابتها منه

على سبيل المثال

يعرفنا بشخصيته ... هوايته .. حكمه مفضله ليه ومؤمن بيها اوى

حكمه مشهوره هو معارض عليهاا .. ورده معاه يهديها لمين فى المنتدى

يتمنى ايه لمنتدى اصحابنا .. وكده مثلا ..

وأى اسئله تانيه ..
وبعد كده يختار عضو يجي يقعد علي الكرسي ..علشان يتسأل ..
ويبعتله رسالة علشان العضو يعرف إن قعد علي الكرسي .


اتمنى الموضوع يكون لذيذ ويعجبكو وتوافقو عليه ...

وعلى فكره الموضوع ده والله بشوف فى باقى المنتديات الردود فيه بتعدى ال100 لكل عضو

والاسئله بتكون كتيره اووووووى

وانا اللى عجبنى فيه انى حسيت انه بيقرب الاعضاء من بعض .. بحيث ان كل عضو بيكون عارف عن غيره حاجات كتيره اوى

عشان كده اتمنى تشاركو فى الموضوع ونختار مين هيكون اول عضو معاناا .. على كرسى الاعتراف

يلا بقى واحد يتبرع ويقعد على الكرسى لايما كل عضو يرشح واحد واكتر واحد يقعد على الكرسى

كويس انك جاوبت انا بسببك هعتزل الاسئلة بس لتصحيح المعلومات
اسرع رجل في العالم من جامايكا بعدين محدش بياخد 100 متر في 10 دقايق دي 9.58 ثانية

ههههههههههههههههه
اسأل والجواب حاضر باذن الله

اه انا كان قصدى 10 ثوانى بس اظن امه امريكى
لانى شوفته كان رافع علم امريكا واسمه تايسون تقريبا

ده كان قبل كده و كان اسمه مايكل جونسون و كان فعلا 10 ث
بس في واحد جديد 9.58 يوسين بولت

السلام عليكم
انا اسئلتى صغيرة لكن ياريت تجاوب
*ليه بتحاول تخبى
ضعفك وحزنك وتظهر انك دايما بتضحك ؟
*ايه المواقف اللى تتمنى الموت فيها
؟
*ليه بتحاول تغير شخصيتك على المنتدى بخلاف الحقيقة ؟
*لو رجعلك
حبك الاول هترفضه ولا تقبله ؟
*حبيت كام مرة وكام مرة قولت نفس الكلام
للبنات ؟
*يا ترى ايه نهاية الحب بالنسبالك ؟
*مش شايف انك بتبالغ شوية فى حكاية الحب دى ؟
* امتى تبيع اللى بتحبه وليه ؟
ياريت تجاوب على كل الاسئلة

اوبااااا

banoota كتب:

السلام عليكم
وعليكم السلام
انا اسئلتى صغيرة لكن ياريت تجاوب
هجاوب اكيد لانها لاكيميا ولا فيزيا يعنى


*ليه بتحاول تخبى
ضعفك وحزنك وتظهر انك دايما بتضحك ؟
اخبى ضعفى دى كبيرة شوية ــ انا ببقى كتير ضعيف لكن قدام الناس اللى هستمد منهم قوة
اما قدام اى حد فأنا اه بخبى حزنى وزعلى لانى مش بقبل ابداااااااااااا ان حد يزعل بسببى
او بالعربى يعنى مش بحب اعكنن على اى حد حتى لو كنت بموت

*ايه المواقف اللى تتمنى الموت فيها؟
لما احس انى بلا روح وبلا هدف ـــــ طبعا مش هموت نفسى -استغفر الله- بس هدعى ربنا انى اموت
وبالنسبة للمواقف مثلا انى افقد حد غالى عليا اووووووى او انى افقد احلام جميلة اووووووى

*ليه بتحاول تغير شخصيتك على المنتدى بخلاف الحقيقة ؟
على فكرة انا اكتر حاجة بكرهها النفاق وانا عمرى ما غيرت فى شخصيتى ولا حتى فى طريقة كلامى
تعاملى هنا مع البنات زى اخواتى والله والولاد نفس المعاملة ولو اى حد فيهم شايف انى بتغير يقول
وانا والله ما هزعل ولا هعاتبه لان اصحابى مرايتى ...... السؤال غلط يا باشمهندسة

*لو رجعلك حبك الاول هترفضه ولا تقبله ؟
بالرغم من انى مش عارف انتى جايبة الكلام ده منين
بس احب اقول انى اه فى حالة حب بس ده اول حب واخر حب باذن الله يعنى لا فيه قبله ولا بعده

*حبيت كام مرة وكام مرة قولت نفس الكلام للبنات ؟
انا زمان كنت بقول انى حبيت حوالى 3 او 4 مرات
لكن دلوقتى بقول ما حبتش غير مرة واحدة ومش هحب تانى
اما حكاية الكلام دى فأنا مش اتكلمت مع كل اللى فكرت فيهم
ومش بحفظ كلام واسمعه انا مش كدة خاااااالص انا اللى ف قلبى على لسانى
وفى كلام مش بيطلع لاى حد .......... بردو سؤال عجيب !!

*يا ترى ايه نهاية الحب بالنسبالك ؟
طبعااااااااااااااا الزواج ... لان انا مش بتاع لعب

*مش شايف انك بتبالغ شوية فى حكاية الحب دى ؟
انا شايف انى مقصر لان حسب حجم الحب والشخص اللى بتحبه بتتأثر

* امتى تبيع اللى بتحبه وليه ؟
لو قصدك باللى بحبه ده اصحابى فلما احس انه خاين او كارهنى او بينافقنى
اما لو قصدك اللى بحبه اللى بحبه يبقى عمرى ما هبيعه لانه مش هيبعنى

ياريت تجاوب على كل الاسئلة
انا جاوبت على كل الاسئلة ولوفى عندك تانى اكتبى وانا هجاوب
لكن مش عارف ليه مش مستريح لاسئلتك دى حاسس انك متسلطة عليا
هههههههههههههههه

اوباااااااا

ايه يا عمرو الاوبهاااااااات الكتيرة اللى جننتنا بيها دى
انت بتتفاجئ من كل حاجة كدة ؟؟

A.M.R Dahish كتب:

اوباااااااا

احنا نسمى اللعبه دى كرسى الاوبا اقتداءا بكوبرى الاوبا

:d

ينهار اوبا

حبيب قلبى
هو انتا يا على اللى على الكرسى
استنا بفكرلك فى اسئلة

اهلاااااااااااااا عالكرسى

1- ايه الحاجة اللى لايمكن تسامح فيها مهما حصل

2- نفسك فى ايه عاوزه يحصل بشدة

3- شايف الدنيا ازاى

4- شايف نفسك ازاى

5- اكتر موقف مؤثر فى حياتك

6- اكتر شخص اثر فى حياتك

استنى الباقى

علي ياااه
عامل ايه
واحشني يا راجل
مش بنشوفك ليه

A.M.R Dahish كتب:

علي ياااه
عامل ايه
واحشني يا راجل
مش بنشوفك ليه

الله يخليهوملك يا عمور
وبعدين اقلب النضارة يا حبيبى وانت تشوف كل حاجة مش انا بس
ههههههههههههههههههههه

طب انجز لو محدش هيسال رشح حد تاني

لسة فى ناس قالتلى استنى
زى علاء وبرنسس الصغيرة
والمية واربعين سؤال بتوع محمد طارق
بس يا سلام بقى لو ينسى

قشطة في انتظارهم

ali kemo كتب:

banoota كتب:

*ايه المواقف اللى تتمنى الموت فيها؟
بس هدعى ربنا انى اموت

ما ينفعش يا عم الحاج

انك تدعي ع نفسك انك تموت

مش عارف يا علي أسألك أقلك ايه

أصلي تقريبا عارف كل حاجة عنك

وكمان مش بحب التسييح

ههههههههههههههه

ههههههههههههههههه
ريحتنى والله
بس على فكرة انا قصدى ان الموت ساعتها هيكون اريحلى وأهونلى
وبعدين الموت مش حاجة وحشة على الاقل هتستريح من الدنيا وقرفها

ايه يا على هاترشح ولا فيه حد قالك انه هايسئل