كرسى الاعتراف

احم احم

دستور يا اهل البيت
اتفضل يا عم زى بيتك
نشواااااااان حبيب قلبي واول صاحب ليا في الكلية دي
ابو طارق حبيبى والله وفعلا اول صديق ليا فى الكليه دى
عايز ادردش شوية معاك بس بجد , ويا رب ما تزعلش مني بل بالعكس ان شاء الله تزيد المحبة
ازعل منك!!!! نيفر يا معلم جو اووووووووووون
ايه ده مش للدرجه
ههههههههههههههههههههههههههههههههههه
ابتدي باحسن الكلام واقول بسم الله الرحمن الرحيم :

* اولا : ظروفك مع البيت :

1/ تقيم علاقتك باهلك في البيت بكام في المية ؟ ولو مش 100% تفتكر ايه سبب النقص ده ؟ وتفتكر ممكن تعالجه ازاي ؟
70% وده بسبب حاجات كتير اووووووووووى , اولها ان هنا فى البيت غير اى بيت , يعنى علشان انا الكبير اى محاوله ابداء رأى فى الغالب والدى بيعتبرها تمرد ومحاوله لقلب موازين الحكم فى البيت , وتعتبر تهديد من الدرجه الاولى لأمن واستقرار البيت
بس احيانا علشان منظلمش حد بيكون حيادى ,تانى حاجه انى اصلا اتعودت انى اعيش حياتى لوحدى يعنى تجاربى مبلجـش فيها لأى حد , من الأخر محدش في البيت يعرف حاجه لا عن تجاربى ولا حتى عن شخصيتى وطريقه تفكيرى , يمكن والدتى بس بردو مش اوى , فأنا اخدت على انى لوحدى , فديما مش معاهم اوى يعنى زى ما تقول كده هما وانا اتعودنا على العلاقه دى
وبجد معرفش ازاى العلاااااااااااااج
2/
يا ترى في بيتكم كل واحد في حاله عايش في عالم مع نفسه ؟ولا ايه النظام
عندكم ؟ وانت فين من ده ؟هل عايش مع نفسك ظ ولا مندمج مع البيت واحواله ؟
لا مش كله , انا بس , اما الباقيين فالحياه عاديه , وانا زى ما قولتلك لوحدى ومندمج جدا مع البيت وخصوصا المشاكل
3/ طب في البيت لو كنت انت مهموم حبتين وقاعد لوحدك , والدك ووالدتك بيلاحظوا ده ؟ ولو اه بيعملوا ايه معاك ؟
لو لاحظوا .. اكيد بيحاولو يعرفو , بس بصراحه انا فى الغالب بتوه لانى مأخدتش ان اتكلم معاهم عن مشاكلى وهمومى
4/
ممكن كده والدتك في مرة من المرات وانت قاعد في امان الله تيجي تقولك
هااااه يا نشوان اخبارك ايه وعامل ايه في الدنيا وكده ؟ ممكن انت بقى
تحكيلها كل اللي في قلبك ؟ ولا بتخبي وتقولها لا مفيش اي اخبار وانت بيكون
عندك مصاااااااااايب عايز تحكيها ؟ ايه وجهة نظرك لو انت خبيت ؟
كتير والله وخصوصا منها "والدتى" بس زى ما قولت بتوه علشان مينفعش ابقى باين عليا الزعل واقولها لأ مفيش حاجه , لان بصراحه المره الوحيده اللى اتكلمت فيها معاها عن اللى جوايا كان موضوع قديم اوى ,وذكراه معايا منيله بستين نيله ومن ساعتها وانا على النظام اللى قولت عليه
5/ يا ترى لو انت بتحب بس بجد ممكن تحكي لوالدك او والدتك عشان يعرفوا يوجهوك صح ؟ ولا بتفضل تخبي عنهم عشان تكبر دماغك ؟
بص والدتى جربت وقولتلها مره زمان ايام الثانوى وللأسف الموضوع بقى .......
اما والدى لما عرف وانا كنت فى حاله نفسيه نيله ومقصر فى الدراسه ادانى كلام ورد "انت ان شاء الله خلاص الدنيا خربت يعنى , متكونش صدقت انك ..."
علشان كده بحاول اكبر دماغى
6/ ممكن اكرر السؤال الاول بس بطريقة اخص شوية :
علاقتك بوالدك ( الحاج ايمن ) تديها كام في الماية ؟ اكيد طبعا مش 100% ؟ تفتكر ايه سبب النقص ده ؟ وبتحاول تتكيف ازاي ؟
60% قابله للنقصان , لانه مش بيفهمنى بالرغم من ادعائه العكس , والتكيف الوحيد هو تجنب اى مواجهه
7/
والدك من النوع اللي دايما بيشيل الاخ الكبير مسؤلية كل حاجة تحصل لاخواته
الصغيرين ولما يعملوا حاجة غلط يعنفك ويقولك ما هو عشان بيشوفوا اخوهم
الكبير ويعملوا زيه ؟ وكده يعني , ولا مش بيعمل كده معاك ؟ احكيلي
لأ فى المصايب بس , انما هو تعنيف من غير ما يغلطوا , بس احيانا بيوقعوا بينى وبينه
هو ديما بيقلب بسرعه يمكن لأنى بقيت بعرف ارد من غير ما اغلط وادافع عن نفسى صح
فبيحس بانى بينت ظلمه او خطأه فى حقى
8/
بتحس ان والدك بيحاول يكون صاحب ليك ويقرب منك وكده ؟ ولو ده بيحصل بيبقى
اسلوبه ازاي ؟ وهل ده بيبقى دايما ولا ساعات ساعات حسب مزاج والدك ؟
والدى بميت الف مزاج ممكن فى عز الهزار يزعق ويقلب فى ثانيه ودون مبرر منطقى
هو بيحاول يتقرب ليا بس بطريفه هو عارف انها مش هتجيب نتيجه معايا
معرفش العيب فيه ولا فيا انا
9/ ايه سياستك في التعامل مع اخواتك ؟ و لما بيغلطوا بتوريهم العين الحمرا ؟ ولا بتحايلهم ؟ ولا ايه النظام ؟
لا عين حمرا مين , بص بجد انا بتعامل معاهم انهم كبار حتى مريم "5 سنين" ومن هنا بعرف اديهم كلام يوجعهم ويحسسهم ان قلبى عليهم , واحيانا لما بكون انا اصلا مليان وتيجى غلطه اتكلمت فيها قبل كده بزعق بس برجع اصالح وابين وجهه نظرى
10/ في الحقيقة بقى بعيدا عن الكلام النظري : ليه فعلا بحس انك واخد جنب عن البيت ؟ ومش بتسمحلهم انهم يشاركوك في مشاكلك ؟ ليه كده ؟
بص من شب على شئ انا اتعودت من صغرى انى فى مركب لوحدى , علشان كده بدأت اتصرف على هذا الاساس , جدى بيقولى انهم عملوا كده علشان اطلع اعرف اعتمد على نفسى , بس الواضح انى كمان بعدت نسبيا عنهم
وفعلا بقى العادى انى اشيل فى نفسى ومتكلمش
اسف
لو كان كلامي كان فيه ولو ذرة قلة ذوق , لكن بجد والله انا حاسس ان انت
اقرب واحد لظروفي من حيث ظروف البيت وكده وعايز اشوفك بتعمل ايه
عييييييييييييييييييب يابنى والله العظيم ابدا

* ننقل بقى من البيت للاصحاب :

11/ عندك كام صاحب بجد بجد حقيقي ؟ وايه هو تعريفك للصاحب الحقيقي ؟
كام , حقيقى مجربتش اعدهم ,والصاحب الحقيقى هو اللى يتحمل صاحبه ويشيل سره ويحمى غيبته ويقدر ظروفه واخر حاجه يصبر على عيوب صاحبه ويحاول يغيرها
12/ ممكن لاي مدى تضحي عشان صاحبك ؟
بجد , ممكن اضحى بيا انا , يعنى لو صاحبى فى مشكله وحلها انى ابان مش كويس لو قدام مين
هعملها واشيل عنه الليه , بس المهم عندى انه يكون ده فيه فايده ليه
13/
لو عرفت ان صاحبك الحقيقي ده بيحب البنت اللي انت بتحبها وهو صارحك بكده
وهو ما يعرفش انك بتحبها هتعمل انت ايه ؟ هتسيبهاله ؟ ولا تصارحه انت كمان
انك بتحبها وتخليه هو اللي يضحي ولا هتعمل ايه ؟
عمرى ما هفكر انى اقوله انى بحبها ابداااااااااااااااااااااااااااا, وهبدأ اتصرف على اساس انها مش ليا , يمكن اتصرف على انها مش تحل ليا
14/ ايه الجريمة الشنعاء اللي ممكن صاحبك الحقيقي يعملها عشان تبعد عنه ؟
مش عارف , بس الخيانه وخصوصا لو فى الاهل او مثلا اعرف انه على علاقه بالانسانه اللى هو عارف انى بتمنى الارتباط بيها ,
15/
سؤال مهم اووووووي بالنسبالي : اصحابك في الكلية بتعتبرهم فعلا اصحابك ؟
ولا مجرد زمايل كويسين وخلاص ؟ وممكن في اول موقف صعب تتخلى بكل سهولة عن
صداقتهم ؟
طبعا اللي خلاني اقول كده الموقفين اللي انت عملتهم مع الشلة كلها قبل كده , واكيد انت عارفهم
لأ , اصحااااااااااااب مش زمايل , خلى بالك الغضب اعمى ,مش معنى انى قولت كلام فى ساعه غضب يبقى ده طبعى, بس فعلا اللى كان مضايقنى انى حسيت ان كله بيلعب كله , يعنى تيجى تقول لواحد مش كده غلط يقولك اه , وواحد تانى يسأله كده صح يقوله اه
ده اللى انا شوقته وحسيت ان اللى قدامى مش معتبرين صاحبهم صاحب بجد
وحسيت فى مكيالين واحد لو كان الموضوع يخص الشخص والتانى لو يخص غيره
وبلاش نتكلم فى الماضى
الموضوع اتنسى خلاص واتمنى ان ميحصلش حاجه زى كده تانى
16/ في حد ع وجه الكرة الارضية معاك كل اسرااااااارك وبتحكيهاله اول باول ؟
لأ طبعا , مش علشان عدم ثقه بس كل الحكايه , ان فى جزء كبير من اسرارى بحس ان مستحيل حتى انى افكر فيها وفى حد جنبى
لكن بجد الاسرار اللى بقولها لاصحابى اكيد فى حد يعرف معظمها ,واللى يسأل انا بجاوب ونمش بعتبرها خاااااااااااالص تطفل مهما كان عدد مرات السؤال
وده بجد اللى جوايا

* ننقل بقى لحالتك العاطفية :

17/ تفتكر ايه سبب حالة الضياع العاطفي اللي انت فيها دلوقت ؟ هل ده بسبب تهورك ؟
تفتكر انى اتهورت ؟؟؟؟ او بالنسبه ليا انا ده تهور !! ده قمه الهدوء , وهى مش حاله ضياع ولا حاجه كل الحكايه حلم اتنبى قدامى فى مده طويله وانا كنت فاكر انى فاهم اللى قدامى , وعلى الرغم من ان فى ناس تانيه اتخدعت معايا , بس انا كان عندى احساس بده
اما انا دلوقتى فى فتره نقاهه, خصوصا ان اكتر حاجه متعبه انك تحس ان اللى قدامك بيديك امل , علشان اول ما تصدق تلاقيه شده منه واصحبابك بيسموا عليك
واهلا بيك فى العالم الحقيقى ,
18/ هل حالة الضياع دي مأثرة عليك في الحياة من حيث جو الاسرة والمذاكرة واصحابك وكده ؟
لاااااااااا , مش معنى تزامن كل الضياع فى الجوانب دى ان يكون فى تاثير حاجه على حاجه, انا غالبا بعرف افصل
19/ ليه تجاربك العاطفية كتير ؟ ممكن تقريبا تقوللي كام تجربة ؟
والله مش كتيييييييييير خااااااااااااااااالص , فى فرق بين تجارب عاطفيه و "اللى بيقولو عليها صداقه بين ولد وبنت واللى انا مش شوفت اى دليل على احتمال وجود علاقه بالشكل ده , غير حاله شاذه واحده"
كل الحكايه انى كتير اتعرضت لمواقف وتحت مسمى الصداقه وكلام اهبل كده وبعد كده تلاقى اللى قدامك مش معتبرك صديق وتبدأ النهايه المحفوظه اللى كلنا عارفينها
اما بقى كام علاقه , اتنين واعتقد ده رقم مش فلكى
20/ عندك امل انك تعرف تصلح الدنيا اللي انت بوظتها في اخر حالة عاطفية ؟ ولو اه تفتكر ازاي ؟
لاااااااااا ابدا , لان اللى حصل اكبر من موضوع تجربه , بجد انا حاسس انه كان مقلب او انتقام
بس عادى ,لأن لو الجرح الأول صعب اووووووووى , التانى صعب بس مش اوى
21/ ممكن في يوم من الايام تفكر ترجع لاحد تجاربك السابقة خصوصا التجربة اللي بتبتدي بحرف ( ي ) ؟ وليه ؟
مستحيل لو هموت وحياتى هناك , لانى عمرى ما هلاقى حد استهتر بيا وبكل اللى جوايا قد ما شوفت معاها وكمان الحمد لله المفروض فى ارتباط دلوقتى ويارب يكمل مش زى اللى فات
22/ تفتكر بقى يا معلم ازاي تكون علاقة الولد بالبنت قبل الارتباط الرسمي ؟ يعني في الوقت الحالي كده ؟
انا شايف انه المفروض , مش يتجاوز معرفه رأى الطرف التانى فى الارتباط
يعنى اخرك تعرف هى قابلاك ولا لأ؟
وبين كل حين ومين يبقى فى تاتش كده وتحاول تخليه متدارى ورا دراسه او اى حاجه تانيه
لان متنساش انكم مش ضرورى تبقو لبعض ,فلو لا قدر الله حصل متكونش سببت ليها مشاكل
* انقل بقى للعبد لله :

23/ السؤال التقليدي : ايه مميزاتي واسرد اوي اوي في عيوبي ؟ يعني حللني نفسيا ؟
مميزاتك انك متدين وبتعرف كويس تقرب نفسك وتقويها على الغلط , وكمان بتحب الخير لكل اصحابك , وتلقائى شويه بس معرفش ليه بتحسسنى اننا لسه عارفين بعض امبارح هههههههههه
من الناس المخلصه وبتعتذر لو انت غلطان او حتى شايف ان اللى قدامك شايف انك غلطان علشان مش بتحب تزعل حد منك
العيوب ياريس
بحس احيانا انك بتنفض ههههههه يعنى عامل نفسك مخدتش بالك من وجودى وتقلان علينا تكونش صدقت انك زعيم
لا عيوبك مش عيوب بمعنى الكلمه
بس احيانا بتفلت منك حاجات وده وارد كلنا كده
يعنى مثلا ممكن تقول كلمه اللى قدامك يزعل وانت مش قصدك
مثلا تتسرع فى الحكم وانت مش واصلاك الصوره كامله
كده يعنى
بس الحاجه اللى احب اقولك عليها ومتسألش هنا عن السبب عايز تيجى فى الكليه
خد بالك مش كل الناس بتيجى بنفس طريقه النصيحه ومش كلهم بيفهموا انها نصيحه
24/ انت عارف علاقتي في البيت مع والدي , تفتكر لو انت في مكاني تعمل ايه ؟ انصحني
والله مش عارف بجد بحس ان حالتك اصعب , لكن انا لو فى مكانك هيكون نفس التعامل مع شويه من الاحراج يعنى بجد هحاول احرجه قدام جدى او عمى اللى اكبر منه علشان يحس انه كده بيغلط فى حقى ويكون فى حد معايا ليه السلطه انه يوجهه للصح , ولو طلب انه يتكلم او حصلت مواجهه لازم اكون واعى كويس لكلامى لان لو غلطت شكرا

اما بقى نصيحتى , لو مفيش فايده , اعمل زى واشتريلك عالم خاص بيك انت واقفل على نفسك جواه على الاقل الصوره بتاعته مش هتوحشّ اكتر مع كل يوم وهتلاقى نفسك بتنفض
ونصيحه ..... قعدت الاصحاب ومتخليش اى موقف خاص بيه جواك لازم تشوف حد يكون ثقه واول ما يعمل الواجب معاك , جرى على صاحبك حصل كده وكده , اتعصب وفرغ اللى جواك
وشكرا بقيت عامل زى الكوبايه الفاضيه , وبقى عندك مساحه تتحمل تانى وبعدين تروح تكب
25/
برضو انت عارف موضوعي العاطفي : ايه تعليقك ؟ وشايف سكوتي واني مش بعمل اي
حاجة ده صح ولا غلط ؟ وليه ؟ وهل فعلا شايفني زي الناس ما بتقول اني بحب
اعيش نفسي الوهم ودور الضياع واني عامل فيها تامر عاشور ؟!
يعني انت رايك شايف ممكن اتصرف ازاي ؟
الموضوع ده عايز فرح وكوبايتين شاى صعيدى
بسم الله الرحمن الرحيم
استعنا على الشقا بالله
انا شايف ان موضوع تمام ولو ان فى حاجات معكراه , بس ان شاء الله تزول , اولا بالرغم من انك غلطان واعتذارك مش هيغير حاجه من اللى حصلت , بس اعتقد ان الطرف التانى لو خد باله وفكر شويه هيعرف , ان الانسان لما بيكون عايز حاجه اوووووووووووووووووووووووى , احيانا بيسمح لنفسه بانه يعمل اى حاجه علشان يوصلها
واحيانا بيغلط فى سبيل ده
ده مش مبرر لعملتك بس ده برده جنب مستخبى كان لازم اتكلم عنه , وسكوتك ده احسن حاجه سيب الايام تعمل الواجب ,بس لازم تاخد بالك ان مفيش دليل على اى حاجه من الحزن ده , بمعنى تانى اطمن انا بجد حاسس انا اللى جى خير
خصوصا انى فى بشاير سعادتك ناسيها او مش شايفها , لكن انا
اهم حاجه انك مش تيأس خالص وان شاء الله الايام هتثبت انك شخص كويس جدا
واعتقد ان لو كلامك صح عن الطرف التانى , يبقى اكيد هو عارف ان الناس مواقف مش موقف واحد يا باشمهندس
26/ ايه احوالك واخبارك مع ربنا ؟ محافظ ع الصلوات وليك ورد من القران ؟
بصراحه انا الحمدلله منتظم فى الصلاه , لكن ربنا اللى يعلم انا نفسى اختم القرءان فى كل شهر مره على الاقل
ادعليلى كمان وكمان يا محمد
27/ بعد كل اسئلتي دي اتضايقت مني ؟ ولا زود المحبة ؟
الاتنين , زادت المحبه وزعلت علشان انا فضحت نفسى هههههههههههههههه بهزر
مفيش اى زعل
28/ ممكن توصفني في كلمة واحدة ؟
صعب اوى
طيب او تلقائى
29 / اوصف نفسك برضو في كلمة واحدة ؟
نشوان
هههههههههههههههههههه
دماغ
يا رب تكون اسئلتي ما فيهاش رخامة و اكون ضيف خفيف ( هههههههههه)
مفيش رخامه خالص
ده حتى انا لو اعرف ان اسئلتك هتبقى كده كنت رشحت اللى بعدى من اول يوم عالكرسى
هههههههههههههههههه
يعني تقدر تقول ختامه مسك ( ههههههههههههه )

واخيرا اقولك : بحبك جدااااااااا في الله
احبك الله الذى احببتنى فيه
وجمعنا وباقى الاصدقاء فى الجنه ان شاء الله