كرسى الاعتراف

احم احم

دستور يا اهل البيت

نشواااااااان حبيب قلبي واول صاحب ليا في الكلية دي

عايز ادردش شوية معاك بس بجد , ويا رب ما تزعلش مني بل بالعكس ان شاء الله تزيد المحبة

ابتدي باحسن الكلام واقول بسم الله الرحمن الرحيم :

* اولا : ظروفك مع البيت :

1/ تقيم علاقتك باهلك في البيت بكام في المية ؟ ولو مش 100% تفتكر ايه سبب النقص ده ؟ وتفتكر ممكن تعالجه ازاي ؟
2/ يا ترى في بيتكم كل واحد في حاله عايش في عالم مع نفسه ؟ولا ايه النظام عندكم ؟ وانت فين من ده ؟هل عايش مع نفسك ظ ولا مندمج مع البيت واحواله ؟
3/ طب في البيت لو كنت انت مهموم حبتين وقاعد لوحدك , والدك ووالدتك بيلاحظوا ده ؟ ولو اه بيعملوا ايه معاك ؟
4/ ممكن كده والدتك في مرة من المرات وانت قاعد في امان الله تيجي تقولك هااااه يا نشوان اخبارك ايه وعامل ايه في الدنيا وكده ؟ ممكن انت بقى تحكيلها كل اللي في قلبك ؟ ولا بتخبي وتقولها لا مفيش اي اخبار وانت بيكون عندك مصاااااااااايب عايز تحكيها ؟ ايه وجهة نظرك لو انت خبيت ؟
5/ يا ترى لو انت بتحب بس بجد ممكن تحكي لوالدك او والدتك عشان يعرفوا يوجهوك صح ؟ ولا بتفضل تخبي عنهم عشان تكبر دماغك ؟
6/ ممكن اكرر السؤال الاول بس بطريقة اخص شوية :
علاقتك بوالدك ( الحاج ايمن ) تديها كام في الماية ؟ اكيد طبعا مش 100% ؟ تفتكر ايه سبب النقص ده ؟ وبتحاول تتكيف ازاي ؟
7/ والدك من النوع اللي دايما بيشيل الاخ الكبير مسؤلية كل حاجة تحصل لاخواته الصغيرين ولما يعملوا حاجة غلط يعنفك ويقولك ما هو عشان بيشوفوا اخوهم الكبير ويعملوا زيه ؟ وكده يعني , ولا مش بيعمل كده معاك ؟ احكيلي
8/ بتحس ان والدك بيحاول يكون صاحب ليك ويقرب منك وكده ؟ ولو ده بيحصل بيبقى اسلوبه ازاي ؟ وهل ده بيبقى دايما ولا ساعات ساعات حسب مزاج والدك ؟
9/ ايه سياستك في التعامل مع اخواتك ؟ و لما بيغلطوا بتوريهم العين الحمرا ؟ ولا بتحايلهم ؟ ولا ايه النظام ؟

10/ في الحقيقة بقى بعيدا عن الكلام النظري : ليه فعلا بحس انك واخد جنب عن البيت ؟ ومش بتسمحلهم انهم يشاركوك في مشاكلك ؟ ليه كده ؟

اسف لو كان كلامي كان فيه ولو ذرة قلة ذوق , لكن بجد والله انا حاسس ان انت اقرب واحد لظروفي من حيث ظروف البيت وكده وعايز اشوفك بتعمل ايه

* ننقل بقى من البيت للاصحاب :

11/ عندك كام صاحب بجد بجد حقيقي ؟ وايه هو تعريفك للصاحب الحقيقي ؟
12/ ممكن لاي مدى تضحي عشان صاحبك ؟
13/ لو عرفت ان صاحبك الحقيقي ده بيحب البنت اللي انت بتحبها وهو صارحك بكده وهو ما يعرفش انك بتحبها هتعمل انت ايه ؟ هتسيبهاله ؟ ولا تصارحه انت كمان انك بتحبها وتخليه هو اللي يضحي ولا هتعمل ايه ؟
14/ ايه الجريمة الشنعاء اللي ممكن صاحبك الحقيقي يعملها عشان تبعد عنه ؟
15/ سؤال مهم اووووووي بالنسبالي : اصحابك في الكلية بتعتبرهم فعلا اصحابك ؟ ولا مجرد زمايل كويسين وخلاص ؟ وممكن في اول موقف صعب تتخلى بكل سهولة عن صداقتهم ؟
طبعا اللي خلاني اقول كده الموقفين اللي انت عملتهم مع الشلة كلها قبل كده , واكيد انت عارفهم
16/ في حد ع وجه الكرة الارضية معاك كل اسرااااااارك وبتحكيهاله اول باول ؟

* ننقل بقى لحالتك العاطفية :

17/ تفتكر ايه سبب حالة الضياع العاطفي اللي انت فيها دلوقت ؟ هل ده بسبب تهورك ؟
18/ هل حالة الضياع دي مأثرة عليك في الحياة من حيث جو الاسرة والمذاكرة واصحابك وكده ؟
19/ ليه تجاربك العاطفية كتير ؟ ممكن تقريبا تقوللي كام تجربة ؟
20/ عندك امل انك تعرف تصلح الدنيا اللي انت بوظتها في اخر حالة عاطفية ؟ ولو اه تفتكر ازاي ؟
21/ ممكن في يوم من الايام تفكر ترجع لاحد تجاربك السابقة خصوصا التجربة اللي بتبتدي بحرف ( ي ) ؟ وليه ؟
22/ تفتكر بقى يا معلم ازاي تكون علاقة الولد بالبنت قبل الارتباط الرسمي ؟ يعني في الوقت الحالي كده ؟

* انقل بقى للعبد لله :

23/ السؤال التقليدي : ايه مميزاتي واسرد اوي اوي في عيوبي ؟ يعني حللني نفسيا ؟
24/ انت عارف علاقتي في البيت مع والدي , تفتكر لو انت في مكاني تعمل ايه ؟ انصحني
25/ برضو انت عارف موضوعي العاطفي : ايه تعليقك ؟ وشايف سكوتي واني مش بعمل اي حاجة ده صح ولا غلط ؟ وليه ؟ وهل فعلا شايفني زي الناس ما بتقول اني بحب اعيش نفسي الوهم ودور الضياع واني عامل فيها تامر عاشور ؟!
يعني انت رايك شايف ممكن اتصرف ازاي ؟

26/ ايه احوالك واخبارك مع ربنا ؟ محافظ ع الصلوات وليك ورد من القران ؟
27/ بعد كل اسئلتي دي اتضايقت مني ؟ ولا زود المحبة ؟
28/ ممكن توصفني في كلمة واحدة ؟
29 / اوصف نفسك برضو في كلمة واحدة ؟



يا رب تكون اسئلتي ما فيهاش رخامة و اكون ضيف خفيف ( هههههههههه)

يعني تقدر تقول ختامه مسك ( ههههههههههههه )

واخيرا اقولك : بحبك جدااااااااا في الله