كرسى الاعتراف

تذكير بمساهمة فاتح الموضوع :

الموضوع اسمه كرسى الاعترااف



ايه فكره الموضوع ..


فكره الموضوع ان كل فتره هيكون فى ضيف على كرسى الاعترااف .



وباقى الاعضاء كل واحد فيهم يساله كل الاسئله اللى كانو يتمنو او يحبو يعرفو اجابتها منه

على سبيل المثال

يعرفنا بشخصيته ... هوايته .. حكمه مفضله ليه ومؤمن بيها اوى

حكمه مشهوره هو معارض عليهاا .. ورده معاه يهديها لمين فى المنتدى

يتمنى ايه لمنتدى اصحابنا .. وكده مثلا ..

وأى اسئله تانيه ..
وبعد كده يختار عضو يجي يقعد علي الكرسي ..علشان يتسأل ..
ويبعتله رسالة علشان العضو يعرف إن قعد علي الكرسي .


اتمنى الموضوع يكون لذيذ ويعجبكو وتوافقو عليه ...

وعلى فكره الموضوع ده والله بشوف فى باقى المنتديات الردود فيه بتعدى ال100 لكل عضو

والاسئله بتكون كتيره اووووووى

وانا اللى عجبنى فيه انى حسيت انه بيقرب الاعضاء من بعض .. بحيث ان كل عضو بيكون عارف عن غيره حاجات كتيره اوى

عشان كده اتمنى تشاركو فى الموضوع ونختار مين هيكون اول عضو معاناا .. على كرسى الاعتراف

يلا بقى واحد يتبرع ويقعد على الكرسى لايما كل عضو يرشح واحد واكتر واحد يقعد على الكرسى

ادينى مستنى يا سيدى

ونقووووووووووووووووول اهلا وسهلا
ونوجه كميه من الاسئلة الى السيد عبدو

1- تقديرك الترم الاول؟

2- رايك ف المعرض بتاع الفن الشعبى ؟

3- هل بتحب ف قصة حب ؟
وياترى من طرفين ولا تلاتة ؟

4- استعديت لامتحانات الميد ترم ؟

5- ايه رايك ف شخصيتى بكل صراحة من حيث العيوب والمميزات ان وجدت ؟

6- مع باقة زهور لمن تعطيها ؟

7- اكتر دكتور معجب بيه لحد دلوقتى ولماذا ؟

كفاية وهبقى اكمل عليك
ههههههههههههههههههههههههههه

بعد كلامى معاك ساعت لما لعبنا انا وانت على اللاب
لسه مصمم انى بكبر الامور؟
كل شويه بتسألنى ناوى على ايه , انت بقى ناوى على ايه؟؟
قولى نفسك تغير فيا ايه؟؟
شايف كلام ممدوح واستنتاجه صح هههههههههه؟
ليه بتقول عليا انفع وزير الخارجيه مع انى بحاول ارخم على اى كائن علشان متقولوش عليا بكيس؟
مقتنع بطريقه تفكيرى بغض النظر عن باب النجار المخلع؟
ناوى تغير وتتعالج من مانشستر؟
عضو تفتقده؟
عضو تشوطه؟
افضل عضو وعضوه من وجهه نظرك؟؟
كفايه

نبدأ بالبرنسيسه

1- تقديرك الترم الاول؟

جيد مع ايقاف التنفيذ يعنى 66% بس معايا رياضه (48 من 100)

2- رايك ف المعرض بتاع الفن الشعبى ؟

عادى يعنى رسوم كويسه بس مش جامده اوى زى ما الناس مصوراها

3- هل بتحب ف قصة حب ؟
وياترى من طرفين ولا تلاتة ؟

اه
تيييييييييييييييييييييت


4- استعديت لامتحانات الميد ترم ؟

يعنى مواد اه ومواد لا

5- ايه رايك ف شخصيتى بكل صراحة من حيث العيوب والمميزات ان وجدت ؟

شخصيه ظريفه اوى بتهزرى كتير ومش مهتمه بالدراسه وزى ما قلتى على نفسك انك بتسبقى قلبك على عقلك (وده مش صح)
ده اللى ممكن استنتجه من ردودك


6- مع باقة زهور لمن تعطيها ؟

لاى انسان بيحبنى من قلبه

7- اكتر دكتور معجب بيه لحد دلوقتى ولماذا ؟

محمد الدلجاوى
لانه راجل محترم وغلبان وبعرف اخد راحتى فى الكلام فى المحاضره بتاعته ههههههههه


كفاية وهبقى اكمل عليك

براحتك انا مستنى اهو

ومعانا نشوان ونقول الوووووووو

بعد كلامى معاك ساعت لما لعبنا انا وانت على اللاب
لسه مصمم انى بكبر الامور؟

مش مصمم يا ابنى دى حقيقه وانا قلتلك مبرراتى وفكك بقى من الحوار ده هههههههههههه


كل شويه بتسألنى ناوى على ايه , انت بقى ناوى على ايه؟؟

مش عارف لسه والله بس غالبا انا ماشى بسرعه السلحفاه وربنا يسهل بس انت شجعنى على الصح


قولى نفسك تغير فيا ايه؟؟

ان انت لما بتغيب عن اى حد لفتره عمرك ما ترفع سماعه التلفون وتسلم عليه فبتحسسه انك نسيته


شايف كلام ممدوح واستنتاجه صح هههههههههه؟

اكيد لا طبعا هههههههههههههههههههه

ليه بتقول عليا انفع وزير الخارجيه مع انى بحاول ارخم على اى كائن علشان متقولوش عليا بكيس؟

لانك بتعرف تاخد اللى قدامك على قد دماغه وبتعرف تطلع منه باللى انت عايزه انما الحوار الرخامه ده بنا وبين بعضينا انما مع اى حد تانى بتظهر على حقيقتك المكيساتيه


مقتنع بطريقه تفكيرى بغض النظر عن باب النجار المخلع؟

اه مقتنع ولو مكنتش مقتنع مكنتش اتكلمت معاك بالكميه دى ده انا صدعت دماغك بهمومى ههههههههههه

ناوى تغير وتتعالج من مانشستر؟

لا طبعا مانشستراوى للابد

عضو تفتقده؟

بسام

عضو تشوطه؟

على كمال ههههههههههههه

افضل عضو وعضوه من وجهه نظرك؟؟

افضل عضو :محمود سيد (جيمى)
افضل عضوه (Don't leave me alone)
نظرا لمجهوداتهم الكبيره فى القسم الدراسى

هبدأ الاول بأسألتي التقليدية والبقية تأتي ....

اسمع بقى يا معلم

1- اسمك بالكامل ؟ والدك ووالدتك بيشتغلوا ايه ؟
2- ترتيبك بين اخواتك ؟ وعددهم مفصلا نوعهم وفي سنة كام ؟
3- عندك كام عم وعمة ؟ كم خال وخالة ؟
4- اسم صديق حياتك ؟ ولاي مدى ممكن تضحي عشانه ؟
5- طموحك ايه في الحياة ؟
6- ايه اعلى مرتبة نفسك توصلها قبل ما تموت سواء علميا و سياسيا و اجتماعيا ؟
7- تفتكر ممكن تخدم بلدك ودينك ازاي ؟
8- كان نفسك تكون حاجة غير مهندس ؟
9- لو اقسام هندسة كلها كانت موجودة في الفيوم كنت اخترت حاجة غير مدني ؟ ايه هيا ؟
10-عندك تعليق ع شخصيتي ؟ طلعلي كل عيوبي واختصر لو فيا مميزات
11-ايه اكتر المواقف صعوبة اللي عدت عليك في حياتك ؟ واتصرفت ازاي ؟
12-ايه الحاجات اللي فرحتك من بداية حياتك لحد دلوقت ؟
13-والاخير : راضي عن نفسك ؟ وواقع بلدك ؟ ودينك ؟ وليه ؟

هبدأ الاول بأسألتي التقليدية والبقية تأتي ....

براحتك يا ابوطارق بس اياك تخيب

اسمع بقى يا معلم

معاك اهو اينعم

1- اسمك بالكامل ؟ والدك ووالدتك بيشتغلوا ايه ؟

عبدالرحمن يونس السيد عبدالسلام عبدالكريم السارى
والدى رئيس قطاع الرى فى توشكى وكيل اول وزاره (مهندس مدنى)
والدتى ست بيت


2- ترتيبك بين اخواتك ؟ وعددهم مفصلا نوعهم وفي سنة كام ؟

انا الصغير خالص (اخر العنقود)
وليا 3 اخوات
1- اختى معيده فى كليه طب عندها 28
2-اخويا محمد مهندس مدنى عنده 26 سنه
3- اخويا احمد اللى انت عارفه مهندس مدنى برضه عنده 23 سنه

3- عندك كام عم وعمة ؟ كم خال وخالة ؟

7 اعمام و 5 عمات (بس الله ما شاء الله جدى كان راجل زى الفل )
وعندى خال واحد وخاله واحده

4- اسم صديق حياتك ؟ ولاي مدى ممكن تضحي عشانه ؟

هما كتير والله لانهم شله كبيره كده بس القريبين اوى
(محمد عبدالرحيم - بهاء - مصطفى ابراهيم - احمد حمدى)

5- طموحك ايه في الحياة ؟

نفسى ربنا يكون راضى عنى واكون مهندس ناجح وعندى شركه كبيره واستثمر فلوسى فى مشروعات تهم البلد واشغل ناس كتير

6- ايه اعلى مرتبة نفسك توصلها قبل ما تموت سواء علميا و سياسيا و اجتماعيا ؟

علميا: ممكن لو ربنا اراد اكمل دراسات عليا زى اخويا كده واخد الدكتوراه
سياسيا : انى اكون رئيس جمهوريه
اجتماعيا: ان اتجوز الانسانه اللى اخترتها وان ربنا يرزقنى بالذريه الصالحه وانى اكون محبوب بين كل الناس

7- تفتكر ممكن تخدم بلدك ودينك ازاي ؟

انى اشتغل باقصى طاقه عندى فى حاجه مفيده تخدم البلد واقتصاد البلد سواء كنت عامل او صاحب عمل

8- كان نفسك تكون حاجة غير مهندس ؟

كنت بفكر ادخل طب

9- لو اقسام هندسة كلها كانت موجودة في الفيوم كنت اخترت حاجة غير مدني ؟ ايه هيا ؟

لا كنت هدخل مدنى برضه

10-عندك تعليق ع شخصيتي ؟ طلعلي كل عيوبي واختصر لو فيا مميزات

العيوب : ممكن تزعل ناس منك بس بيكون قصدك هزار \ ساعات بتخيب بصوت عالى وقاصد تحرج اللى معاك \ عايش فى دور المدمر عاطفيا
مميزات : جدع جدا \ بتحب اصحابك اوى وبتحب الخير ليهم\ بتشجع اللى حواليك على الخير \ محافظ على الصلاه ومتدين وعارف ربنا \ دحيح اخر تلت اربع حاجات \ مجتهد \ مخلص فى حبك

11-ايه اكتر المواقف صعوبة اللي عدت عليك في حياتك ؟ واتصرفت ازاي ؟

لما مانشستر خسر من تشلسى
ههههههههههههههههههههههههههه
لا طبعا بس اعفينى من الاجابه

12-ايه الحاجات اللي فرحتك من بداية حياتك لحد دلوقت ؟

حاجات كتير اوى
منهم ان والدى مستمر فى ترقياته (بسم الله ما شاء الله )
وان اختى واخويا مستمرين فى الدراسات العليا وبيعدوا بتقديرات ( بسم الله ما شاء الله)
انى دخلت هندسه (بس بصراحه ده مكانش مفاجاه عشان افرح اوى بس اهو نعتبرها من الحاجات اللى فرحتنى)
ولسه بقى مستنى الفرحه الكبرى

13-والاخير : راضي عن نفسك ؟ وواقع بلدك ؟ ودينك ؟ وليه ؟

اه راضى عن نفسى
ومش راضى على واقع بلدى ولا اهل دينى
وبلاش نتكلم لحسن المنتدى يتقفل ونروح فى داهيه
ههههههههههههههههههه

احلى تحية لبووووووووود حبيب قلبي ... بعيدا عن ريال مدريد طبعا هههه
اسئلة بسيطه عشان ماخنقكش يا كبير

*ايه رايك فيا بصراحة جدا .. مميزات و عيوب ؟

*لو فيا مميزات ايه اكتر واحده فيا عجباك ؟ و لو عيوب ايه اكتر واحده تخليك مخنوق مني بسببها ؟

*ايه هي الفرحة الكبرى اللي انت مستنيها ؟ (على اساس ردك اللي فات)

*شايف الحب او الصداقه بين الولد والبنت ازاي في مرحلتنا دي ؟

*بصراحة و ماتعيشي عليا .. ايه اكتر حاجه تخلي البنت جميلة ف نظرك ؟

*مين اقرب حد ليك من أصحابنا في الكلية ؟

*ايه رايك في برشلونة كفريق و رايك فيها بالنسبة للفرق التانية ؟

*و في الآخر ... مين مطربك المفضل ؟ و ليه هو المفضل ؟

احلى تحية لبووووووووود حبيب قلبي ... بعيدا عن ريال مدريد طبعا هههه
اسئلة بسيطه عشان ماخنقكش يا كبير

اهلا بيك يا طه حبيب هارتى
ويا حبيبى انا مش بشجع الريال والله
انا منشسترااااااااااااوى للابد بس بحب كريستيانو رونالدو

*ايه رايك فيا بصراحة جدا .. مميزات و عيوب ؟

والله اللى شفته منك راجل كويس وجدع وطويل ومتدين ومسئول وبتتخنق بسرعه ده ملخص شخصيتك اللى انا استنتجتها من تعاملى البسيط معاك


*لو فيا مميزات ايه اكتر واحده فيا عجباك ؟ و لو عيوب ايه اكتر واحده تخليك مخنوق مني بسببها ؟

المميزات كتيره بس اهم حاجه انك محافظ على الصلاه وقد المسئوليه
العيب اللى انا حاسه فيك انك ممكن تكون انطوائى شويه يعنى مش بتاخد على الناس بسرعه وده مجرد احساس مش اكتر


*ايه هي الفرحة الكبرى اللي انت مستنيها ؟ (على اساس ردك اللي فات)

انى اتخرج من الكليه واخلص بقى واتجوز هههههههههه

*شايف الحب او الصداقه بين الولد والبنت ازاي في مرحلتنا دي ؟

مبدأ الصداقه انا رافضه تماما انما لو فى تعامل فى اضيق الحدود مفيش مشاكل خالص بس يكون حاجه ضروريه مش اى كلام وخلاص
بس الحب انا شايف انه عادى لو الاتنين بيحبوا بعض ويشترط انهم يكملوا مع بعض للاخر يعنى لو واحد فيهم مش حاسس بحب كامل للطرف الانى يبقى بلاش منه احسن


*بصراحة و ماتعيشي عليا .. ايه اكتر حاجه تخلي البنت جميلة ف نظرك ؟

هقولك بصراحه
كواحده تلفت انتباهى وتبقى فى نظرى واحده والسلام يبقى جمالها
انما لو واحده تبقى جميله فى نظرى لدرجه انى مش شايف غيرها يبقى حاجات كتير منهم دينها واخلاقها وجمالها

*مين اقرب حد ليك من أصحابنا في الكلية ؟

اى حد تلاقينى بكلمه كتير وماشى معاه يبقى قريب منى

*ايه رايك في برشلونة كفريق و رايك فيها بالنسبة للفرق التانية ؟

فريق جااااااااااااااااااااااحد وملوش حل ومش عارف ده هيخسر امتى؟
وبالنسبه للفرق التانيه هو اقوى فريق حاليا بس الفريق اللى كان ممكن يجاريه فى اللعب ويعمل معاه حاجه مانشستر او تشلسى انما الباقى صعب جدااااااا

*و في الآخر ... مين مطربك المفضل ؟ و ليه هو المفضل ؟

عمرو دياب
لانه بيعرف ينقى اغانيه صح ومش بيقول اى كلام
وبيعرف ازاى يجذب الجمهور للالبوم بتاعه بالاضافه لصوته اللى مفيش حد زيه

انت متشاؤم ؟ او منحوس؟ ولييييييه؟
ايه اللى عاجبك فى السلطه مع انى فى حديث عن الرسول صلى الله عليه وسلم معناه ان اللى بيطلب الاماره بتزيد عليه مشاكلها ومسؤلياتها ؟؟؟
بتعرف تفصل بين حياتك العمليه واى حاجه تانيه؟؟؟
بتعرف تخبى زعلك عن اللى قدامك؟؟؟
شايف انى اتغيرت؟؟؟؟؟؟
عايز منى حاجه؟؟؟؟
ابقى قولى فى الجامعه وبلاش فضايح
هههههههههههههههههههههه

عبدووووووووو

1- ليه دايما مش بيتحب تفرح بحاجة وصلتلها ؟؟

2- ايه الكلية اللى ممكن تدخلها برغبتك انت؟؟

3- انت مع ولا ضد فكرة الارتباط بحد فى سنك؟؟

4- تحب تكون دكتور؟؟ او حتى معيد؟؟

5- لو قالولك ان فى اسبوع تقضيه فى سبع اماكن فى العالم هتختار ايه؟؟

6- الحب بيمثلك ايه؟؟ وايه وجهة نظرك فى العلاقة بين الطرفين قبل الكلام الجد(الخطوبة)؟؟

7- لسة عندك امل ان مانشستر ياخد الدورة الرمضانية؟؟

8- فى ذمتك مش ادائى فى الملعب يؤهلنى انى العب فى فالنسيا؟؟

شكرا لعبود حبى

اهلا بيك يا نشوان للمره التانيه

انت متشاؤم ؟ او منحوس؟ ولييييييه؟

على فكره انا متفاااااااااااااائل جدااااااااااااااااااا فى جميع جوانب الحياه وحكايه منحوس دى بتبقى فى ايام معينه مش كل يوم بس المشكله انها بتيجى لما الواحد يبقى عايز الحاجه دى اوى فبتروح منه وحكايه ليه دى بقى حاجه تبع ربنا مقدرش اعترض على قضائه


ايه اللى عاجبك فى السلطه مع
انى فى حديث عن الرسول صلى الله عليه وسلم معناه ان اللى بيطلب الاماره
بتزيد عليه مشاكلها ومسؤلياتها ؟؟؟

اللى عاجبنى فى السلطه الخيار والطماطم هههههههههههههه
بس بجد طالما الواحد عنده افكار وامكانيات تؤهله انه يبقى صاحب سلطه ليه ميوظفش الافكار دى لصالح المجتمع واكيد ربنا هيعينه عليها

بتعرف تفصل بين حياتك العمليه واى حاجه تانيه؟؟؟

بكل تأكيد انا بعرف افصل بين اى حاجه وفى اى وقت لان دماغى متكلفه هههههههههههه
انت مش عارفنى ولا ايه ؟؟؟؟

بتعرف تخبى زعلك عن اللى قدامك؟؟؟

اه جداااااااااااااا وده بيحصل معايا كتير اوى وانت اكتر واحد عارف كده

شايف انى اتغيرت؟؟؟؟؟؟

لا انت زى ما انت من ساعه ما عرفتك بتتغير فى ايام كده بس بترجع زى الاول

عايز منى حاجه؟؟؟؟

ليه ما انت قاعد شويه يلا سلاحف المركب اللى تودى هههههههههه

ابقى قولى فى الجامعه وبلاش فضايح
هههههههههههههههههههههه

بس لما اشوفك اتشاهد على روحك

عبدووووووووو

نعم يا على اؤمرنى يا برنس

1- ليه دايما مش بيتحب تفرح بحاجة وصلتلها ؟؟


عشان بفكر لقدام ومش عايز ادى اى حاجه حلوه اكتر من حجمها وغالبا كده بخبى الفرحه

2- ايه الكلية اللى ممكن تدخلها برغبتك انت؟؟

هندسه برضه انا كل حاجه بعملها فى حياتى بتبقى برغبتى عمرى ما حد اجبرنى على حاجه
عندى فى البيت سايبنى اعيش واتعايش وابقى رئيس جمهوريه نفسى

3- انت مع ولا ضد فكرة الارتباط بحد فى سنك؟؟

مع
وايه المانع فى كده ؟؟؟؟ مش فاهم
ده الرسول تزوج من السيده خديجه وهى كانت اكبر منه بحوالى 15 سنه

4- تحب تكون دكتور؟؟ او حتى معيد؟؟

اطلاقا حتى لاقدر الله وبقيت معيد ( ده فى المشمش ) مش هقبل الوظيفه دى

5- لو قالولك ان فى اسبوع تقضيه فى سبع اماكن فى العالم هتختار ايه؟؟

مكه \ المدينه \ القدس \ باريس \ لندن \ ميلانو \ مدريد
طبعا كل دول بعد الفيوم (الجون وباغوص ولطف الله ....الخ) ههههههههه

6- الحب بيمثلك ايه؟؟ وايه وجهة نظرك فى العلاقة بين الطرفين قبل الكلام الجد(الخطوبة)؟؟

احساس جميل بين اتنين بيخليهم يعملوا اى حاجه للطرف الاخر من غير ما يعرف هو بيعمل كده ليه او ازاى وقبل كده دى حاجه ربنا خالقها فينا يعنى غصب عنا

انا مش بفضل انه تكون فى علاقه مبالغ فيها قبل ما يكون فى كلام رسمى ممكن يكون فى كلام بسيط كده على قد السؤال مع انه غلط دينيا بس دى حاجه غصب عن الواحد وبيبقى نيته خير وعايز يرتبط بيها ومش عايزها تطير منه
فانا شايف لو الواحد متاكد انها هتستناه يبقى يستحسن تبقى مفيش علاقه من الاساس
واعتقد ان فكرتى وصلت ولو حد مفهمش قصدى كويس يسألنى تانى

7- لسة عندك امل ان مانشستر ياخد الدورة الرمضانية؟؟

لا مفيش امل بس عندى امل يفوز بدوره بيبسى للمدارس

8- فى ذمتك مش ادائى فى الملعب يؤهلنى انى العب فى فالنسيا؟؟

ليه شايف نفسك مالك بتاع فيلم العالمى
هههههههههههههههههه
بس انت نجم من غير حاجه وادائك بيفكرنى بداء حمزاوى

شكرا لعبود حبى

العفو يا صاحبى

بسم الله
أولا اهلا بحضرتك على الكرسى
وسأل ونقووووووووووووووووووووووووول
1/ايه رأيك فى القسم بتاعنا بصراحة وايه العيوب اللى شايفها فيه وفسك انها تتغير
2/من خلال ردودى على المنتدى قول عيوبى ولو فى مميزات
3/ مين اكتر شخصية فى الكلية بتحترمها (من اعضاء هيئة التدريس)
4/ مين اكتر عضو مستفز فى المنتدى
5/ حضرتك قولت انى عضو تحس بذكائه ايه اللى خلاك تقول كده
6/ ايه الحاجة اللى بتتمناها دلوقتى
وكفايه كده

أولا اهلا بحضرتك على الكرسى

اهلا بيكى اماندا

1/ايه رأيك فى القسم بتاعنا بصراحة وايه العيوب اللى شايفها فيه وفسك انها تتغير

مدنى افضل قسم من حيث الشغل بعد التخرج ومن حيث الدراسه انا شايف انه اروق واسهل قسم
والعيوب اللى فيه ان انا بحس ان فى مواد كتير ملهاش لازمه ليا كمهندس مدنى زى الاحصا مثلا وغيرها كتير وثانيا مفيش حاجه عملى كل الدراسه نظرى الا المساحه وكمان محدش بيشتغل بضمير واولهم انا لان مكبر دماغى

2/من خلال ردودى على المنتدى قول عيوبى ولو فى مميزات

العيوب : ممكن تكونى عنيده \ ممكن تكونى بثقى فى الناس بسهوله وبتعتبرى اى حد صديقتك \ بتعرفى تخبى اللى جواكى كويس اوى ده اللى ممكن استنتجه ممكن يكون صح وممكن يكون غلط
مميزات : متدينه \ مجتهده فى الدراسه \ اجتماعيه \ طيبه

3/ مين اكتر شخصية فى الكلية بتحترمها (من اعضاء هيئة التدريس)

وائل الدهشورى ومحمد الدلجاوى ومصطفى رضوان قبل ما يمشى (دكاتره محترمين جدااااااااااا ولو احتجتهم فى اى وقت يعاملوك كويس ويكلموك بكل تواضع )

4/ مين اكتر عضو مستفز فى المنتدى

اكيد على كيمو حبيبى ههههههههههههههه


5/ حضرتك قولت انى عضو تحس بذكائه ايه اللى خلاك تقول كده

مجرد احساس مش اكتر لان السؤال بيقول عضو تحس انه زكى مقلش عضو زكى

6/ ايه الحاجة اللى بتتمناها دلوقتى

انا اخلص السنه دى على خير من جميع النواحى

لو فى اى كائن عاوز يسال عبدو بقى يسأله
قبل يوم الخميس علشان يرشح واحد الجمعة

انا ارشح بعدى ..............






















نشوان

اوك
شكرا يا عبدو
مستنى ان شاء الاسئله

والله انا شايف ان المنتدى واقف نسبيا
نخليها بعد الامتحانات
اوك؟؟؟؟

اهلا بنشوان بيه الكبير


1- عرفنا بنفسك تعريف كاااااااااامل

2- انت راضى عن نفسك دينيا ودنيويا؟

3- ايه اللى نفسك تغيره فى نفسك وايه اللى غيرته بالفعل؟؟

4- ايه اكبر حاجة غلط عملتها وندمت عليها؟؟

5- ممكن تعتذر لبنت؟؟

6- انا راضى ذمتك ايه رايك فى نكتى وفوازيرى؟؟
هههههههههههههههه


كفية لحد كدة دلوقتى عبال ما اللى ع النار يستوى

اهلا بنشوان بيه الكبير
اهلا بجنابك يا عم على وربنا يستر منك

1- عرفنا بنفسك تعريف كاااااااااامل
نشوان ايمن على احمد , مصرى , اكبر اخواتى "ولد بعدى وبعديه بنتين" ,اهلاوى بس مش متعصب خالص , قلبى طيب وحنين ههههههه , بحب اصحابى جدا وبنسى همومى معاهم وبفرح لفرحهم وبزعل لزعلهم , بغلط كتير فى حق اصحابى لانى ديما مقصر فى السؤال عنهم , هواياتى القراءه بس بقالى كتير مهملها بسبب الكليه و الكتابه و الفرجه على الافلام الخيال العلمى واحيانا الهندى , اكتر شيء بيعصبنى فى الوجود "بعد ان حد يغلط فى صاحبى" هو انى اى انسان يسئ الظن بيا لأى سبب , احيانا صداقاتى الكتيره بتوقعنى فى مشاكل وفى ناس ... بس الحمدلله , بحس انى دماغى مختلفه عن معظم اصحابى اللى شايفين انى بكبر من الامور اوى ,
2- انت راضى عن نفسك دينيا ودنيويا؟
لأ خالص , لا دينا ولا دنيويا , لانى مقصر فى حق ربنا كتير الصلاه كتير متأخره ومفيش قرءان ادعولى ربنا يهدينى , اما الدنيا فشل دراسى بسبب الاهمال المتواصل بالاضافه للطبيعى وهو الدمار النفسى ههههههههههه
3- ايه اللى نفسك تغيره فى نفسك وايه اللى غيرته بالفعل؟؟
اللى غيرته هو اسلوب حياتى القديم وان كنت احيانا كتير بضعف وببقى هرجع تانى , اصلى اشتقتله هههههههههههه , واللى لسه مش غيرته انى امنع الكذب نهائيا من على لسانى ولاى سبب وقدام اى حد وانى افوق من اللى انا فيه ده
4- ايه اكبر حاجة غلط عملتها وندمت عليها؟؟
غلطاتى كتير , بس اكترهم انى اديت لناس الاولويه فى حياتى وانا كنت بالنسبالهم هم عالقلب
5- ممكن تعتذر لبنت؟؟
اه طبعا , الغلط مبيعترفش بولد وبنت مدام غلطت فى حق اللى قدامى يبقى لازم اعتذر , وفعلا انا من فتره اعتذرت لزميله فى الدفعه بسبب غلطه عملتها والموضوع عادى جدا
6- انا راضى ذمتك ايه رايك فى نكتى وفوازيرى؟؟
هههههههههههههههه

بص يا على , انت صاحبى اه , حبيبى اوك , لكن طول ما النكت دى على لسانك اكيد هنخسر بعض , يانا يا النكت يا عمر ...
كفية لحد كدة دلوقتى عبال ما اللى ع النار يستوى
ما تخليك لسه معملتش الواجب هههههههههههههه

نشوان بيك ازاى اخباراتك ؟؟؟

1- ايه اكتر حاجه كارهها فى الكليه ؟؟
2-ايه الشئ اللى يخليك ممكن تخسر واحد صاحبك؟
3-اوصف نفسك باربع صفات ؟؟
4-ايه مميزاتى اللى انت شايفها وايه بقى عيوبى ؟؟
5-مين من اصحابك فى الكليه اللى بتستريح لما بتتكلم معاهم ؟؟ حدد اسماء معينه
6-لو لقيت بنت الحلال اللى ترضى بيك ممكن ترتبط بيها امتى ؟؟
7-ايه الحاجه اللى تخليك تتشد لبنت معينه ؟؟

كفايه كده

نشوان بيك ازاى اخباراتك ؟؟؟
اهلا عبدو بك الزعيم , تمام الحمدلله زى اهراماتى
1- ايه اكتر حاجه كارهها فى الكليه ؟؟
بجد الهزار اللى بيكون مش فى وقته بيبقى صعب , وكمان كاره انى اشوف ناس معينين امثال هببو وبوجى واللى انت عارفه ,وبكره الكليه احيانا لما بتفكرنى بانى مقصر ومنفض للدنيا
2-ايه الشئ اللى يخليك ممكن تخسر واحد صاحبك؟
انه يعمل حاجه تبينلى انى مش صاحبه خالص ,لكن مثلا يتكلم عليا وحش من ورايا , يغلط فى حقى وهو عارف انى هزعل او اى حاجه من الحاجات اللى بتزعل اى بنى ادم طبيعي ساعتها هزعل جامد اوى منه لكن مش هخسره زى الحاله الاولى
3-اوصف نفسك باربع صفات ؟؟
اربع صفات , المفروض ده من عليا انا , بحب اصحابى وغالبا مهموم واحيانا عصبى ورومانسى يا فضولى هههههههههههههههههه
4-ايه مميزاتى اللى انت شايفها وايه بقى عيوبى ؟؟
مميزاتك معروفه , يعنى الواحد ممكن يعتمد عليك ولو احتاجك هيلاقيك ولو بايدك تخدم بتخدم واحيانا عاقل للغايه واحيانا تانيه بتكون المحرك الرئيسى للهيافه ههههههههههه
اما العيوب اللى انا شايفها , اولا احيانا معاملتك بتخليك تخسر ناس كاصدقاء وتخليهم يعتبروك مجرد زميل وانت الخسران لأن الصاحب الحقيقى الكل بيدور عليه مهما كان عنده اصحاب , احيانا بتبقى متشاؤم هههههههههه لا بتفكر غلط وبتفسر الامور على مزاجك بس مش زى كل الناس لا انت بتفسرها للاسوأ ,التنفيض معظم الناس بتقول انك بتنفض كتير بس للامانه مش فاكر انك عملتها معايا ولو انى شاكك ههههههههههههههههه
كتير بحس انك ممكن تيجى على حد علشان حد تانى ولو ان الاتين المفروض اصحاب , وده معناه حاجه من اتنين يا اما انت مش معتبر اللى بتيجى عليه صاحبك وده غلط لانك لازم تبقى مبين , او انك الصحوبيه بتغمى عنيك عن الصح والغلط مع انك لو وقفت مع صاحبك فى الغلط انت كده بتضره وبتضر نفسك , بتضره بأنك مش نصحته ولا عرفته غلطه , وبتضر نفسك بأن منظرك بيتهز قدام بعض الناس
كفايه كده الكلام اللى جى مينفعش يبقى هنا
5-مين من اصحابك فى الكليه اللى بتستريح لما بتتكلم معاهم ؟؟ حدد اسماء معينه
{اتش وابو صلاح وانت وابوطارق } والباقى يا اما زى محمد سيد وعلى وسيسى ودوحه مبتكلمش معاهم لانهم مش فاضيين ديما مشغولين محمد سيد وعلى بيرخموا على خلق الله وسيسى قاعد ينق عالرايح والجاى هههههههههه لا بس مش بتيجى فرصه
6-لو لقيت بنت الحلال اللى ترضى بيك ممكن ترتبط بيها امتى ؟؟
يعنى ايه اللى ترضى بيا , هو مش مهم انى اكون راضى انا كمان ولا انا فى العبر ومش من حقى اختار , عموما لو انا خلصت الدراسه وكان فى حد فى حياتى يبقى بعد الدراسه بـ 3 سنين على الاقل ممكن يكون فى شبكه ,اما بقى لو مفيش فانا هأجل الموضوع ده لسن 30 سنه وده اغلب الظن
7-ايه الحاجه اللى تخليك تتشد لبنت معينه ؟؟
اولا التدين لأنى محتاج حد يقربنى من ربنا اكتر ولا ايه , بعد كده الشخصيه القويه "مش المغروره لانى بكره الغرور جدا" وبعد كده الدماغ تكون ناضجه مخها كبير بس طبعا مش منفضه للدنيا , وفى الاخر الشكل يكون مقبول
كفايه كده
ما لسه بدرى خليك قاعد
هههههههههههههههههههههههه
اسف على التاخير فى الرد