قصه مختلفه شويه

البدايه:
مش فاكر اى حاجه قبل ما اقابلها, كل اللى فاكره ان اليوم بيعدى ومفيش فرق بينه وبين اللى قبله ولا حتى اللى بعده , كل حاجه شبه التانيه ملل اقوى من ملل المسلسلات التركى , ده اقوى من ملل قنوات ميلودى ذات نفسها.
بالرغم من صله القرابه , الا انى مكنش ليا تعامل مع حد , اصلا شباب العيله مش داخل فيهم , يبقى اكيد معرفش اصلا بنات العيله , المهم مره شوفتها عادى فى طريقى وعجبتنى , بس طبعا مش اخدت فى بالى لانى عارف انى غريب عن المكان ومفيش اى معنى لانى افكر فيها , كلها يوم او اتنين بالكتير و اروح بيتنا.
بس دى مكنتش الحقيقه , لان الفرح اللى انا كنت جى احضره شوفتها فيه ومش بس كده , لا دى طلعت احدى فتيات العائله الكريمه كمااااان , سيدى يا سيدى والله ولعبت معاك يا معلم "طبعا ده هبل لانها لا لعبت معايا ولا نيله" .
المهم كلها ساعه ولا حاجه وبدأت انتشر فى العيله زى الانفلونزا "العاديه طبعا ههههه " , كل ده علشان خاطر عيون الجميل واقول لنفسى اكيد وانا واقف مع ده هتكلمه او هيكلمها , لكن ولا الهوا ده انا حتى شكيت انهم عاملين مشاكل مع العيله علشان كده محدش بيتكلم معاها.
اخر ما جبت اخرى وعملت البدع قولت يا واد خليك ناصح وكفايه تعب , دى شكلها مشفره يا عم الحج , وعلشان تسلم بس عليها وتعرف اسمها او تقربلك ايه , اللهم انك ممكن تتشل على رأى احمد حلمى فى فيلم "ظرف طارق" , بالمناسبه فليم حلو ادخلو شوفوه فالسينما هههههه .. بهزر .. انا من عصركم مش من العصر الحجرى , المهم قعدت على اول كرسى قابلته وقولت انفد بجلدى علشان اروح بيتنا سليم ومش لازم اتعرف عليها هو انا هتجوزها , طب وفيها ايه لما اتجوزها هو حرام , صلى على النبى يا عم الحج جواز مين بلا نيله.
ايه داااااااااااااااا معقووووووووووول دى هيا !!!!! , الله ما هى بتتكلم اهى زى الناس , مش خارسه يعنى ايه ده ؟؟ دى واقفه مع الواد (...) قريبى , اما اروح اعمل اى مشهد من المشاهد اللى الرجاله بيحكولى عليها , ظبت نفسى ونفس عميق , وحلفت جوه سرى انى لازم اروح اتكلم وهى موجوده علشان اتأكد ان مفيش حركات جبن منى , اصل انا عارفنى اوى.هههههه
المهم دخلت على الريس وطبعا هو ريس كفايه انه بيتكلم معاها ,
انا: ايه يا معلم , مش ناوى تروح ولا ايه؟؟؟؟ "طبعا تجاهلتها علشان انا شاب تقيل"
هو: اروح ايه يا قمر؟؟؟ انا مش ورايا لا غسيل ولا طبيخ ... انت وراك حاجه ولا فى "لوك لوك" فى التيلفون وكلام من اللى بيدوب يا شقى
انا: لا يا عم والله "الله يحرقك هتبوظ كل حاجه مرتبلها "
كل الحكايه انى فصلت انت عارف السفر وكمان النهارده عمال اتعرف على ده وده ودى علشان العيله الوارمه بتاعتنا محسش انى لسه غريب فيها.
هو: ممممم ... سلامتك يا كبير.
بالسلامه
انا "فى سرى" : يابن التيت بقى بتحلقلى يا واطى , وانتى اتخرستى مفيش اى كلمه ماشى انا الغلطان.. سريرى اولى بيا .
هى: هو انت من العيله ؟؟؟ سورى اصل انا اول مره اشوفك " ومعالم وشها بتوحى انها مستنيه منى رد"
انا رديت فوريره : اه والمصحف الشريف من العيله. وشكرا على كده مفيش كلمه راضيه تطلع منى .
هى ضحكت طبعا على ردى وهو كمان ابن التيت عاش الدور وقعد يمرح مرح ولا مرح بسام الجندى وعلى كمال.
ومكنش ينفع للأسف اقعد لانى من شويه كنت هموت من التعب , روح بقى يا خفيف علشان السرير اولى بيك مش كده يا فقر "طبعا بكلم نفسى"
وادينى سهران والسرير اتخنق منى من كتر ما عمال اتقلب عليه لا راضى انام ولا راضى اقوم واقعد فى الصاله.
وانتهى اليوم الاول بحمد الله..........*

هي دي يومياتك يعني ولا ايه ياد
بس أنا زعلان منك أنا مش موجود ليه أنا مش كنت معاك في الفرح ده ههههههههههههههه

جااااااااااااااااامد ياباشا

مستني بقية الايام

ههههههههههه
ياريتك كنت معايا يا اتش
بس دى مش يومياتى ولا حاجه
بس انا مش بعرف اكتب حاجه غير لما اكون انا بطلها الخيالى
ههههههههههههههه
ومتخافوش كلها كام يوم ونخلص
ماشى يا ابو طارق؟؟؟

جامده يا نشو
وابقى اكتب بقى مغامراتى انا هههههههههههههه

تانى يوم:
"اصحى ... قوووووووووم ... انت مش ناوى تفطر ولا ايه يا كبير "
فتحت عينيا ولاقيت اللذيذ بتاع امبارح "انت تانى يا ابن التيت , انت مالك باللى جايبنى يا عم"
انا : نعم .. فى حاجه
هو : لو فضلت تسأل مش هيبقى فى حاجه علشان تاكلها انت ناسى ان الرجاله
كلهم شباب ومفيش كسوف . انا بلغتك اما اروح الحقلى سندوتش يا عم...
انا: يابن التيت ده انت ندل اخر 3 حاجات "فى سرى طبعا"
قومت وغسلت وشى واتوضيت وصليت الصبح والضهر اللى فات من ساعه , ونزلت
وطبعا كما توقعت الفرح كان شطب ,سملت عليهم وقولتلهم انا نازل اشترى حاجه .
ونزلت الشارع وماشى اشوط فى الطوب بتاع الارض, ومش باصص قدامى وكنت هلبس
فى عمود نور انما ايه عجب, بعدها قولت بلاش هبل وامشى زى باقى البنى آدمين
,ودخلت المحل بتاع الاكل المفضل , محل "خد اواى" بيبيع فول وطعميه وكلام
كده معرفش اسمه , المهم بكل ملل الدنيا روحت للراجل وقولته واحد طعميه و
واحد بطاطس.
وانا واقف مستنى استلم الاوردر ,لاقيت الحاجه هنا "امها هو مش امى انا" .
وسلمت عليا واشتغلت رغى وانا مضطر اسمعها بس علشان خاطر بنتها اللى زى
القمر , وقولت لو بتها رغايه كده يبقى فى 60 الف سلامه.
هى: انت ملحقتش تاكل معاهم ولا ايه؟
انا: لا يا طنط ,اصل انا مش باكل الاكل اللى جابوه.
هى: انت هتتكسف منى يا واد , منا عارفاهم بس هما لازم يعملوا معاك كده علشان تاخد عليهم اكتر , انتو اخوات وملكمش غير بعض.
انا :ههههه ,اكيد طبعا بس الحق يتقال , انا اللى صحيت متأخر وعادى بقى حظى هفطر لوحدى"واد ماشى يا ستى مقبوله منك".
هى: لوحدك ليه تعالى افطر معايا , انت شكلك زى (...) ما هى لسه صاحيه بردو
زى حالاتك ,تعالى ولا مسكوف احنا معندناش رجاله تتكسف انا زى والدتك.
انا : "يااااااااهووووووووووو " شكرا يا طنط , الف هنا وشفا انا ....
هى: انت هتيجى معايا يعنى هتيجى معايا , يلا " ومسكتنى من ايدى وكانى فعلا واد صغير" .
و5 دقايق وكنت فى زى الباراشوت , قاعد معاهم بفطر , اقصد ببصلها ومش عارف
اقول كلمتين على بعض , كانت حالتى بالبلا الازرق , بطه بلدى قاعده على
السفره ,بس شويه شويه واخدت عليها وعرفت طبعا انها تجهل مكان المطبخ لان
والدتها اللى عملت الشاى وهى اللى حضرت الفطار ,وسألتنى عن اصحابى واتكلمت
عن حياتى وكده وهى كمان اتكلمت عن حياتها واحلى حاجه انى وانا ماشى قالتلى
"طيب احنا لينا قعده تانيه ,بس من غير كسوف احنا خلاص بقينا اصحاب ولا
ايه؟؟"
قولتلها طبعا انتى بتقولى ايه .
وكان احلى فطار بالرغم من انى مش اكلت حاجه تذكر .
المهم روحت البيت ولاقيت الشباب مولعين الدنيا هزار وضحك , بجد ولا
الاطفال وانا طبعا بحب الهزار مش للدرجه دى , واشتغلوا عليا شويه وكنت
مضايق فالبدايه , بس كلها ساعه او اقل وبقيت شغال معاهم اشطه ولا كأنى
متربى معاهم.
بالليل اتقسمنا قسمين , جروب خرج يقضيها على الكورنيش وو سط البلد والذى
منه والجروب التانى "اللى انا اهم فرد فيه" مش رضى يخرج , بس هما كانو
تعبانين لانهم مش نامو من ليله امبارح تقريبا , اما انا فالملل صديقى وكنت
عايز اقعد شويه افكر فى الكلام اللى دار بينى وبينها.
وبعد فتره كبيره من الرغى الصامت استسلمت للنوم . ورحت اكل رز بلبن مع الملايكه
...................................................

nice idea

لخص ياعم الامور وانجز

على فكرة فكرة جامدة

شكرا صلاح
وزه حبيب هارتى

تالت يوم صحيت لوحدى وصليت ونزلت جبت معاهم الاكل وبدأت اتصرف كانى عايش معاهم من سنين , وفطرنا واليوم كان ماشى تمام الحمدلله , وبدأت اتقرب للخفيف (.....) واتكلمت معاه شويه بعيد عن الهزار وعرفت انه بنى آدم زينا يعنى بيعرف يتكلم جد , ويعتمد عليه وتقريبا بقينا اصحاب وبالمناسبه اسمه "احمد" , احمد كان بيتكلم كتير وبيحيكى عن حاجات خاصه فى حياته بعكسى انا اللى كنت مستمع فى اغلب الاحيان , اتكلمنا لوقت كبير وعلى المغرب كده قالى انه خارج والح عليا علشان اخرج معاه , بس انا ولا الهوا معرفش ليه معتز بمكانى فى البيت.
خرج هو وانا قعدت لوحدى "اصلا انا ممل اخر حاجه" المهم من التليفزيون للــ نجوم اف ام ,وعمال استفقد المكان ومكملتش ساعتين , وسمعتُ البابَ يدقُ "حلو العربى ده" ام هند , فتحت الباب وبقول : ادخل يا بنى آدم ,عايز الحق الفيلم و......
تنحت طبعا لانى اللى على الباب حد مش من شله الانس , دى كانت طنط ومعاها بنتها (مى) "حلو اسم مى مش كده بردو؟؟" , احم احم انا اسف افتكرتكم حد من العيال ... اقصد احمد يعنى ولا اى حد ,
طنط: واضح انهم بهتوا عليك , بس كده احسن بدأت تتصرف زى شباب العيله
مى: ايه احنا مش هندخل ولا ايه؟ اوعى يا عم كده خلينا نعرف ندخل
انا: اه طبعا .. ده انا اللى هخرج بره كمان
دخلوا وقعدوا شويه , طنط كانت جايه علشان تقعد معانا شويه وقالت انها بالخصوص جايه تقعد معايا لانها من زمان مش شافتنى , وطبعا ذكرتنى باللذى مضى , انت كنت بتعمل كده وانت صغير وكنت شقى والكلام اياه ,ومى مستمتعه اوى بكل البلاوى اللى كنت بعملها وكأنها كانت ملاك وهى صغيره , بس الصراحه هى ملاك دلوقتى واكيد كانت ملاك وهى صغيره, وانا طبعا زى الاطفال قولتلها احكيلى بقى يا طنط عن اللى كانت بتعمله مى وهى صغيره , مى طبعا رفضت فى الاول بدلع زى اى بنت ,بس طنط الصراحه ما صدقت وفضلت تقول على مواقف وانا عمال اضحك عالفاضى قبل المليان.
بعد شويه انا طبعا عملتلهم احلى واجب شاى , وعلشان عجبهم اوى , لما حبيت اعملهم تانى طنط حلفت انها هى اللى تعمل ,وقعدنا نتفرج على فيلم وشويه ومى جالها تليفون ولما خلصت فهمت ان فى حاجه جهزت وهى هتروح تجيبها , طبعا كانت فرصتى انى انزل معاها ,
سألتها : انتى نازله تجيبى حاجه ...؟؟؟
ردت : اه .. طلبات كده
طب : اجى معاكى .. ميصحش الدنيا ليل و كمان اساعدك اشيل معاكى.
مى : ياريت والله "ايه ده على طول كده ما صدقت "
طنط : متتأخروش .. وطبعا مفيش حاجه اسمها عديت على صاحبتى والكلام ده , فاهمه يا ست مى
مى: ايوه طبعا يا ماما , هو انا اقدر اعمل حاجه تزعلك
كنت انا لبست وجيت فى المشهد ده , ويلا بقى علشان نلحق
قولتلها: يلا انتى اللى مأخرانا
فى الحقيقه انا بجد اول مره اشوف كده , انا ماشى ساكت وهى اللى عماله تفتح وتقفل فى كلام وحاسس كأنى متقمص دور البنت وهى واخده دور الولد , وعماله تقول وتحكى طول الطريق ,كلام عادى بس اتفتح موضوع كده عن شاب حاول يرتبط بيها وقعدت تشكر فيه وتقول انه شخص كويس وكلام كده , لحد ما انا قولتلها : يعنى بتحبيه و لا لأ؟
سكتت وبعدين ردت: وانت مالك منفعل كده ليه ؟؟؟

قصه حلوة
ياريت تكمل

احم احم

هااااااااااااا

وبعدين ؟

بجد عجبتكم
كويس والله
ان شاء انزل الباقى
وشكرا على الردود قصه مختلفه شويه Icon_biggrin

فى الحقيقه انا بجد اول مره اشوف كده , انا ماشى ساكت وهى اللى عماله تفتح وتقفل فى كلام وحاسس كأنى متقمص دور البنت وهى واخده دور الولد , وعماله تقول وتحكى طول الطريق ,كلام عادى بس اتفتح موضوع كده عن شاب حاول يرتبط بيها وقعدت تشكر فيه وتقول انه شخص كويس وكلام كده , لحد ما انا قولتلها : يعنى بتحبيه و لا لأ؟
سكتت وبعدين ردت: وانت مالك منفعل كده ليه ؟؟؟
قولتلها: انا مش منفعل ولا حاجه عادى يعنى . اصلا ...
قالتلى : لا مش بحبه ... انت مش عايز تتكلم معايا ولا ايه؟؟؟
قولتلها : ليه بتقولى كده؟؟
قالتلى : احنا من ساعة ما خرجنا من البيت وانا اللى عماله اتكلم وواضح ان مواضيعى مش بتعجبك , وبما انك مش بتتكلم يبقى شكلك مش عايز تتكلم .. قول عادى مش هزعل
قولتلها : لا والله ابدا .... ده انا حتى مستمتع جدا بكلامك وبطريقتك ... بصراحه اسلوبك مختلف اوى .. انا عمرى ما شوفت حد زيك
رفعت حاجبها وقالتلى: بجد !!!
طيب اقولك انا مختلفه فى ايه ... بتكلم اكتر ما بسمع .. اخدت عليك بسرعه .... شغاله هزار ومش بفصل .... اكملك؟؟؟
قولتلها : لا كفايه حلو اوى كده .
قالتلى : وده شيء وحش ولا حلو فى رأيك؟؟
قولتلها على طول: مفيش حاجه فيكى وحشه .....وشديت سيلنت
قالتلى : ايه سكت ليه؟؟؟ المفروض انا اللى اتكسف مش انت هههههههههههه
ضحكت ورديت : انا مش مكسوف ولا حاجه.
قالتلتى: بااااااااااااين عليك
حاولت اغير الموضوع : وانا بقى مختلف فى نظرك ولا زى كل الباقى ؟؟؟
قالتلى : انت مختلف اووووووووووووى , انا مشفتش حد عايش زيك كده
بحس انك تقليدى شويه حتى فى علاقاتك... كل شيء لازم ياخد وقته معاك ... زى كده لما شوفنا بعض اول مره كان مستحيل انك تتكلم معايا زى النهارده ... لانه ببساطه دى اول مقابله لينا وميصحش كده ,,, مظبوط كلامى؟؟
قولتلها : اه كملى
قالتلى : بصراحه يعنى انت شخص لقطه .....
قولتلها : ازاى يعنى ؟؟
قالتلى : يعنى باين عليك غلبان وصريح وكمان احلى حاجه فيك انك بتتكسف
قولتلها : انا؟!!! بتكسف
قالتلى: اه بتتكسف اومال مين الى وشه احمر من شويه لما كلمه فلتت منه .. وكمان انت اوشك احمر لما قولت عليك لقطه هههههههه
قولتلها : الله اعلم .. يمكن اكون بتكسف وانا مش واخد بالى.
سكتنا شويه , وانا عمال افكر "هو انا فعلا زعلت لما هى اتكلمت عن الشخص ده ؟" , "ليه مكونش زيها واتعامل بطبيعتى" بس هى مش سابتنى لافكارى
هى: ايه اللى واخد عقلك ..؟؟؟
قولتلها: مفيش حاجه والله معاكى
قالتلى : طبعا معايا ,, هو انت تقدر تفكر فى حد غيرى
بصيتلها باستغراب وكان باين عليها بتتكلم جد مش هزار زى العاده, عملت نفسى ماخدتش بالى من الكلمه ,
هى: انت عمرك ما .....؟
قولتها : ما ايه ... قولى ولا انتى بقيتى بتتكسفى؟
قالتلى: طبعا بتكسف هو انا مش وش كسوف ولا ايه؟؟؟
قولتلها : العفو .. قولى يا وش الكسوف
قالتلى : انت عمرك ما حبيت او اعجبت بحد يعنى الكلام ده
قولتلها: بصراحه اكتر من اعجاب لأ
قالتلى: ها .. كمل ولما قولتلها كان ايه رد فعلها؟؟؟
قولتلها: قولتلها ايه ؟؟؟ انا مش قولت ليها اى حاجه

قالتلى : هو عيب يعنى ... انت مالك زعلت .. عادى المفروض انك لما تحس بحاجه ناحيه شخص .. من حقه عليك انه يعرف شعورك , زى ما بتيجى تقول لحد انا زعلان منك ... انت واحشنى ... اكيد عادى انك تقوله انا معجب بيك
قولتلها: مممممممم .. ممكن يكون معاكى حق .. بس انا مش بعمل كده خالص , خصوصا انا معرفش حاجه عن حياتها , ممكن تكون معجبه او بتحب حد واعترافى ده ممكن يبوظ الدنيا , وبعدين سيبك من الموضوع ده
قالتلى: ليه بتتكسف ؟؟!!!!
قولتلها: بجد انتى زودتيها , ايه بتكسف دى الكسوف مش ليا انا , ده للبنات ولا انتى شايفه غير كده
قالتلى : انا كنت بهزر معاك , بس واضح انى زودتها , اسفه جدا
حسيت انى اتعصبت عالفاضى وانى كنت رخم
قولتلها: لا ابدا , انا اللى اسف معلش , اصلا انا اللى عصبى وبعمل من الحبه قبه , متزعليش منى
قالتلى : خلاص قبلناه ,بس قولى بقى مين بقى الاخت اللى كعبلتك؟؟؟؟
قولتلها : كعبلتنى!!!!
قالتلى : يوه اقصد البنت اللى حضرتك اعجبت بيها
تنحت شويه , انا كان قصدى عليها هى , مش هينفع اتكلم واقولها حاجه , اكدب عليها واقول كلام وخلاص , لأ انا هحاول اخرج منها
قالتلى: مالك هو السؤال صعب للدرجه؟؟؟
قولتلها : مش صعب ولا حاجه , بس ...
قالتلى: بس ايه؟؟؟
قولتلها: ممكن تعفينى من الاجابه ؟؟؟
قالتلى : ليه ؟؟ هى الاجابه صعبه؟؟
قولتلها : لأ مش صعبه .. بس بلاش
قالتلى : اوك براحتك .. تلاقيك خايق لحسن تكون مرتبطه وكلامك ممكن يلخبط حياتها ويبوظ الدنيا
قولتلها : بالظبط كده و ...... تقصدى ايه يا مى بالكلام ده؟؟؟
قالتلى : ممكن تعفينى من الاجابه !!!!!
مش عارف عينيها فى عينى وكأنها بتقولى انا عارفه انت تقصد مين , بصيت قدامى وسكت
فضلنا ساكتين شويه وانا عمال افكر وحاسس انى غبى اوى , مكنش لازم اسمح اننا نتكلم فى حاجه زى دى ,وافتكرت اننا المفروض رايحين نجيب طلب
سألتها: هو المكان اللى احنا رايحينه بعيد , احنا بقالنا اكتر من ساعتين ,
ضحكت اوى وقالتلى : انت لسه فاكر
قولتلها : فاكر ايه ؟؟؟ هو احنا فين دلوقتى
قالتلى: اصل بصراحه التليفون اللى جالى قالولى فيه ان الحاجه هتجهز بعد ساعتين ساعتين ونص كده , فأحنا يادوب دلوقتى نروح ناخد الطلبات , وممكن نقعد هناك كمان شويه لجد ما يجهزوهم
قولتلها : طيب ليه نزلتى بدرى , كنت قعدتى الساعتين دول فى البيت , كده ممكن والدتك تقلق عليكى
قالتلى : وحضرتك بتعمل معايا ايه ؟؟ ثم انى بعتلها رساله واحنا ماشيين .
سكتت , وبعد عشر دقايق تقريبا , وصلنا المكان , واخدنا الحاجه وروحنا البيت , وطبعا هى قعدت تهزر مع والدتها علشان ميحصلش قفش بينهم , وانا اتاسفت اليوم عدى على خير , بس قبل ما يمشوا ,مى عملت حاجه غريبه
قالتلى : تخرج بكره ؟؟؟
قولتلها : اوك .. ماشى , اهو احسن من قعدت البيت يا ختى
قالتلى : طيب هبقى ابلغك بالميعاد ... استنى ابغلك ازاى؟
هات رقم تليفونك ؟؟
قولتلها : رقمى ؟؟؟
قالتلى : اه انت مش حافظه ولا ايه ؟؟
قولتلها : لا حافظه , اخدت منى الرقم وقالتلى سلام يا عم المكسوف , وضحكت ومشيت
"هى اللى بتاخد رقم تليفونى , شكلها كده هتيجى فى يوم وتقلولى حددلى ميعاد مع بابا "

ههههههههههههههههه
تحفه والله البت مى دى
هى الآيه اتقلبت ولا ايه
هههههههههههههههه

لا لسه
بس دى كده فى المعقول بردو فى الانيل
ربنا يستر

في فعلا كده ؟!

انا حاسس انه خيال علمي

يلا شد حيلك يا نشوان و كمل قصتك

جميلة جدا

ههههههههههههههههههههههههههههههههههههههههههههههههههههههههههههههههههههههههههههههههههههه

تحفة والله

بجد انت فنااااااااااااااااان

شكرااااااااااااااااااااااااااااااااااااااا بجد على التشجيع
وبجد يا محمد فى بنات اجارك الله وفى شباب الغلب كله زى كده قصه مختلفه شويه Icon_neutral

بس كل واحد وتربيته والبيئه اللى طلع فيها
ولا ايه؟؟؟
ان شاء الله هكملها قبل ما انضرب
وشكرا على ردك يا برنسس
وم / امندا

طب يلا فين الجديد

طبعا شلة الأنس وصلت بعدهم , والليله بدأت ومقدرتش اخلص من الهزار واقعد فى حالى , طبعا الواحد علشان يأمن هزارهم لازم يهزر معاهم , وهكذا حتى اقترب اذان الفجر , وطبعا كله نام الا انا قولت فرصه استنى لحد الفجر , وبالمره قعدت افتكر الكلام بتاعنا , انا منكرش انى اتشديت ليها من اول ما شوفتها , بس مكنتش اتصور ان ممكن يحصل كده , وبعدين كلامها غريب وطريقتها اغرب , بجد كل حاجه غريبه وانا مش عارف اعمل معاها ايه , الموقف ممكن يتكرر ومينفعش ان يكون ردى نفس الرد , وربنا يستر على حكايه النمره دى , "الله اكبر .... الله اكبر " , قومت صليت وبعدين سافرت فى النوم.
نكمل الغرابه , محدش صحانى على غير المعتاد وانا قومت براحتى لأول مره , غسلت وشى واتوضيت وصليت الظهر ونزلت اشوف الرجاله , بس كان واضح انهم تقلوا امبارح فى السهر علشان كده كله فى سابع نومه, وكانت فرصتى فى انى اخد حقى منهم واغلس عليهم , وافتح الشبابيك وشغل اى حاجه تعمل دوشه والرجاله قاموا وهما يا عينى مش شايفين قدامهم , شويه وفطرنا وبدأ كل واحد يومه وانا كالعاده يومى بعيد عنهم , بس كان فى ماتش قعدت اتفرج عليه معاهم وجه وقت العصر , صليت ودخلتى الأوضه وقعدت العب فى الموبايل شويه , وبعدين حصل اللى انا متوقعه مى اتصلت مردتش ارد من اول مره.
انا: السلام عليكم
مى: وعليكم السلام , يابنى مش بترد عليه ليه هو انت كنت نايم ولا ايه؟
انا : لا مكنتش نايم ولا حاجه
مى : امال مش عايز ترد عليا ليه
انا:لا ابدا اصلى مش برد من اول مره
مى: يا سلام .... عموما انا بتصل علشان اقولك انت خارج ولا ايه نظامك؟؟
انا : اه ان شاء الله ... بس هخرج فين وبعدين مع مين؟؟؟
مى : معايا يابنى انت مالك مش مركز ليه؟؟
انا : مش قصدى ... اقصد ان اكيد فى حد من اصحابك ولا من العيله جى معاكى وانا مش عايز ابقى برخم عليكم و .....
مى: والله .... يابنى مفيش غيرك وانا وصاحبتى مروه وبس ...
انا : طب لحسن مروه دى تزعل ولا حاجه وابقى برخم عليها و ...
مى : تزعل!!! يارب انت بس اللى مش تزعل وهى مترخمش عليك
انا : ههههههه طيب خلاص اوك , امتى ؟
مى : مش عارفه بالظبط , بس غالبا على الساعه 7 هعدى عليك وبعدين نقابلها
انا : اوك اتفقنا
مى : يلا باى , متنساش تجهز قبل ما اجى
انا : لا مش هنسى سلام
مى : باى باى
بعد ما قفلت بشويه لاقيت احمد داخلى وبيقولى: مالك واخدلك جنب كده , فى حد مزعلك ولا ايه ؟
قولتله: لا ابدا والله بس فى موضوع كده عايز اتكلم معاك فيه .
احمد : قول ياريس يلا
انا: فاكر ساعة الفرح و ........... قلتله على كل حاجه بس من غير تفاصيل
انا: ايه رأيك بقى فى اللى حصل؟؟؟
احمد : بص انا اعرف مى من واحنا 5 سنين ويمكن اقل , هى زى الطفله فى احيان كتير , فانت متعلقش نفسك بحاجه انت مش متاكد منها اصلا , شوف انت بجد معجب ولا بتحبها , بعدين الرد يكون منها هى مش منى انا , ده رأيى
قولتله: بس انا مينفعش اتكلم معاها فى حاجه زى دى , اصلا دى ممكن تكون فى حد فى حياتها
قاللى : يمكن بس اللى اعرفه ان مفيش
قولتله: ماشى يا ابو حميد , صدعتك عالفاضى
احمد : بس يا واد ,احنا اخوات ولا نسيت ههههههههههههه
وسابنى ومشى , انا قررت ان لو الموضوع ده اتفتح تانى معاها , هتكلم فيه بصراحه وبجرأه اكتر.

كمل كمل

بس فيه سؤال برئ

هو بطلنا ده واحمد والشلة اللي في الشقة ايه نظامهم ؟!

ليه مش قاعدين مع عائلاتهم

يعني كل واحد قاعد مع ابوه وامه في بيتهم

ايه سبب اللمة دي من ساعتها من بعد الفرح ؟!

» فتاه مختلفه