كرسى الاعتراف

تذكير بمساهمة فاتح الموضوع :

الموضوع اسمه كرسى الاعترااف



ايه فكره الموضوع ..


فكره الموضوع ان كل فتره هيكون فى ضيف على كرسى الاعترااف .



وباقى الاعضاء كل واحد فيهم يساله كل الاسئله اللى كانو يتمنو او يحبو يعرفو اجابتها منه

على سبيل المثال

يعرفنا بشخصيته ... هوايته .. حكمه مفضله ليه ومؤمن بيها اوى

حكمه مشهوره هو معارض عليهاا .. ورده معاه يهديها لمين فى المنتدى

يتمنى ايه لمنتدى اصحابنا .. وكده مثلا ..

وأى اسئله تانيه ..
وبعد كده يختار عضو يجي يقعد علي الكرسي ..علشان يتسأل ..
ويبعتله رسالة علشان العضو يعرف إن قعد علي الكرسي .


اتمنى الموضوع يكون لذيذ ويعجبكو وتوافقو عليه ...

وعلى فكره الموضوع ده والله بشوف فى باقى المنتديات الردود فيه بتعدى ال100 لكل عضو

والاسئله بتكون كتيره اووووووى

وانا اللى عجبنى فيه انى حسيت انه بيقرب الاعضاء من بعض .. بحيث ان كل عضو بيكون عارف عن غيره حاجات كتيره اوى

عشان كده اتمنى تشاركو فى الموضوع ونختار مين هيكون اول عضو معاناا .. على كرسى الاعتراف

يلا بقى واحد يتبرع ويقعد على الكرسى لايما كل عضو يرشح واحد واكتر واحد يقعد على الكرسى

أهلا وسهلا
أسئلتى رخمة بس هتجاوب عليها
هههههههههههه
1/ شايف نفسك ازاى يعنى مميزات وعيوب
2/ايه رأيك فى المثل القائل البعيد عن العين بعيد عن القلب
3/ايه اصعب قرار أخدته فى حياتك
4/من الشخص اللى بتتمنى انه يكون موجود لما تبقى متضايق
5/مين اقرب حد ليك فى الكلية
6/لو معاك وردة تديها لمين
7/ايه مدى علاقتك مع اهلك
8/ايه رأيك فى الوضع الحالى للشباب
9/ايه اخبارك مع ربنا
10/راضى عن نتيجتك وايه المادة اللى مكنتش متوقعها

اه انتم استلمتوني ربنا يستر

يلا نقول بسم الله الرحمن الرحيم ونبتدي

اولا

Abdo younis كتب:

يلا يا ابوطارق استلقى وعدك

1-مين اكتر 5 بتفضلهم من اصحابك فى الكليه؟؟
2-ايه رايك فيا مميزات وعيوب؟؟
3-ايه رايك فى قسم الكهربا اللى انت فيه؟؟

1-طبعا باستثناء الرجالة اللي اعرفهم قبل الكلية ( محمد عبدالله وبسام وعلي وهشام والسيسي واحمدعمر )
افضل اصحابي اللي بعزهم هما ( عبدو يونس - أحمد ممدوح - علاء كمال - شرقاوي - PoooTe )

2- مميزات : انسان طيب- عاقل- محترم جدا -ذوق اوي - جد - مش كئيب - عايش حياتك - عارف طريقك واهم حاجة متدين

عيوب : بتدي المشكلة اكبر من حجمها - بتحب اوي تعيش الوهم - لما بتبقى مخنوق بتحب تكون انطوائي
وبتسخن بسرعة ( فاهمني طبعا )
ههههههههه

3-امنية حياتيان اطلع مهندس اتصالات بس لما دخلت اعدادي وبعديها دخلت كهربا الفيوم وحط تحت الفيوم دي الف خط لقيت ان مفيش فرق بينها وبين بتاع الكليات الادبية و نظام المدارس اللي بيعتمد ان احنا نحفظ وبعدين نخش نكبهم في الامتحان ونخرج ولا كأننا كان لينا علاقة بيهم قبل كده
فاتصدمت و اكتئبت وفقدت حافز المذاكرة
بس ان شاء الله الناس بتقول ان العملي بيبتدي من تانية اتصالات وانا مستنيها بفارغ الصبر
ويا سلام كمان لو ربنا يكرمني واقدر احول من الفيوم لاي جامعة تانية

والحمد لله ع كل حال

بص يا عم مش هتقل عليك
1-اية مميزاتى وعيوبى
2-عمرك قبل كدة زعلت منى
3-اكتر موقف ضايقك فى حياتك
4- اصعب قرار خدتة
5-اصعب لحظة فى حياتك
6-الصداقة فى نظرك شكلها ازاى
7-امتى تقول على واحد دة صاحبى
8-انتا بتحب ؟؟؟؟؟؟؟؟؟؟؟؟؟
9-تحب مين اكتر زوجتك ولا والدتك
10- انتا مش هتعزمنى بقا؟؟؟؟؟؟؟؟؟؟؟؟؟؟؟؟؟ هههههههههههههه

اهلااااااااااااا M.T.El-Bishihiا
منور الكرسي

* عرفنا بنفسك؟؟؟؟؟؟؟؟
* احساس الرضا بتحسه امته؟؟؟؟؟؟؟؟
* ليه دايما بتقول انك كاره جامعه الفيوم اوي كده؟؟؟؟؟؟؟
* طب كان نفسك تكون في جامعه ايه ؟؟ وليه؟؟
* ممكن تعترف لبنت انك معجب بيها ؟؟
* ايه صفات فتاه احلامك؟؟؟؟
* ايه هدفك في الحياه؟؟
* ايه الفكره اللي عايش عليها او بتؤمن بيها؟؟

انا اسفه ع الاسئله الكتير دي يارب مكونش ضيفه تقيله
****
لنا عوده

هاهاهاهاهاهاهاهاهاهاهاهاها
والان حان وقت السحر والشعوذة
اضرب الكام سؤال دول يا كبير

1- ليه دخلت كهربا اصلا؟
2- ايه اللى خلاك تقعد فى الفيوم بالرغم من انك كنت هتحول؟؟
3- حبيت كام مرة فى حياتك واول حرف من كل واحدة ؟
4- اعترفت لاى وحدة حبيتها بحبك؟لو كانت الاجابة اه فايه كان ايه رد فعلك وفعلها؟
5- الحب عندك يعنى ايه؟
6- لو والدتك قالتلك ما تتجوزش اللى انت بتحبها تختار مين؟

كفاية كدة لحد ما الاقى اسئلة اصعب

نقول بسم الله الرحمن الحيم

ثانيا /

amanda كتب:

أهلا وسهلا
أسئلتى رخمة بس هتجاوب عليها
هههههههههههه
1/ شايف نفسك ازاى يعنى مميزات وعيوب
2/ايه رأيك فى المثل القائل البعيد عن العين بعيد عن القلب
3/ايه اصعب قرار أخدته فى حياتك
4/من الشخص اللى بتتمنى انه يكون موجود لما تبقى متضايق
5/مين اقرب حد ليك فى الكلية
6/لو معاك وردة تديها لمين
7/ايه مدى علاقتك مع اهلك
8/ايه رأيك فى الوضع الحالى للشباب
9/ايه اخبارك مع ربنا
10/راضى عن نتيجتك وايه المادة اللى مكنتش متوقعها

1/ المفروض مش انا اللي احكم ع نفسي , الناس هيا اللي تحكم عليا بس ممكن اقولك ع اللي قدرت اجمعه من راي الناس فيا
* مميزات / اجتماعي - مش بحب ازعل حد مني سواء بقصد او دون قصد - واسع الحيلة - ان شاء الله اكون عندي ثقة في النفس - مش بشيل في نفسي
* عيوب / عصبي - متقلب - عندي - مواعيدي خربانة مع اصحابي - بهرج كتير

2/ اه فعلا المثل ده صحيح اوي , لان البعيد عن عينك ده بمرور الوقت ومشاغل حياتك هتحس انك بدأت تعيش الوهم وتحس ان الطرف التاني برضو نسيك ده ان كان بيحبك اصلا قبل كده لذا هتفضل انك تنساه وتشوف حياتك مع حد تاني قدام عينك لان في الاول وفي الاخر لازم يكون فيه تعامل مع الطرف التاني مش مجرد احلام وردية في دماغك

بس فعلا لو كان البعيد عن العين ده موجود فعلا في القلب مستحيل العين تنساه زيي كده ( هههههههه )

3/كتيــــــــــــر بس اقربهم اني اخترت اكمل في جامعة الفيوم وما احولش لاي جامعةتانية يكون مستوى التعليم فيها افضل , كل ده عشان اكمل مع ناس بعزهم بس هما سابوني ومشيوا
بس الحمد لله الخير فيما اختاره الله مين عارف ايه اللي جاي

4/واقعيا : واحد صاحبي بحبه جدا او استاذي اللي تقريبا مربيني عشان بحس انهم بيوجهوني صح .
انما في الاحلام الوردية ( هههههههههه ) : اتمنى يكون معايا الناس اللي بحبها عشان احكيلهم همومي ويخففوا عني وهما كمان يحكولي هموهم

5/ عبدو يونس وعلاء ومحمد عبدالله

6/ تفتكري ههدي الوردة لمين ؟! اه فكرة ممكن اهديهالك وانت توصليهالها , ممكن ؟!

7/الحمد لله زي الفل مع والدتي واختي انما اخويا الصغير لازم أقضي طول اليوم أغلس عليه
اما بالنسبة لوالدي فده استاااااااذ ساعات الاقيه كويس اوي معايا ويكلمني بالحسنى وساعات اجارك الله ما يكلمنيش غير وجنبها اسم الدلع بتاعي يا ابن ـــــــــــ ( هههههههه )وساعتها بجتنبه لانه ساعة ما بيزعل اوعى من وشه وانا خلاص اتعودت ع كده
وده تبعا للحالة المزاجية بتاعة البرنس ابويا

8/ والله الشباب حاليا مساكين بيطفحوا الدم في التعليم والمصاريف وفي الاخر يتخرج عشان ما يلاقيش شغل وللاسف بيلاقي ان فجأة حياته بقت فاضية لو ما شغلهاش بانه يدور ع شغل او يعمل مشروع او ... او ...هتشغله نفسه بالمعاصي ويعمل مالايحمد عقباه واللي بنسمع عنه كل يوم
كل ده عشان يوفر لنفسه حياة كريمة ويلحق يتجوز قبل سن التلاتين ان ما كانش اكبر

9/الحمد لله وان شابه بعض التقصير بس ده طبيعي مع اي حد تبعا لكلام الرسول ( صلى الله عليه وسلم ) ان الايمانيات بتقل وبتزيد , والحمد لله طول ما الواحد نفسه لوامة وما اطورش للنفس الامارة بالسوء يعني يعمل الذنب ويتوب بعديها فان شاء الله مفيش خوف
بس ده نتيجة ان ما فيش اعانة ع الخير زي زمان مع اصحابي بتوع الثانوية
يعني اهم حاجة الصحبة ثم الصحبة ثم الصحبة

10/ اه الحمد لله ع المجهود اللي انا عملته ساعة الامتحانات والمستوى بتاع الامتحانات اللي جالنا في كهربا
فانا ما كنتش متوقع ان اجيب جيد حتى وكنت حاسس يقينا اني هشيل رياضة وثرمو نظرا للاداء غير المشرف اللي اديته فيهم
بس كان عندي ثقة لانهائية في رحمة وقدرة ربنا بالاضافة لدعاء والدتي وستي ليا في ساعة السحر ودعاء الصالحين

والحمد لله نجحت فيهم وكمان جبت جيد جدا

ومفيش احسن من كده

وبس كده

ثالثا : علاء حبيب قلبي

علاء الدين كتب:

بص يا عم مش هتقل عليك
1-اية مميزاتى وعيوبى
2-عمرك قبل كدة زعلت منى
3-اكتر موقف ضايقك فى حياتك
4- اصعب قرار خدتة
5-اصعب لحظة فى حياتك
6-الصداقة فى نظرك شكلها ازاى
7-امتى تقول على واحد دة صاحبى
8-انتا بتحب ؟؟؟؟؟؟؟؟؟؟؟؟؟
9-تحب مين اكتر زوجتك ولا والدتك
10- انتا مش هتعزمنى بقا؟؟؟؟؟؟؟؟؟؟؟؟؟؟؟؟؟ هههههههههههههه

1/ مميزاتك : طيب جدا - طموح - اللي في قلبك على لسانك - برئ - متدين - ذكي اوي لما بتحب تشغل دماغك في حاجة
عيوبك : بتحب تسيحلي - تحب تعرف كل حاجة في اي حاجة - زملكاوي

2/ بغض النظر عن التسييح اللي بتعملهولي في المدرج او واحنا ماشيين
فلأ عمري ما زعلت منك

3/ حادثة والدتي لما كنت في 3 ثانوي لما كانت خارجة من مدرستها خبطها واحد بموتسيكل عشان يسرق شنطتها و سابها غرقانة في دمها وكمان ما حدش عرف يمسكه و من ساعتها واهيا مقضيها عمليات وعلاج ومش عرفة تمشي زي الاول
اه يا ناري لو حد يناولهوني ( اقل واجب همثل بجثته ) واخليه عبرة وعظة لكل اللي المستهتترين امثاله

4 / جاوبت عليه قبل كده

5/ لحظة ما تكون عملت ذنب كبير وتمشي في الشارع تحس انك خايف وانت بتعمل اي حاجة احسن تخبطك عربية ولا حاجة وتموت ع سوء خاتمة

6/ الصداقة دي يعني ان يكون ليك روح تانية في جسد تاني ( صاحبك ) بيبقى معاه كل اسرارك وبيحبك قد نفسه واكتر من نفسه كمان ويتمنالك الخير من كل قلبه , يفرح اوي لفرحك , ويزعل اوي لزعلك , بيحاول بكل طاقته انه يدلك ع الخير , وتقدر تنام على حجره وانت مستريح ومش خايف من حاجة

وعن نفسي ليا صديقين بيتوفر فيهم الصفات دي

7 / لما احس انه طيب مش خبيث , مش اناني وبيحب يخدم الناس , مؤدب , متدين وكده يعني

8/ اه يا سيدي واقع وهيا ولا دريانة بيا

9/ والدتي طبعا

10/ اكيد يا صاحبي لما اشوفك ( هههههههههه )

وبس كده

معلش تعبت ومعاد الكلية جه هبقى اكمل الباقي في وقت لاحق ان شاء الله

بيس

محمد بيه حبيبى
انا اسالتى بسيطة وسهلة
ايه رايك فيا وهل اتغير عن ايام ثانوى عام ؟؟؟؟
ايه اللى ممكن يزعلك منى ؟؟؟؟

ردودك عجبانى يا محمد
ودلوقتى هسألك اسئله خاصه بيا انا وبس واتمنى انك تجاوب عليا بنفس الصراحه
انت ديما بتقول عليا بير غويط ليه مع انك لو سألتنى عن اى حاجه انت شايف انها غامضه مش هخبى عليك ولا انت فاكر ان انت كده بتحرجنى او اى كلام عبيط من ده؟؟؟؟؟؟؟؟؟؟؟؟؟؟؟؟؟
انت شايف انى شخص عايش فى عالم خيالى مالوش وجود ولا انا واقعى ولا ايه بالظبط؟
ايه رأيك فيا من ناحيه الاخلاق بجد؟؟
تفتكر انى بوشين؟؟؟؟
ايه رأيك فيا كصديق وايه اللى انا بعمله وانت بتزعل منه ؟؟؟؟؟؟؟
ايه اللى نفسك تغيره فيا؟؟؟؟؟؟؟؟؟؟؟
واخيرا ايه نصيحتك ليا علشان اخرج من الحاله اللى انا فيها دى؟؟؟؟؟؟؟؟؟؟؟؟؟؟؟؟؟؟؟؟؟؟؟
شكرا يا محمد ومعلش هتعبك معايا

بسم الله الرحمن الرحيم

moon light كتب:

اهلااااااااااااا M.T.El-Bishihiا
منور الكرسي

* عرفنا بنفسك؟؟؟؟؟؟؟؟
* احساس الرضا بتحسه امته؟؟؟؟؟؟؟؟
* ليه دايما بتقول انك كاره جامعه الفيوم اوي كده؟؟؟؟؟؟؟
* طب كان نفسك تكون في جامعه ايه ؟؟ وليه؟؟
* ممكن تعترف لبنت انك معجب بيها ؟؟
* ايه صفات فتاه احلامك؟؟؟؟
* ايه هدفك في الحياه؟؟
* ايه الفكره اللي عايش عليها او بتؤمن بيها؟؟

انا اسفه ع الاسئله الكتير دي يارب مكونش ضيفه تقيله
****
لنا عوده

1/ اسمي : محمد طارق فتحي ....... والبشيهي ده اسم عيلتي
عندي اخ في اولى اعدادي - واخت في اولى صيدلة - والدي مدرس انجليزي ثانوي - والدتي مدرسة عربي اعدادي- عندي 3 عم وعمة كلهم مسافرين بره مصر ماعدا عم واحد - عندي 3 خال و 3 خالة كلهم عايشين في مصر

اعتقد كده كفاية

2/ لما بعمل حاجة خير او حاجة جديدة ماعملتهاش قبل كده لاني بحس ان ربنا بيكون راضي اوي عني

3/ جامعة الفيوم دي جامعة محلية ( لوكال ) وفي ناس اصلا عايشة في مصر وما تعرفش ان فيه هندسة في الفيوم وده عن تجربة شخصية ليا لما كنت بسأل في جامعة عين شمس والاسكندرية عن التحويل هناك
وكمان ما فيهاش تعليم صح كله نظري x نظري , مين يقول ان كليه هندسة وتبقى بالشكل ده , اسالوا كده طلاب هندسة اسكندرية او عين شمس معظم شغلهم عملي وده الصح
و مع ده كله الدكاترة مش ع مستوى عالي وكمان مش متواضعين الا من رحم ربي وده عكس اللي بسمعه تماما من اصحابي في جامعة القاهرة وعين شمس واسكندرية اللي بيتكلموا عن دكاترتهم وعن مدى علمهم وتواضعهم
و كمان القسم عندنا مالوش اي اهمية في الدراسة لانك كده كده لازم تاخد دورات عشان دي اللي هتشتغل بيها
وبصراحة كل دي افقدني حافز المذاكرة وكرهني في الجامعة

4/جامعة اسكندرية حاليا لان هيا اللي بتقبل التحويل بعد اولي هندسة بس ده بعد ما يشيلوني مهرجان مواد ما كنتش درستها في الفيوم وده خانقني جدا
والسبب قلته في السؤال السابق بالاضافة ان جامعة اسكندرية غالبية شغلها عملي والدراسة هناك بسيطة وسلسة

5/ اه ممكن وانا فعلا عملت كده بعد ما كنت مصلي استخارة وشربتلي برشامتين جراءة ( هههههههه )

6/ متدينة - عاقلة - طيبة - عزيزة النفس - جميلة اوي - هادية - بتعرف تطبخ اهم حاجة ( هههههههههه )

7/ الاهداف كتير جدا ومتجددة مع مرور الوقت ولكن كل ده بيخدم غاية واحدة بحلم بيها قبل ما اموت اني اكون سبب كبير في نصرة ديني ع المستوي السياسي والعلمي
و هسعي بكل طاقتي ان احققه ان شاء الله

8/ الفكرة متمثلة في قول محمود العسيلي : " عارف ليه بيجيلنا امل ويروح دايما كالعادة , فاكرين الطريق الصح مافيهوش سعادة "

ان الناس لو مشيت ع الطريق الصح ( الدين ) مش هنتعب ومش هيحصلنا كل اللي احنا فيه دلوقت

وبس كده

علي بيه

ali kemo كتب:

هاهاهاهاهاهاهاهاهاهاهاهاها
والان حان وقت السحر والشعوذة
اضرب الكام سؤال دول يا كبير

1- ليه دخلت كهربا اصلا؟
2- ايه اللى خلاك تقعد فى الفيوم بالرغم من انك كنت هتحول؟؟
3- حبيت كام مرة فى حياتك واول حرف من كل واحدة ؟
4- اعترفت لاى وحدة حبيتها بحبك؟لو كانت الاجابة اه فايه كان ايه رد فعلك وفعلها؟
5- الحب عندك يعنى ايه؟
6- لو والدتك قالتلك ما تتجوزش اللى انت بتحبها تختار مين؟

كفاية كدة لحد ما الاقى اسئلة اصعب

1/ كان نفسي من صغري اطلع مهندس اتصالات

2/ جاوبت عليه قبل كده

3/ مرة واحدة يتيمة واولها حرف الف

4/ اه يا سيدي , و رد فعلها سكتت وما كنتش بترد وكنت حاسس اني بكلم نفسي , ورد فعلي كنت متوتر طبعا ومتغاظ لان الصوت الوحيد اللي كنت سامعه هو صدى صوتي ( ههههههههه )

تفتكروا ده معناه ايه ؟!

5 / الحب احساس جميل ربنا وضعه فينا عشان نكمل مع اللي بنحبهم بقية حياتنا

6/ والدتي ست متفاهمة جداااااااااا وانا اصلا قايلها ع اللي بحبها وهيا بعد التريقة عليا بتحاول توجهني صح
( هههههههههه )

وبس كده

ابو سيد

i still love you كتب:

محمد بيه حبيبى
انا اسالتى بسيطة وسهلة
ايه رايك فيا وهل اتغير عن ايام ثانوى عام ؟؟؟؟
ايه اللى ممكن يزعلك منى ؟؟؟؟

1/ انت انسان محترم اوي-وصاحب صاحبه بجد- وكنت سعيد اوي اني اتعرفت عليك في اعدادي وخصوصا اني كنت اعرفك قبل كده من ايام ثانوي- مرح - عندك موهبة عالية في الرسم - وفي الكروتة برضو (هههههههه)
بس عيبك انك عصبي - و بتخش في الناس شمال قبل ما تفهم وجهة نظرهم - مش عارف تنسى حاجات فاتت مع انك لازم تنساها وانت عارف كده كويس - عندك اسرار كتيـــــــــــــــر ما يعلم بيها الا ربنا
وكمان قصير اوي ( ههههههه )

وبالنسبة هل اتغيرت عن ثانوي فانا مش عارف لاني لسه ما كنتش اعرفك كويس في الثانوي بس كان عندي عنك انطباع عام انك طيب ومحترم والحمد لله لسه زي ما انت في دول

2/ عصبيتك الزايدة عن اللزوم - ما بقتش تتكلم معايا كتير زي اعدادي - بحس انك بتبعد عني ومش عارف ليه
يا رب يكون احساس في غير محله

و ربنا يعلم انا بعزك قد ايه يا ابوسيد وانت من الناس اللي بجد كسبتها من الكلية

وبس كده

نشوان

Nashwan كتب:

ردودك عجبانى يا محمد
ودلوقتى هسألك اسئله خاصه بيا انا وبس واتمنى انك تجاوب عليا بنفس الصراحه
انت ديما بتقول عليا بير غويط ليه مع انك لو سألتنى عن اى حاجه انت شايف انها غامضه مش هخبى عليك ولا انت فاكر ان انت كده بتحرجنى او اى كلام عبيط من ده؟؟؟؟؟؟؟؟؟؟؟؟؟؟؟؟؟
انت شايف انى شخص عايش فى عالم خيالى مالوش وجود ولا انا واقعى ولا ايه بالظبط؟
ايه رأيك فيا من ناحيه الاخلاق بجد؟؟
تفتكر انى بوشين؟؟؟؟
ايه رأيك فيا كصديق وايه اللى انا بعمله وانت بتزعل منه ؟؟؟؟؟؟؟
ايه اللى نفسك تغيره فيا؟؟؟؟؟؟؟؟؟؟؟
واخيرا ايه نصيحتك ليا علشان اخرج من الحاله اللى انا فيها دى؟؟؟؟؟؟؟؟؟؟؟؟؟؟؟؟؟؟؟؟؟؟؟
شكرا يا محمد ومعلش هتعبك معايا

ااااااااااااه شكلك هتتعبني معاك بس انا هتكلم بجد ومش هخبي عليك بس اكيد ما فيش زعل

نبتدي ونقول بسم الله الرحمن الرحيم :

1/ فعلا انت بالنسبالي بير غويط مش عارف اجيب اخره , لان بحس ان انت دونا عن كل البشر دي محتفظ لنفسك بكم رهيــــــــــــــــــب من الاسرار و مخبيها جواك ( الله اعلم اذا كنت بتفضفض بيها لحد قريب منك ولا لا ) وطبعا انا ما اعرفش حاجة عن الاسرار دي عشان كده مش بسألك عنها عشان تجاوبني

ودايما بلاقيك مهموم وشايل زيادة عن طاقتك حتى وان كنت بتضحك وباين انك فرحان ومزأطط بس برضو فيك مسحة حزن بشوفها في وشك علاطول

2/ بين البينين بتحاول انك تتأقلم مع العالم والناس اللي انت عايش معاهم وفي نفس الوقت بحس انك هايم مع نفسك في قصص ومغامرات خيالية - بالتحديد قصص الحب - زي روميو وجولييت او قصص تانية من تأليفك وخيالك الخصب بالحاجات دي

3/ من ناحية الاخلاق شخص متدين - محترم - ملو هدومك - بتعرف تخلي ازاي الناس تحبك وتفتحلك قلبها لان تقريبا كل اصحابنا اسرارهم كلها معاك لان انت المستشار العاطفي بتاعنا ( ههههههه ) - بتحاول تكون قريب من الناس - طموح - عارف طريقك

والعيوب :انا حاسس جدا انك في الظاهر اجتماعي معانا لكنك جوه البيت او مع نفسك انطوائي اوي - مش بتستريح للناس بالساهل - تجاربك العاطفية كتيــــــــــــــرة اوي وغالبا بتنتهي بالفشل و هو ده في ظني بجانب معاملة والدك ليك في البيت السبب في كل اللي انت فيه من الاسى والحزن

4/ مش بوشين اوي بالمعنى انك منافق وغشاش لا بالمعني انك مع الناس بوش الفرح و المشاركة ومع نفسك بوش الانطوائية والحزن اللي بتكتمه في قلبك ( يا رب يكون قصدي وصلك )

5/ انت صديق اعتز بصداقته وكفاية انك اول واحد اتعرفت عليه في الكلية وكنت سعيد اوي بالتعارف ده وانت شخصية عزيزة جدا عليا بالرغم من اني حاليا ما بقتش اشوفك كتير زي الاول
واللي انت بتعمله وانا بزعل منه انك بقيت بتحاول تبعد عننا و يا دوب حضرتك اكتفيت بصحبة هشام واحمد صلاح و تقعد تدور معاهم طول النهار وقليل اوي لما بتقعد معانا بره وفي الاخر بتمشي وتسيبنا فجأة وبدون سابق انذار

6/ نفسي اغير فيك حته انك بتحسس الواحد انك مهتم بيه اوي و مهتم بكل حاجة عنه ودي حاجة كويسة اللي مش كويس بقى انك في مرة تانية بعد كده تشوف الواحد ده كبيرك اوي تسلم عليه وبعدين ولا كأنك كنت عارف عنه اي حاجة
وكمان لما حد يغيب عنك فترة طويلة مش بتسأل عنه

7/ ونصيحتي ليك انك تحاول تنسى الجرح اللي انت فيه لانك لازم تنسى وده ممكن يتحقللك بانك تقرب من ربنا وتدعيه وتبكي بين ايديه وتسأله بكل اخلاص انه يطلعك من اللي انت فيه ويا سلام لو يبقى ده في ركعتين قيام في التلت الاخير من الليل تبقى عسل اوي

اتمنى اني اكون فهمتك وجهة نظري وانت في النهاية ليك انك تقبله او ترميه ورا ضهرك

وانا قلتلك كل ده عشان بحبك بجد وخايف عليك من نفسك وارجو انك ما تكونش زعلت مني بل بالعكس مصارحتي ليك تقربنا اكتر من بعض

وبس كده

بردو ما جاوبتش على سؤالى !!

لو والدتك قررت انك ترتبط باى واحدة غير اللى انت اخترتها هتختار مين؟؟

قلتلك ان والدتي ست متفاهمة ومش هتقوللي كده وهيا فعلا بتحاول تقنعني بواحدة تانية بنت ناس اصدقائنا بس انا رافض وقلتهلها مش هتجوز ان شاء الله غير اللي بحبها


و اهدى بقى

ههههههههههههههههههههههه
بردو العقدة فى المنشار
هى نونوت فى دماغها وقالتلك دى لا
ماذا يكون رد فعلك انت؟؟
تقولها حاضر وتطيعها؟؟ ولا تعمل عبيط وتقول بردو هتجوزها؟

اجاباتك جامده جدا وتحس ان كلها صدق وموضوعيه

انا عندى سؤال واحد بس
ايه اللى خلاك تقول ان انا بدى احساس للناس انهم مش فارقين معايا ؟؟؟ وضحلى وجهه نظرك بمثال ؟؟
لانى شايف انى مش كده خالص

هسال مش كتير

ايه اكترموقف عملته وندمت عليه ؟

ايه رايك ف الحب من ناحية حدودنا ف التعامل معاه ؟

ياترى انت راضى عن نفسك لما اعترفت للى بتحبها على كدة ؟

نفسك ف ايه خلال الاسبوع ده؟

كفاية رخامة

Abdo younis كتب:

اجاباتك جامده جدا وتحس ان كلها صدق وموضوعيه

انا عندى سؤال واحد بس
ايه اللى خلاك تقول ان انا بدى احساس للناس انهم مش فارقين معايا ؟؟؟ وضحلى وجهه نظرك بمثال ؟؟
لانى شايف انى مش كده خالص

بقول بسم الله الرحمن الرحيم

انا اسف والله يا زعيم لو كانت الجملة دي زعلتك - يتقطع لساني لو زعلتك - ( هههههههههه )

بص يا معلم

سبب جملتي دي واكيد انت فاكر الحكاية دي كويس

انت انت والبيه احمد ممدوح في اعدادي هندسة لما كان يحصل مواقف مثلا من اصحابنا ليكم ( مش فاكر ايه المواقف بالظبط بس اكيد انت فاكر )

كانت الجملة دي علاطول ع لسانكم : " ما حدش فيكم اصلا يفرق معايا "

وفي مرة انا زعلت منكم بسببها لو تفتكر

بس ممكن التمسلك العذر لو كان ده هزار

او لو كان ده بجد فاعتقد ان احنا قعدنا مع بعض فترة كفاية بقت تخلينا مترابطين وكلنا عيش وملح مع بعض وكنا بنخرج مع بعض وكل اصحابنا وكمان كنا بنروحلك البيت

يا ترى بعد المدة اللي قعدناها مع بعض لسه برضو مش فارقين معاك ؟!
ولا ايه رأيك ؟
دي كانت وجهة نظري ممكن تكون صح وممكن تكون غلط 

واتفضل في الصالون

the princess كتب:

هسال مش كتير

ايه اكترموقف عملته وندمت عليه ؟

ايه رايك ف الحب من ناحية حدودنا ف التعامل معاه ؟

ياترى انت راضى عن نفسك لما اعترفت للى بتحبها على كدة ؟

نفسك ف ايه خلال الاسبوع ده؟

كفاية رخامة

1/ موقف كده عملته مع ناس بحبها بس والله ما كانش قصدي ان اجرحهم او ازعلهم كان نفسي بس اطمن عليهم من وقت للتاني واشوف فاكرينا و لا لا , ولحد دلوقت انا ندمان ومتضايق جدا عشان الموقف ده لاني عمري ما في حياتي جرحت حد وكنت اول مرة احس اني صغير اوي ادام نفسي

2/ انا نفسي لحد دلوقت مش عارف لما حد بيحب حد في الفترة قبل الارتباط الرسمي بيكون شكل التعامل بينهم ازاي , بس اللي اعرفه انه لازم يكون فيه حدود في التعامل , يعني مش في الهايفة كل شوية يروح الولد يكلم البنت او العكس , ممكن بس في الضروريات وتكون فعلا حاجات مهمة اوي , وبعدين حتى بالعقل لما الاتنين يقعدوا يتكلموا كل شوية ع الفاضية والمليانة هيسيبوا ايه يتكلموا فيه بعد كده ساعة الخطوبة او الجواز وممكن ده يولد زهق عند كل طرف من التاني ودي هتدخلنا في دوامة تانية

وكده يعني

3/ اه راضي لاني كنت لازم اعمل كده , عشان فعلا اثبتلها اني ما كنتش بلعب بيها , ويا رب تكون هيا تقبلت ده لاني مش حاسس خالص انها تقبلته

وانا من ساعتها خايف اروح اكلمها تاني عشان ما الاقيش بوكسات وشلاليت طايرة في الهوا عليا
(هههههههههه)

4/ كان نفسي في اول الاسبوع -ان ما كانش قبل كده -اني اروح ابارك ليها ع النتيجة بتاعتها واقولها انها تشد حيلها الترم التاني لان عندها احسن من كده

وحاليا نفسي النهاردة تشيلسي يكسب الانتر بنتيجة كبيرة ويصعد للدور التمانية ( ههههههههههه )
عشان انا بعشق حاجة اسمها نادي تشيلسي


وبس كده

اعتقد انكم قطعتوني وشرحتوني بما فيه الكفاية , يا ريت النهارده يكون اخر يوم في الاسئلة للي يحب يسأل عشان ارشح حد مكاني يستلم مني مهمة التقطيع اللي انا فيه ده ( ههههههههههه )



و اتفضلوا في الصالون

يلا يا عم
يا فتاح يا عليم يا رزاق يا كريم
شاور على الضحية الجدية وهاتها المشرحة
هههههههههههههههههه

شكرا يا محمد
ردودك بجد كانت جميله اوى
وان شاء الله الواحد يحاول يغير من نفسه
واتفضل رشح ضحيه علشان عم على الجزار يقطع ويشفّى
هههههههههههههه

حبيبى محمد بيه انا اسف لو كانت وصلتلك شعور انت فهمته غلط بس ده والله مش قصدى
معلش الواحد همومه كتير وانت حظك وحش بتيجى فيك ديما هههههههه