كرسى الاعتراف

تذكير بمساهمة فاتح الموضوع :

الموضوع اسمه كرسى الاعترااف



ايه فكره الموضوع ..


فكره الموضوع ان كل فتره هيكون فى ضيف على كرسى الاعترااف .



وباقى الاعضاء كل واحد فيهم يساله كل الاسئله اللى كانو يتمنو او يحبو يعرفو اجابتها منه

على سبيل المثال

يعرفنا بشخصيته ... هوايته .. حكمه مفضله ليه ومؤمن بيها اوى

حكمه مشهوره هو معارض عليهاا .. ورده معاه يهديها لمين فى المنتدى

يتمنى ايه لمنتدى اصحابنا .. وكده مثلا ..

وأى اسئله تانيه ..
وبعد كده يختار عضو يجي يقعد علي الكرسي ..علشان يتسأل ..
ويبعتله رسالة علشان العضو يعرف إن قعد علي الكرسي .


اتمنى الموضوع يكون لذيذ ويعجبكو وتوافقو عليه ...

وعلى فكره الموضوع ده والله بشوف فى باقى المنتديات الردود فيه بتعدى ال100 لكل عضو

والاسئله بتكون كتيره اووووووى

وانا اللى عجبنى فيه انى حسيت انه بيقرب الاعضاء من بعض .. بحيث ان كل عضو بيكون عارف عن غيره حاجات كتيره اوى

عشان كده اتمنى تشاركو فى الموضوع ونختار مين هيكون اول عضو معاناا .. على كرسى الاعتراف

يلا بقى واحد يتبرع ويقعد على الكرسى لايما كل عضو يرشح واحد واكتر واحد يقعد على الكرسى

M.T.El-Bishihi كتب:

سبب جملتي دي واكيد انت فاكر الحكاية دي كويس

انت انت والبيه احمد ممدوح في اعدادي هندسة لما كان يحصل مواقف مثلا من اصحابنا ليكم ( مش فاكر ايه المواقف بالظبط بس اكيد انت فاكر )

كانت الجملة دي علاطول ع لسانكم : " ما حدش فيكم اصلا يفرق معايا "

بصراحه والله انا فاكر ان انا حصل منى وقلت الكلمه دى
لان محدش عاتبنى عليها خااااااااالص وعلى وسيسى شاهدين

وثانيا انت قلت انى كنت بقولها بهزار وانت عارف ان احنا بنهيس كتير يبقى ازاى تلومنى على حاجه هزار

ثالثا وده الاهم خليك عارف ان لو واحد ميفرقش معايا مش همشى معاه واخرج معاه وادخله بيتى وانت عارف كده وهقولك امثله بس فى الجامعه

ولينا كلام فى الجامعه لانك زعلتنى بكلامك ده لان المفروض لما واحد صاحبك يغلط تقوله على غلطه وتعرفه انه غلط مش تسيبه كده وتشيل فى نفسك

ويلا رشح حد غيرك كفايه عليك كده
سلااااااااااااااااااااااااام

لا والله يا عبدو انا لو في نفسي ذرة زعل منك انا مش همشي معاك وكمان مش هأتمنك ع اسراري

مش كده ؟

انا بس كنت بعتب عليك عتاب الاخ لاخوه واعرف منك اذا كانت فيك الصفة دي ولا لا

والحمد لله كده انت تمام اوي


ده انت الزعيم بتاعنا برضو , ينفع تزعل من حد من راعاياك ؟!

ههههههههههههه

اكيد قلبك اكبر من الحاجات البسيطة دي

ويلا بقى عشان ارشح حد بعدي

شكرا ليكم كلكم

واتمنى تكون اجاباتي ما زعلتش حد مني بل بالعكس تكون قربتني اوي من اصحابي

ودلوقت ممكن اسيب كرسي الاعتراف و ارشح ......


اماندا

وأسئلتي ليها هخليها بعدين


فلتتفضل مشكورة ع الكرسي

ليه كده بس دا انا كنت كويسة فى اسئلتى
هههههههههه
اوك
اللى عنده سؤال يقوله

طويب

يا فتاح يا عليم يا رزاق يا كريم اصطبحنا واصطبح الملك لله

كام سؤال كدة نفتح بيهم المشرحة علبال ما افكر

1- ايه مدى علاقتك بربنا وياترى راضية عنها؟
2- راضية عن القسم اللى دخلتيه؟
3- ايه الحلم اللى حققتيه وايه الحلم اللى ضاع منك؟
4- مهما حصل ممكن تعترفى لحد بمشاعرك؟
5- ايه ردك لو كائن حى اعترفلك بمشاعره تجاهك؟
6- ايه ردك لى الكائن السابق اذا كان بالقبول او بالرفض؟
7- يعنى ايه علاقة بين اتنين قبل الرسمية فى وجهة نظرك؟
8- لو قالولك ان الكون هينتهى اختارى شخص تهربى معاه
وشخص اخر تبعتى ليه رسالة مين بقى دول؟؟
9- ايه اكتر حاجة فرحتك السنادى واكتر حاجة زعلتك غير الدراسة والنتايج ؟
10- طبعا انا رخم بس رخامتى بنسبة كام؟


طبعا دول على ما افكر فى اسئلة جامدة كدة

اهلا بيكى يا اماندا على الكرسى الكهربائى او المدنى مش فارقه كتير
نبدا بالاسئله على طول

1-عندك كام اخ وكام اخت وترتيبك كام فيهم؟؟
2-ايه اكتر حاجه بتحبيها فى الجامعه واكتر حاجه بتكرهيها؟
3-انتى حاليا فى حاله حب ولا حاله اعجاب ولا خارج نطاق الخدمه العاطفيه؟؟؟
4-السنه دى احلى ولا السنه اللى فاتت؟وليه؟؟؟؟؟؟؟؟؟
5-مين اكتر حد بتشتكيله همومك؟؟

كفايه كده لحد ما افكر فى اسئله تانيه

انتو جيتو اهلا
معلش يا اماندا دول ناس رخمه بس.......... اكيد هتغيرى رأيك لما تشوفى رخامتى ههههههههه
سؤال معتاد ايه الحاجات اللى ممكن يعملها الشاب ويسقط من نظر حضراتكم ؟؟؟؟؟؟؟
ايه رأيك فى المقوله اللى بتقول ان اللى بيحب اووووى ممكن يتنازل اووووووى؟
اكتر ماده بتحبيها والعكس؟
ازاى بتتخلصى من حزنك ؟
كفايه اوى
انا قولت ميصحش اعدى ومرخمش شويه

اهلا بيكى اماندا
معلش ممكن تعرفينا على نفسك اكتر ؟؟؟
مين اكتر شلة بنات وشلة ولاد بتعجبك فى الكلية بتاعتنا ؟؟؟
مواصفات فتى احلامك ؟؟؟
يارب مااكون رخمت عليكى زيهم

ali kemo كتب:

طويب

يا فتاح يا عليم يا رزاق يا كريم اصطبحنا واصطبح الملك لله

كام سؤال كدة نفتح بيهم المشرحة علبال ما افكر

1- ايه مدى علاقتك بربنا وياترى راضية عنها؟
2- راضية عن القسم اللى دخلتيه؟
3- ايه الحلم اللى حققتيه وايه الحلم اللى ضاع منك؟
4- مهما حصل ممكن تعترفى لحد بمشاعرك؟
5- ايه ردك لو كائن حى اعترفلك بمشاعره تجاهك؟
6- ايه ردك لى الكائن السابق اذا كان بالقبول او بالرفض؟
7- يعنى ايه علاقة بين اتنين قبل الرسمية فى وجهة نظرك؟
8- لو قالولك ان الكون هينتهى اختارى شخص تهربى معاه
وشخص اخر تبعتى ليه رسالة مين بقى دول؟؟
9- ايه اكتر حاجة فرحتك السنادى واكتر حاجة زعلتك غير الدراسة والنتايج ؟
10- طبعا انا رخم بس رخامتى بنسبة كام؟


طبعا دول على ما افكر فى اسئلة جامدة كدة

بسم الله الرحمن الرحيم
1/الحمد لله علاقتى كويسة وان شابها التقصير وده طبيعى لأننا بشر نخطئ ونصيب
2/الحمد لله مدنى قسم جامد جدا وده ميمنعش انى كنت كارها نفسى فى الترم الأول وده ده انعكس بالطبع على الدراسة والتقدير
3/الحلم اللى حققته انى والحمد لله دخلت كلية كويسة اما الحلم اللى ضاع منى الحمد لله مفيش
4/مهما حصل مش ممكن اعترف لحد بمشاعرى
5/مش هرد وهسكت لأنه مينفعش ارد
6/يعنى افهم من سؤالك انه اى كائن على وجه البسيطة هيكون رد فعلى واحد أو بمعنى اصح مش هتفرق مين اللى بيتكلم ولا ايه مفهمتش السؤال
7/من وجهة نظرى المفروض العلاقة بينهم فى حدود الزمالة مش أكتر
8/أهرب اروح فين على العموم افضل ابقى مع كل الناس اللى بحبهم لأن مقدرش اسيب حد واهرب مع التانى وايه فايدة الحياة من غير ناس تحبهم ويحبوك
9/أكتر حاجة فرحتنى السنادى انى الحمد لله قدرت اتغلب على بعض العيوب فيا
واكتر حاجة زعلتنى انى كنت زعلانة جدا من واحدة صاحبتنا ومكنتش طايقة اشوف وشها عشان موقف هيا عملته بس لما كنت تعبانة يوم امتحان الميد تيرم بتاع الرياضة واليوم اللى قبله والدكتور كان قايلى متحركش من السرير 5 ايام بصراحة وقفت جنبى جامد جدا واتضايقت من نفسى اوى عشان مكنتش لسه سامحتها
10/أنا مقدرش اقول ان حضرتك رخم

Abdo younis كتب:

اهلا بيكى يا اماندا على الكرسى الكهربائى او المدنى مش فارقه كتير
نبدا بالاسئله على طول

1-عندك كام اخ وكام اخت وترتيبك كام فيهم؟؟
2-ايه اكتر حاجه بتحبيها فى الجامعه واكتر حاجه بتكرهيها؟
3-انتى حاليا فى حاله حب ولا حاله اعجاب ولا خارج نطاق الخدمه العاطفيه؟؟؟
4-السنه دى احلى ولا السنه اللى فاتت؟وليه؟؟؟؟؟؟؟؟؟
5-مين اكتر حد بتشتكيله همومك؟؟

كفايه كده لحد ما افكر فى اسئله تانيه

1/عندى اخ واخت وترتيبى انا اكبر اخواتى
2/ اكتر حاجة بحبها ان فيها اصحابى واتعرفت فيها على بنات زى العسل
واكتر حاجة بكرهها ان فيها ناس مش كويسة وان كانوا مش بيسلموا من ترخيمنا عليهم
3/....................
4/ السنة اللى فاتت احلى عشان كنا كلنا مع بعض بس الحمد لله اتفرقنا فى اقسام مختلفة وان كان ده مأثرش على حاجة بس كنت اتمنى اننا نفضل مع بعض ع طول
5/ مامتى وواحدة صاحبتى

Nashwan كتب:

انتو جيتو اهلا
معلش يا اماندا دول ناس رخمه بس.......... اكيد هتغيرى رأيك لما تشوفى رخامتى ههههههههه
سؤال معتاد ايه الحاجات اللى ممكن يعملها الشاب ويسقط من نظر حضراتكم ؟؟؟؟؟؟؟
ايه رأيك فى المقوله اللى بتقول ان اللى بيحب اووووى ممكن يتنازل اووووووى؟
اكتر ماده بتحبيها والعكس؟
ازاى بتتخلصى من حزنك ؟
كفايه اوى
انا قولت ميصحش اعدى ومرخمش شويه

1/السؤال ده بيعتمد على شخصية البنت يعنى كل واحدة ليها شخصية مختلفة ومن الصعب جدا انك تفهم هيا بتفكر ازاى
2/كل حاجة وليها حدود حتى التنازل ليه حدود يعنى مينفعش انك تتنازل اوى لدرجة انك تيجى على كرامتك
3/ اكتر مادة بحبها الرسم واكتر مادة بكرهها الميكانيكا
4/انى اقرأقران او اتكلم مع حد او نى اقعد لوحدى







كفاية كده ونكمل بعدين

i still love you كتب:

اهلا بيكى اماندا
معلش ممكن تعرفينا على نفسك اكتر ؟؟؟
مين اكتر شلة بنات وشلة ولاد بتعجبك فى الكلية بتاعتنا ؟؟؟
مواصفات فتى احلامك ؟؟؟
يارب مااكون رخمت عليكى زيهم

1/انا اماندا مشتركة فى المنتدى وعندى اخ فى 6 ابتدائى واخت وفى اولى ثانوى
وطالبة فى قسم الهندسة المدنية مسلمة مصرية فيومية
ههههههههههه

2/اكتر شلة بنات هى طبعا الشلة بتاعتنا لأنهم من احسن البنات فى الكلية
وبالنسبة للولاد يتهيألى انكم جروب واحد

3/مواصفات سهلة جدا انه يكون بنى ادم متدين ومحترم ومتعلم تعليم عالى وقبل ده كله يكون بيحترمنى ويكون مرح

ليه قلتى فى اجاباتك

مهما حصل مش ممكن اعترف لحد بمشاعرى

؟؟؟؟؟؟
اتمنى اجابه مقنعه

وسع وسع البرنسيسة وصلت

ايه رايك فيا بصراحة قولى مميزاتى وعيوبى

ايه رايك ف رخامتى ياترى ببقا اوفر ولا ايه

لو معاكى فازة وفيها ورة

تخبطيبها راس مين

ههههههههههههههههههههههه

ايه رايك ف جروبنا وهل هو معين على الفشل ولا مش بيفرق معاك ف حكاية المذاكرة

لسه العيب اللى قولتهولى اخر السنة موجود ولا قل ولا مفيش

طبعا عارفة قصدى

كفاية عليك

هكمل رخامتى ف الكلية

Abdo younis كتب:

ليه قلتى فى اجاباتك

مهما حصل مش ممكن اعترف لحد بمشاعرى

؟؟؟؟؟؟
اتمنى اجابه مقنعه

لأنى مش ممكن اقول كده الا لانسان مرتبطة بيه ارتباط رسمى ويكون أول حد وأخر حد ممكن أقوله ده وده من حقى على ما أظن

بالنسبة للبرنسيسة
انتى طية جدا ودمك خفيف وعسولة
عيوبك أحيانا بتقفشى من غير سبب بترخمى عليا لما بكون متضايقة بتقولى عليا عصبية مع ملاحظة انك الوحيدة اللى شايفة كده
كتير بتأفورى فى رخامتك
مش هخط بيها حد لأنى مش متضايقة من حد خالص
جروبنا أحلى جروب فى الكلية وحكاية المذاكرة كل واحد فى حاله فيها
بصراحة خف كتير

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

asmaa rezk كتب:

مبدئيا صباح الفل
ولو اى سؤال مش عاجبك ليكى انك متجاوبيش عشره بعديه يعنى من الاخر ولاكانك قريتى حاجه

يمكن انا متعاملتش معاكى كتير بس عيب واضح فيا و فى امل اغيره
لو الزمن يرجع نفسك ترجعى ابتدائى ولا اعدادى ولا ثانوى
حاسه ان الناس دلوقتى مصالح وبس ولافى وفى
سؤال اكثرهم هبلا بتحبى الليل ولا النهار
انا مقتنعه ان السر لو طلع برايايا (راعى العميه علشان مش عارفه اكتبها) بقى مش سر الكلام ده شايفاه غلط ولا بره اتنين يبقى ساعتها مش سر
اخر سؤال
ليه كل اما بطلع بلاقيكو قاعدين فى البرجولات

بصراحة انا مشفتش فكى عيب
ارجع ثانوى وابتدائى واعدادى التلاتة احسن من بعض
كتير من الناس حاليا كده بس مش كلهم
عمرى ما فكرت فى بحب الليل ولا النهار اكتر
اه مقتنعة بس احيانا الصوت الواحد غلطاته كتير والانسان محتاج حد يحكى معاه ويشكيله مع ملاحظة ان الحد ده يكون ال ثقة

عشان بنخلص غالبا قبلكم والبنات مبيحبوش قعدة المدرج

يا اخوة لو حد عايز يسأل تانى عشان هرشح حد مكانى باذن الله بكرة

أولا أهلا بحضرتك
ثانيا انا عايز أسأل سؤال واحد صغير

حضرتك ممكن تتجوزي أو تتخطبي وانتي لسة في الكلية علي فكرة طبعا ماأقصدش أشخاص وكل شئ نصيب طبعا بس انا بتكلم من ناحية المبدأ فيه ناس بتبقي رافضة المنطق تماما

ومعلش سؤال تاني أصغر

ايه وجهة نظرك لو واحد اتقدم وهو لسة طالب بيدرس شايفاها ازاي؟

وعلي فكرة تاني انا بتكلم عموما يعني عايز اعرف بس بتفكرو ازاي وطبعا كل بنت وليها تفكيرها

ملاحظة أخيرة:الأسئلة اختيارية لومش عايزة تجاوبي عادي ولا كاني سألت بجد مفيش أي مشكلة

نبتدي ونقول

بسم الله الرحمن الرحيم

ااولا :اسف ع التأخير بس كنت تعبان جدا والحمد لله بقيت احسن

ثانيا : اسئلتي مش مفاجئة ولا حاجة , كلها من المقرر ومش محتاجة مذاكرة , والامتحان في مستوى الطالب المهيس ( ههههههههههه )

اجب عن الاسئلة التالية :

1/ شايفة نفسك ازاى يعنى مميزات وعيوب ؟
2/ايه رأيك فى المثل القائل البعيد عن العين بعيد عن القلب ؟
3/ايه اصعب قرار أخدتيه فى حياتك ؟ واستفدتي منه ازاي ؟
4/من الشخص اللى بتتمنى انه يكون موجود لما تبقي متضايقة ؟
5/اصعب لحظة فى حياتك ؟ واتصرفتي ازاي ؟
6/لو معاكي وردة تديها لمين ؟
7/ايه مدى علاقتك مع اهلك ؟
8/ايه رأيك فى الوضع الحالى للشباب والبنات ؟
9/امتى تحسي انك لوحدك ؟
10/راضية عن نتيجتك وايه المادة اللى مكنتيش متوقعاها ؟
11/ في وجهة نظرك يعني صداقة حقيقية ؟ ايه شروطها ؟ وعندك كام صديقة فيها الشروط دي ؟
12/ممكن يكون ليكي شخصية ع النت و شخصية ف الحقيقة ؟
13/ ايه اعلى مرتبة نفسك توصليها قبل ما تموتي سواء علميا و سياسيا و اجتماعيا ؟
14/كان نفسك تكوني حاجة غير مهندسة ؟
15/لو اقسام هندسة كلها كانت موجودة في الفيوم كنتي اخترتي حاجة غير مدني ؟ ايه هيا ؟
16/لما بتتفرجى على التلفزيون ايه اللى بتحبى تتفرجي عليه ؟
17/وايه برضو الحاجات اللي بتعمليها اول ما تفتحي الكمبيوتر ؟

طبعا المفاجأة في الاسئلة ان مفيش ولا سؤال من عندي اول 10 اسئلة كانت اسئلتك ليا ع الكرسي مع تغيير الضمائر مش اكتر وبقية الاسئلة منقيها من اسئلة بقية الاعضاء

18 / السؤال قبل الاخير : ايه بقى الانطباع اللي اخدتيه عني بعد اسئلتك ليا ع الكرسي ؟
19/ بمناسبة عيد الام : جبتي لمامتك هدية ؟ ايه هيا ؟ ولو ما جبتيش ناوية تجيبلها ايه ؟ وتحبي تقوليلها ايه في المناسبة دي ؟

انتهت الاسئلة.....

مع تمنياتي بالتوفيق ويا رب اكون قدرت اغلس عليكي ( ههههههههه )

itch كتب:

أولا أهلا بحضرتك
ثانيا انا عايز أسأل سؤال واحد صغير

حضرتك ممكن تتجوزي أو تتخطبي وانتي لسة في الكلية علي فكرة طبعا ماأقصدش أشخاص وكل شئ نصيب طبعا بس انا بتكلم من ناحية المبدأ فيه ناس بتبقي رافضة المنطق تماما

ومعلش سؤال تاني أصغر

ايه وجهة نظرك لو واحد اتقدم وهو لسة طالب بيدرس شايفاها ازاي؟

وعلي فكرة تاني انا بتكلم عموما يعني عايز اعرف بس بتفكرو ازاي وطبعا كل بنت وليها تفكيرها

ملاحظة أخيرة:الأسئلة اختيارية لومش عايزة تجاوبي عادي ولا كاني سألت بجد مفيش أي مشكلة

1/ أكيد لأ لأن الكلية بتاعتنا الواحد مش ماشى فيها وهو فاضى هيمشى فيها وهو مخطوب او متجوز اللهم انى مش هتخرج
2/عادى مفيهاش حاجة وانا لي واحدة صاحبتنا خطيبها فى 4 اداب
وبس

M.T.El-Bishihi كتب:

نبتدي ونقول

بسم الله الرحمن الرحيم

ااولا :اسف ع التأخير بس كنت تعبان جدا والحمد لله بقيت احسن

ثانيا : اسئلتي مش مفاجئة ولا حاجة , كلها من المقرر ومش محتاجة مذاكرة , والامتحان في مستوى الطالب المهيس ( ههههههههههه )

اجب عن الاسئلة التالية :

1/ شايفة نفسك ازاى يعنى مميزات وعيوب ؟
2/ايه رأيك فى المثل القائل البعيد عن العين بعيد عن القلب ؟
3/ايه اصعب قرار أخدتيه فى حياتك ؟ واستفدتي منه ازاي ؟
4/من الشخص اللى بتتمنى انه يكون موجود لما تبقي متضايقة ؟
5/اصعب لحظة فى حياتك ؟ واتصرفتي ازاي ؟
6/لو معاكي وردة تديها لمين ؟
7/ايه مدى علاقتك مع اهلك ؟
8/ايه رأيك فى الوضع الحالى للشباب والبنات ؟
9/امتى تحسي انك لوحدك ؟
10/راضية عن نتيجتك وايه المادة اللى مكنتيش متوقعاها ؟
11/ في وجهة نظرك يعني صداقة حقيقية ؟ ايه شروطها ؟ وعندك كام صديقة فيها الشروط دي ؟
12/ممكن يكون ليكي شخصية ع النت و شخصية ف الحقيقة ؟
13/ ايه اعلى مرتبة نفسك توصليها قبل ما تموتي سواء علميا و سياسيا و اجتماعيا ؟
14/كان نفسك تكوني حاجة غير مهندسة ؟
15/لو اقسام هندسة كلها كانت موجودة في الفيوم كنتي اخترتي حاجة غير مدني ؟ ايه هيا ؟
16/لما بتتفرجى على التلفزيون ايه اللى بتحبى تتفرجي عليه ؟
17/وايه برضو الحاجات اللي بتعمليها اول ما تفتحي الكمبيوتر ؟

طبعا المفاجأة في الاسئلة ان مفيش ولا سؤال من عندي اول 10 اسئلة كانت اسئلتك ليا ع الكرسي مع تغيير الضمائر مش اكتر وبقية الاسئلة منقيها من اسئلة بقية الاعضاء

18 / السؤال قبل الاخير : ايه بقى الانطباع اللي اخدتيه عني بعد اسئلتك ليا ع الكرسي ؟
19/ بمناسبة عيد الام : جبتي لمامتك هدية ؟ ايه هيا ؟ ولو ما جبتيش ناوية تجيبلها ايه ؟ وتحبي تقوليلها ايه في المناسبة دي ؟

انتهت الاسئلة.....

مع تمنياتي بالتوفيق ويا رب اكون قدرت اغلس عليكي ( ههههههههه )

أولا ربنا يشفيك ويا رب تكون بخير
1/شايفة نفسى ازاى
مميزات بيقولوا والله اعلم انى طيبة - اجتماعية جدا - مش بعرف اخبى لما أكون زعلانة من حد - وكفاية كده
عيوب متعدش بقى لما بثق فى حد بتكون ثقة عمياء - باخد كل حاجة على كرامتى ودى بتضايقنى اوى -لما بتوتر مش بفكر
واخيرا مامتى بتقولى ان دماغى هتتعبنى فى حياتى
2/بصراحة انا مش مقتنعة بالمثل ده خالص او بمعنى اصح مش فى كل الاحوال لأنه لما بيكون انتا حاسس انه بعيد عن العين انما لو كان فى العين يبقى المثل فقد معناه
3/ اصعب قرار انى حولت مدنى ولحد النهاردة انا مش عارفة اخدته ازاى لأنه اول قرار فى حياتى اخده من غير ما أفكر فيه اصلا بس الحمد لله
واستفدت منه ازاى الحمد لله بدأت أتأقلم مع القسم واقتنعت بيه اقتناع كامل
4/والدتى وصاحبتى
5/..............
6/اديهالك عشان الوردة اللى اديتهانى وقلتلى اوصلها (وانا مش بوصل حاجة لحد اللى عايز يدى حاجة يديها بنفسه)ههههههه
بجد اديها لمامتى
7/الحمد لله كويسة جدااااااااااااااااااااااااا
بما انى البنت الكبيرة فعلى رأى بابا واخدة اكبر حتة فى القلب ودايما بيقولى انتى أول من رأت العين وسمعت الأذن
ومامتى دى حبيبتى وصاحبتى وأجمل حاجة فى الدنيا
اخواتى اصحابى بس ربنا بستر وميتحالفوش مع بعض عليا
هههههههههه
8/والله بجد صعبانين عليا مطلوب منهم حاجات كتير أوى وربنا يساعدهم وفعلا بعد ما يخلصوا جامعة بيقعدوا على القهاوى الامن رحم ربى
ولازم تبقى شباب مكافح وعندك عزيمة طيب ازاى يبقى عنده عزيمة وكل اللى حواليه عاملين له احباط وانت فاشل وصايع
ده على اساس انه هيحفز نفسه ومش محتاج حاجة من حد
والله حالهم يصعب على الكافر
9/احس انى لوحدى لما بحس ان مفيش حد حاسس بى
10/الحمد لله على كل حاجة
والمادة اللى مكنتش متوقعاها هى الرياضة اخر حاجة كنت اتوقعها انى اجيب فيها مقبول وطبعا بعد الكلام الجميل اللى سمعته عليها من والدتى
(مش بيعجبهم حاجة سابوا 3 امتياز وبيتكلموا فى مقبول الرياضة)
11/الصديق هو تؤام الروح وهو المرايه اللى بتشوف فيها نفسك من غير مكياج وهو اللى بيوريك اللى مش شايفه أو مش عايز تشوفه ولما تكون متضايق بتلاقيه جنبك ولما بتكون فرحان بيشاركك ولما بتكون عندك مشكلة بيهتم وكأنها مشكلته هو وبيفكر معاك فى حلول ليها
وعندى 4 اصدقاء بالمعنى ده
12/فى بعض الأشياء ممكن زى انى اقول اسفة وفى الواقع مش بقولها لحد
13/أعلى مرتبة اجتماعية انى اسيب سيرة حلوة والناس يفتكرونى بالخير
علميا انى أكون مهندسة شاطرة فى مجالى واتقى ربنا فى اللى عمله
سياسيا ملناش دعوة بيها انا عايزة اتخرج
14/ مش مختلفة كتير مهندسة كمبيوتر
15/هندسة كمبيوتر
16/ من غير تريقة بحب اتفرج على mbc3ونيكولودين وعلى حلقات كونان
ده بالاضافة طبعا للبرامج الدينية والمسلسلات
17/مش حاجة معينة
18/انطباعى احب احتفظ بيه لنفسى
19/لسه مجبتش حاجة بس ناوية باذن الله اخرج عشان اجيب لها هدية كويسه ده طبعا مع اقتراض بقية الأموال من والدى

وبس كده أظن جاويت على كل الأسئلة ما عدا اتنين عشان الحسد
ههههههههههههههههههه

بالنسبة لمون
ا/مبحبش اعمل مقالب فى حد
2/انى اكلم حد ويكون مش مهتم
3/لوالدتى
4/انه لما يغلط يكار وميعترفش بغلطه وعكس ده بيكبره فى نظرى
5/مش على حاجة
6/كل الناس اللى بحبهم
7/لأ
8/لأ
9/أخلاقه
10/عامل الناس بمثل ما تحب ان يعاملوك به
11/مفيش
12/كل الأعضاء بحترمهم وعضو غامض انتى عضو اديله بوكيه ورد برنسيس
13/صفة بحبها انى بحب اللمة وصفة بكرهها انى لما بتوتر مش بفكر
14/كل الناس
15/المفروض ان الناس هيا اللى تقول كده
16/باذن الله هنعمله فرح اسلامى