كرسى الاعتراف

تذكير بمساهمة فاتح الموضوع :

الموضوع اسمه كرسى الاعترااف



ايه فكره الموضوع ..


فكره الموضوع ان كل فتره هيكون فى ضيف على كرسى الاعترااف .



وباقى الاعضاء كل واحد فيهم يساله كل الاسئله اللى كانو يتمنو او يحبو يعرفو اجابتها منه

على سبيل المثال

يعرفنا بشخصيته ... هوايته .. حكمه مفضله ليه ومؤمن بيها اوى

حكمه مشهوره هو معارض عليهاا .. ورده معاه يهديها لمين فى المنتدى

يتمنى ايه لمنتدى اصحابنا .. وكده مثلا ..

وأى اسئله تانيه ..
وبعد كده يختار عضو يجي يقعد علي الكرسي ..علشان يتسأل ..
ويبعتله رسالة علشان العضو يعرف إن قعد علي الكرسي .


اتمنى الموضوع يكون لذيذ ويعجبكو وتوافقو عليه ...

وعلى فكره الموضوع ده والله بشوف فى باقى المنتديات الردود فيه بتعدى ال100 لكل عضو

والاسئله بتكون كتيره اووووووى

وانا اللى عجبنى فيه انى حسيت انه بيقرب الاعضاء من بعض .. بحيث ان كل عضو بيكون عارف عن غيره حاجات كتيره اوى

عشان كده اتمنى تشاركو فى الموضوع ونختار مين هيكون اول عضو معاناا .. على كرسى الاعتراف

يلا بقى واحد يتبرع ويقعد على الكرسى لايما كل عضو يرشح واحد واكتر واحد يقعد على الكرسى

100%

يا حودة

كده تمام يا معلم

امال ايه

دى بردة اقل حاجه عندى

طب انجز وجاوب على الباقى علشان ترشح المطحون اللى بعدك

يلاااااا

اهلاااااااااااااااااا بيك يا بشمهندس علي الكرسي
متقلقش مش هرخم اوووووووي

تحت امرك اتفضلى


* اوصف حياتك ازاي عايشها ؟؟؟؟؟؟؟

عايش على نظام اقضيها الاول وبعدين ممكن اذاكر

* نفسك تكون اسرتك زي اللي انت عايش فيها دلوقتي بدون اي تغيير ؟؟؟؟

اه تمام
زى ما هيه

* حلم عايش علشان تحققه ؟؟؟


طموحى انى ابقى على علاقه كويسه جدا مع الله

وانى
اكون كويس مع والدى والعيله كلها
وانى ابقى ناجح فى شغلى

فكره او حكمه عايش بيها ؟؟؟؟

اللى يضايقك ويثبطك ابعد عنه

* حلم ضاع منك ؟؟؟؟

لا مفيش الا لو كان عاطفى

* احساس بيحسسك بالسعاده ؟؟؟؟

المفروض حاجه بتحسسنى بالسعادة

لما ببقى مع اصحابى

اذا اردت ان تبكي الان فعلي من تبكي ؟؟؟؟

على الاقصى

باقه ورد ..... باقه شوك .... قصه رومانسيه .... تهدي كل حاجه من دول لمين ؟؟؟؟

اقه ورد لنفسى علشان عيد ميلادى

باقه شوك للى مش هيباركلى

وقصه رومانسيه لنشوان

* اكتر اسئله عضو عجبتك لحد دلوقتي ؟؟؟؟؟؟؟؟

محمد طارق

واحد بقي من اعز اصحابك ومكنتش متوقع انك تصاحبه اصلا ؟؟؟؟

مفيش بس ممكن يكون على علشان معرفتهش الا فى الكليه

* اغنيه علي بالك علي طول ؟؟؟؟؟؟؟

دلوقتى مفيش بس اللى كانت
اغنيه زى الهوا

فيلمك المفضل .... مطربك المفضل .... اكلتك المفضله ......... يوم بتحبه ؟؟؟؟؟؟؟؟

فيلم مط صناعى

والمنطرب عمرو

والاكله رز بلبن
ويوم بحبه الخميس


* احلي وقت بتقضيه لمته ؟؟؟؟؟؟؟

لما بقى مع اصحابة فى البلد

*حلم مازال يطاردك حتي الان ؟؟؟؟؟؟؟

عايز اتجوز

لا طبعا
مش دلوقتى بس مفيش احلام بتجرى ورايا يعنى دلوقتى


* عضو شقي .. عضو رومانسي ... عضو رخم ... عضو شايف نفسه ...عضو مش قادر تفهمه ؟؟؟؟؟؟

عضو شقى على كمال مبيريحش

ورومانسى نشوان


ورخم على واحمد صلاح
وشايف نفسه احمد ممدوح

ومش قادر افهمه
عبدو عبدو

كلمه نفسك تقولها لحد وكلمه نفسك تسمعها من حد ؟؟؟؟؟؟؟

بقول الكله لعلى كمال ايه سر التغيير دة

يقى احسن لو رد عليا
وكلمه نفسى اسمعها من حد
مش عارفها الكلمه دى
يا ريت تقولى انتى كلمه تحبى تسمعيها من حد

بس بقي كفايه غلاسه بقي


يا ريت كل الغلاسه كدة شكراااا

يا بشمهندسه

حد عايز يسال تانى هه

لا يا حوده رشح واحد مكانك

رششششششششح

اوكى انا برشح البشمهندس هشام

قشطة يا رجالة نيجى لأتش صديقى وشقيقى

1- عرفنا بنفسك معرفة دقيقة وثانية هاهاهاهاهاها؟

2- ايه احلامك وأهدافك فى الحياة

3- امتى حسيت انك أسعد انسان وامتى اتعس انسان؟

4- راضى عن نفسك؟؟ وليه؟

5- ايه سر طيبتك المبالغة دى؟

6- لو قالولك اختار تكون مدرب لفريق عالمى هتختار مين وايه التشكيلة؟

7- اختار احسن منتخب للعالم فى كرة القدم؟

8- ايه عيوبى الكتير وقولى ميزة لو لقيت؟

شكرا يا اتش وبجد انت من أطيب الناس اللى عرفتهم فى حياتى

اهلا و سهلا

عامل ايه

السلام عليكم يا هشام
نخش على طول على الاسئله من غير مقدمات

1- ايه رايك فيا مميزات وعيوب ؟
2-ليه بتيجى متاخر ومش بتقعد معانا كتير دايما واخد نشوان وصلاح وداير بيهم ؟
3-هل انا زعلتك قبل كده ؟ وايه الموقف ؟
4-انت معتبرنى صديقك ولا صاحبك ولا مجرد زميل ؟
5-ايه رايك فى مورينيو ؟؟؟واياك تقول وحش عشان متعصبش عليك ههههههههه
6-مين اللى بترشحه انه يفوز بكاس العالم ؟

بالنسبة لعمرو
اهلا و سهلا

عامل ايه

الحمد لله تمام زي الفل

بالنسبة لعبدو

السلام عليكم يا هشام
وعليكم السلام

نخش على طول على الاسئله من غير مقدمات

1- ايه رايك فيا مميزات وعيوب ؟

ماشي بدماغك وعارف انت عايز ايه وبتحب تلخص
وانا زي ماقلت لعلي بجد مابعرفش اقول عيوب حد او مابحبش مهما حصل

-ليه بتيجى متاخر ومش بتقعد معانا كتير دايما واخد نشوان وصلاح وداير بيهم ؟
بصحي متأخر بس غالبا مابيبقاش فيه حد في البيت الصبح وانا نومي صعب ههه
اما حكاية واخدهم واخدهم ازاي يعني ههههه بجد عادي يعني مثلا فيه وقت بتكونو بتهيسو فيه ومش طالبة معايا او شايف انه زيادة وساعات بكون مخنوق وعايز اتمشي واحيانا بيبقي كل واحد فيكم في وادي انما مافيش حاجة يعني وتقريبا في المتحانات افتكر اني كنت بقعد كتير معاكم الا في وقت المراجعة وانتو سخنين كدة بعد الامتحان فالموضوع مش مقصود خالص يعني


-هل انا زعلتك قبل كده ؟ وايه الموقف ؟
انت تقدر أصلا ههههه
لامافتكرش اني زعلت من حد قبل كدة بس يمكن حاجة وحدة هي اللي ضايقتي شوية ومش لازم اقوله خلاص بقي يومين كدة وبعدين ولا كان حاجة حصلت



-انت معتبرنى صديقك ولا صاحبك ولا مجرد زميل ؟
اكيد لو مش صاحبي ماكنتش دخلت بيتك ماكنتش هقعد معاك معظم الوقت ماكنتش هنزل معاك
مش مستاهلة سؤال

5-ايه رايك فى مورينيو ؟؟؟واياك تقول وحش عشان متعصبش عليك ههههههههه
مدرب جامد جدا وزي العسل رغم انه مغرور شوية بس تحس انه ظريف جدا


-مين اللى بترشحه انه يفوز بكاس العالم ؟
البرازيل أو الأرجنتين

الحمد لله خلصت عقبال الباقي
ههههههه

اهلا بيك يابشمهندس ع الكرسى

1- نفسك تشتغل ف مصر ولا بره ؟

2- اكتر موقف ندمت انك عملته ؟

3- ايه رايك ف حياة الجامعة ؟وهل كنت متخيل حياة الجامعة كدة ولو مش كنت متخيلها احسن ولا اسو ؟

4- احسن مرحلة ف حياتك ؟

5- ياترى انت ف حالة اعجاب ولا حب ولا خارج عن القانون ؟

6 واخيراااااااااا ايه رايك فيا خاصة وبنات دفعتنا عامة ؟

اهلا بيك يابشمهندس ع الكرسى
أهلا بيكي

- نفسك تشتغل ف مصر ولا بره ؟
غالبا بره ان شاء الله

- اكتر موقف ندمت انك عملته ؟
مافيش موقف معين فاكره دلوقتي بس حسيت اني مرة زودتها مع واحد صحبي شوية في الكلام فكنت مخنوق بعدها ده اللي فاكره دلوقتي يعني

- ايه رايك ف حياة الجامعة ؟وهل كنت متخيل حياة الجامعة كدة ولو مش كنت متخيلها احسن ولا اسو ؟
مستمتع بيها جدا وبقضي وقتي فيها بس بصراحة ماكنتش متخيل انها تبقي كدة كنت متخيل انها تبقي أحسن من كدة

- احسن مرحلة ف حياتك ؟
اعدادي وبعدها مرحلة الجامعة

- ياترى انت ف حالة اعجاب ولا حب ولا خارج عن القانون ؟
حاليا خارج عن القانون الي حد ما

6 واخيراااااااااا ايه رايك فيا خاصة وبنات دفعتنا عامة ؟
مرحة بتحبي الهزار تقريبا دماغ زينا في الدراسة محترمة وشكلك بتحبي تقعدي في الكلية زيي ههههه

وبالنسبة للدفعة معظمهم كويسين ومحترمين وبيطحنو الكتب ههههههههه بس طبعا لكل قاعدة شواذ ونفس الحكاية في الولاد برضه يعني

شكرا علي أسئلتك وياريت تكون اجابتي نموذجية بقي وتقديرنا يرفع هههههه

السلام عليكم
اولا احب ارحب بحضرتك ع الكرسى ويارب اسئلتى تكون خفيفة



عدد اصدقائك كام ؟

عقبه قابلتك ف حياتك وتجاوزتها بنجاح؟

ايه هي اسوأ عيوبك اللي نفسك تغيرها

لو كان معاك مليون جنيه ولازم تصرفهم ف 3 دقايق هتصرفهم في ايه؟

لو الفت كتاب هتسميه ايه؟

لو مكنتش دخلت هندسه كنت تحب تكون ايه؟

سؤال الاعضاء بقي


تعطي مين الألقاب دي من اعضاء منتدانا ؟؟


- العضو النشيط .
- أمير المنتدى .
- وردة المنتدى .
- العضو الغائب .
- الصوت المسموع .
- نحلة المنتدى .
- قلب المنتدى .
- العضو الموهوب .
- العضو الصديق .
- روح المنتدى .
- ابتسامة المنتدى .


لمن تهدي هذه الالقاب داخل المنتدي فقط

المتميـــــــــــز /ة


المبـــــــــــدع/ة


الراقـــــــــي/ة


طيب/ة القلـــــب


الشــــــاعر/ة


الحنـــــــــــون/ة


خفيــــــــف/ة الدم


الصــــــــادق/ة


الصــــــــريح/ة


المهضــــــوووومة




الذكي/ة



قوي/ة الشخصيـــــــة



المحتــــــــــــرم/ة
ايه الكلمات اللي بتقولها لنفسك وبتحفذك كتير؟


ايه المكان اللي عاي. تسافر ليه؟

لو اخدت جائزة نوبل تحب تاخدها ف اي مجال


توجه الالقاب دي لمين من الاعضاء

مثقف
ذكي
طموح
عسل
ذوق
خفيف الدم
رخم
شقي
اناني
صادق
هادئ
متواضع
رائع
طفولي
غموض
هدوء
مرح
خشونه
حب
نشاط

_ما هي اصعب كلمة وجهت اليك وممن كانت
_ما هي الطريقة التي تعبر بها عن غضبك ؟؟؟

جاوب بسرعه

هيكتب ده كله امتى

يلا يا اتش انجز وجاوب واختار اللى بعدك

فين اتش علشان اسئل ده بقله 8 ايام مدردش هنا ؟

معلش ياجماعة علي التأخير ماكنتش بدخل بس بقالي فترة وماكنتش اعرف اني لسة موجود

ربنا يسهل بقي والحق اجاوب ده كله هههههه
بسم الله


السلام عليكم
اولا احب ارحب بحضرتك ع الكرسى ويارب اسئلتى تكون خفيفة
أهلا بحضرتك وواضح انها خفيفة فعلا هههههههه


عدد اصدقائك كام ؟
كتيييير لسة هعدهم

عقبه قابلتك ف حياتك وتجاوزتها بنجاح؟
امتحانات تالتة ثانوي واني ادخل كلية هندسة والحمد لله نجحت فيها يعني

ايه هي اسوأ عيوبك اللي نفسك تغيرها
مش عارف بصراحة بس ممكن اللي نفسي يتغير اني بتأثر زيادة عن اللزوم نفسي اتعلم اكبر دماغي

لو كان معاك مليون جنيه ولازم تصرفهم ف 3 دقايق هتصرفهم في ايه؟
هطلع رحلة للقمر بس يارب مايتبقالهم فلوس بعد كدة ههههههههه

لو الفت كتاب هتسميه ايه؟
أكيد حسب مضمون الكتاب

لو مكنتش دخلت هندسه كنت تحب تكون ايه؟
كنت ناوي علي طب في الاول بس غيرت مساري والحمد لله مقتنع جدا دلوقتي وحابب الموضوع جدا

سؤال الاعضاء بقي


تعطي مين الألقاب دي من اعضاء منتدانا ؟؟

انا مش متابع قوي المنتدي دلوقتي بس هحاول اجاوب من الفترة اللي كنت بدخل فيها دايما وياريت ماحدش يزعل

- العضو النشيط .علي كمال
- أمير المنتدى .عبدو
- وردة المنتدى .برنسيس واماندا ولايت مون
- العضو الغائب .نشوان بس حاليا طبعا لظروف كدة بمعني ان احنا مفتقدينه دلوقتي يعني انما لو حاضر غائب ففيه اعضاء كتير مجرد اسم متسجل بس
- الصوت المسموع .اي وجهة نظر محترمة اي عضو بيقولها مفيش عضو محدد
- نحلة المنتدى .محمد طارق
- قلب المنتدى .كل اعضاؤه
- العضو الموهوب .نشوان
- العضو الصديق .كل اصحابي اللي علي المنتدي
- روح المنتدى .برضه كل الأعضاء
- ابتسامة المنتدى .انا ههههه لا اكيد مش منهم طبعا بس بجد معظم الاعضاء اللي بيشاركو عاملين روح حلوة ومرحة في المنتدي


لمن تهدي هذه الالقاب داخل المنتدي فقط

المتميـــــــــــز /ة برنسيس واماندا ومون لايت


المبـــــــــــدع/ة بسام


الراقـــــــــي/ة عبدو


طيب/ة القلـــــب علاء


الشــــــاعر/ة نشوان


الحنـــــــــــون/ة علي


خفيــــــــف/ة الدم كتير


الصــــــــادق/ة كلهم


الصــــــــريح/ة نشوان


المهضــــــوووومة كل البشمهندسات اللي معانا اماندا وبرنسيس ومون لايت ودونت ليف مي




الذكي/ة الغالبية



قوي/ة الشخصيـــــــة عبدو



المحتــــــــــــرم/ة كلهم

ايه الكلمات اللي بتقولها لنفسك وبتحفذك كتير؟
ليه مااكونش كدة ايه الحاجة اللي تمنعني يعني

ايه المكان اللي عاي. تسافر ليه؟
الامارات
لو اخدت جائزة نوبل تحب تاخدها ف اي مجال
الكورة ههههههههه

توجه الالقاب دي لمين من الاعضاء
ده علي اساس اللي اعرفهم اصحابي بالنسبة للبشمهندسات مش عارفهم كويس فماحدش يزعل بقي لو ماتكلمتش عنه والحاجة دي فيه يعني

مثقف محمد شرقاوي اكيد بس ده مش من الاعضاء بس بيعشق الكتب
ذكي معظم اعضاء المنتدي
طموح عبدو ونشوان
عسل كلهم والله
ذوق نفس الكلام
خفيف الدم علي
رخم مفيش
شقي علي
اناني مفيش
صادق الكل
هادئ من اصحابي نادر جدا
متواضع ماحدش يقدر منهم هههههه
رائع نشوان
طفولي علاء
غموض علي
هدوء هشام هههههه
مرح علي
خشونه محمود سيد هههههه
حب كلهم
نشاط الله اعلم

_ما هي اصعب كلمة وجهت اليك وممن كانت
بصراحة مش فاكر حاجة دلوقتي
_ما هي الطريقة التي تعبر بها عن غضبك ؟؟؟
بمشي وبقعد لوحدي غالبا مش بعمل حاجة بس برضه احيانا ببقي عصبي شوية

ياااااااااااااه أخيرا خلصت بس فعلا كانت أسئلة خفيفة
والميزة كمان انها قليلة جدا ماخدتش معايا 5 دقايق هههههه

شكرا يابشمهندسة علي الأسئلة وياريت أكون جاوبت عليها كلها

وانت يابسام هتسأل ولا ارشح حد ولا ايه

سيبك من بسام المسكين نته اتشال
هاهاهاهاهاهاهاهاهاهاهاها
الجمعة رشح واحد جديد

itch كتب:

ايه هي اسوأ عيوبك اللي نفسك تغيرها؟
مش عارف بصراحة بس ممكن اللي نفسي يتغير اني بتأثر زيادة عن اللزوم نفسي اتعلم اكبر دماغي

لو عايز تكبر دماغك اعمل زيى او تعالى اديلك كورس فى تكبيره الدماغ
وانت اكتر واحد عارف
ههههههههههههههه

رشح رشح